求助：啱啱做完body check，報告話我超重，壞膽固醇超標，肝功能唔係咁好。醫生叫我要減重10kg先達到正常BMI，注意飲食。
運動我淨係識做瑜伽同跑步，以前試過好多次跑步完通常都會變咗氣管咳，結果又病返一排，病到中醫叫我唔好食咁多菜同瓜，體重又加返。攪到依家對跑步有陰影。上年又整親腳骨折，半年先康復到，唔夠膽做啲太挑戰性嘅運動。
我係咪應該先由飲食入手？利申：我唔識煮飯，靠街外賣同工人姐姐煮。
感謝解答
直接搵營養師，每人體質唔同
3個讚
點解？ 我未聽過食菜同瓜對身體會唔好，除非你對瓜菜敏感
減肥嚟講控制飲食最重要，見營養師最好，會跟你需要寫餐單比你，叫工人姐姐跟住煮就得
BMI係好outdate嘅計法
佢只計身高體重, 又唔睇體脂, 骨架
我上年去body check, 都係話我BMI過高
然後醫生一睇我身型 目測都唔係太肥 就同我講以上說話
最好都係正正經經check體脂
2個讚
最好搵自己睇開嘅家庭醫生，佢了解你多啲，化驗所醫生答得好 general.
咁好膽固醇夠唔夠，血脂高唔高，家族有遺傳壞膽固醇超標嗎? 壞膽固醇超標有時係身體問題，如果食清啲唔得就要食藥。
餐餐出街食飯係會有三高，可以嘅話自己煮。
我1.75m 高，75kg ，BMI 24.5 ，數字上係肥胖，但我體脂我得 16%, 醫生話 OK. 要量埋體脂和血脂先知有冇問題。
我印象中係， 惹痰, 寒涼
運動可以試吓跳繩同HIIT
唔知你食得多唔多外賣
可以嘅話戒咗食街外嘢先
我舊同事四十歲就話血壓高、又係餐餐外賣、仔女全部超重成座山咁，中三已經話腳痛
同意樓上有能力揾營養師跟
減脂關鍵在於運動時間多少，一定要做到能夠持續30分鐘以上有氧運動
先減甜減肉減加工食物？
建議搵營養師
會教你點樣揀野食
三年前我減左38磅
有人guide住動力大好多
而家雖然肥番好多
但起碼都同最肥時有一段距離
先從最簡單入手
出街食全部揀最少油最少鹽既食物
e.g. A餐=菜芯炒牛肉, B餐=肉絲炒面, 自然揀A餐
另外唔好飲甜野, e.g. 飲凍檸茶走甜, 齋啡, 唔好飲奶茶
堅持兩三個月應該會瘦D
飲食佔九成、運動佔一成
食得健康（低碳有肉有菜）、唔運動都瘦
可以試埋16+8斷食，簡單黎講就係skip 早餐，午晚餐在8小時內完成
去GYM做太空漫步,單車
行多啲樓梯,多啲散步
yoga,跳舞…
運動有好多種,唔一定要跑步
我先生用一年減左8kg
頭兩個月介甜,朱古力,咖啡唔落糖,面包都食少啲因為面包都多糖,果汁嗰啲全部no,飯量減半,多菜少肉,少出街食,咁樣兩個月已經減2kg
跟住配合食飽唔即刻坐,企30分鐘
加每星期三次,每次抽半小時踩單車
零食就改食合桃,果仁,開心果或間中食暑片
唔跑步可以急行到出汗,最重要唔好成日坐同外賣,盡量屋企食
借位一問
屋企人未到四十，但血壓上壓上到180以上、試過喺急症室醫生唔比佢走、要佢留一晚
想捉佢做body check,佢又話醫院冇叫佢咁做
作為屋企人有冇嘢可以鼓勵佢或者引導佢改善生活
係, 我都覺得體脂有參考價值好多
都係飲食先? 開始減番少少糖油鹽咁? 希望佢可以習慣逐步清淡
1個讚