每個人都自己負責番老年，唔應該期望一定有家用。大家唔好被情緒勒索
4個讚
樓主, 就你標題同內容, 矛頭好似指向父母噃…我覺得家用係雙向, 我係一個要俾家用都有家用收嘅人… 好多人後生時為頭家衣食住行+仔女教育開支, 已經猛猛緊, 未必有多餘錢儲起防老… 仔女大啦… 如果同住, 父母想你夾番一份生活費都好理所當然, 如果唔同住, 仔女係自己環境許可下俾少少家用當作回報養育之恩, 都係一件樂見嘅事…
當然, 老人家要適當體諒後生環境去收家用…
16個讚
樓主所言甚是，不過實際上呢…
1個讚
當你要把父母當係陌生人，無問題，你可能有你嘅道理，但數目要分明，計返由細到大你用咗佢哋幾多錢，一次過還一刀兩斷，或者按月俾返家用當還 grant loan 都得。
人可以無情，但唔可以欠人哋錢。 當你話佢情緒勒索，你都唔可以趙完鬆。
12個讚
係咪有咩事發生？
好大怨氣 
2個讚
好難完全唔比家用，又好難當家用係還債喎，又唔係我要出世我問父母借錢
3個讚
家用唔係老馮唔知樓主係咪同住，如果係同住
比都好正常，自己租屋都要比租水電個啲。唔
同住既話有能力都比，始終屋企都有照顧自己
長大成人。
3個讚
父母養下一代係一種最基本㗎責任，唔係被逼要你生. 做父母唔係應該做好自己培育下一代而唔係諗住第時仔女大個可以回本？
未來生活成本只會越來越貴, 如果住屋企比d錢幫輕下冇問題，但係出到黎自己住或者有自己屋企仲要比錢原生家庭就有問題. 家用當還債或者理所當然㗎諗法我個人覺得好食子，個波一路碌去下一代，幾時完？唔怪得冇人生
9個讚
依家做父母唔敢話100%係，
仲話上一代
咁我可唔可以選擇唔出世？
借錢可以揀借定唔借喎
6個讚
我都係咁話！以為個社會發達左好多咩？接觸過先知原來仲有好多人有呢啲思想！
旨意仔女比家用=為自己退休生活規劃左
大6人仲得人驚，我親身接觸好多後生couple都仲係咁諗！生出黎係應份家婆湊！男家出錢養！生多幾個第時多啲家用收！
我唔知怪唔怪得佢地，畢竟佢地上一代都係咁樣灌輸呢啲思想比佢地。
如果咁樣不如唔好生，投資角度睇風險太大而回報不明，不如用手上資產投資有即時回報嘅產品更有效率
樓上講個借錢論仲搞笑，為乜我要借錢俾個細路然後唔知佢廿年後還唔還到，其間仲要不斷投資確保佢有能力還
9個讚
衰d講呢種諗法華人特別多，身邊d英國人朋友全部都係想第時仔女leave the nest,佢地可以做自己想做㗎野做目標，而唔係第時可以有人幫自己埋單…
3個讚
上一代養兒防老、仔女出身就係收成期、理智上知人人要為自己負責、但情感上唔通真係可以唔理咩、尤其而家生活開支大、仲要養自己又要養仔呢、夾心階層有怨氣好正常
1個讚
其實我覺得有啲矛盾係點解自己後生都猛猛緊時、又會期待子女出身後可以養到三代
2個讚
我係調返轉嘅心態，而家儲定錢將來退休用
啲仔女養到佢哋讀完書我嘅責任就完，第時佢哋自己搵到錢養自己就夠，唔奢望佢哋養埋我，唔問我攞錢結婚買樓就已經偷笑
不竟而家咁多敗家仔，養自己都成問題，等佢哋養真係聽瞓街，陣間又話老馮又話情緒勒索又盛，仲講話養佢哋係投資真係笑大人個口
9個讚
老實講我未去英國前已經咁諗，我嘅責任係確保佢地長大後有能力獨立生活，呢個應該係無償付出，唔係投資講回報
8個讚
我冇仔女都愁㗎，尤其是移居後已經搵少咁多。但我盡量留多個錢，而家冇後生時咁大洗，增值自己努力工作算數
身邊啲有仔女朋友一樣，冇乜邊個期望仔女第時比家用，我好期待同班老死一齊住老人院
1個讚
我都好憎我老豆，但我性格係唔鍾意欠人，特別係我唔鍾意嘅人，一身唔自在。
所以你有你嘅道理，我同意，但如果感情係好嘅，係真感情，就唔會用個迫字，收嗰個唔使問，自動有，俾錢嗰個自己俾，無人迫，真心好關係嘅，見到仔女唔掂，絕對唔會問要錢。俾唔起錢，如果有心想報恩，陪伴下都係好事。樓主個 post , 幾句嘢就睇出有好多牙齒印，一家唔知一家事。
屋企從來唔係一個講理講公平嘅地方，係有來有往有包容，咁先至係一個家，講理講收支平衡係法庭和會計師樓，個家散咗例如離婚就法庭見，呢啲就單單都要計。
正如我所講，如果父母仔女相見如敵人，計埋尾數，直接斷絕關係吧。
4個讚