深夜講心事
我身邊都算多朋友，都有深交
但之前打過幾份工，反而5係好識同同事溝通/ 甚至同更要害地——- 同老板共事5到。
我5係討老板歡心個啲人，有時遇到5想跟老板講會出聲…… 5係好識氹老板啲人
（我知自己缺點，冇乜耐性…. 改善中）
希望5介意我問啲咁弱智既問題…… 如果有jm有喺職場有啲心德，點學吓識做人一啲….可以分享吓嗎？
如果幾間公司都發生人事問題，你有冇諗過睇醫生check 下可能係adhd之類 (我都唔肯定）。如果係病（感冒係病，adhd都係）而引致，要專家先幫到你
有時遇到5想跟老板講會出聲
同老闆上司say no好常見，但絕對唔係單一事件令你老闆唔like你
應該同ADHD無關
而且咁大個先有呢個label有咩用？
個人睇法一係你出去見輔導，真係搵個人follow 問題同你practice現實可以點回應。
一係上成人說話技巧課程？
不如你分享下你講左啲乜令老細唔鐘意
無錯, 除非上司真係好小家種或者件事影響好大, 如果唔係, 正常唔會為一次半次事唔like樓主…
@Lavenderland 我覺得正常上司同同事係唔駛氹, 你做到嘢, 又麻煩唔到人, 唔知你係咩工種啦… 加返少少合作性… 應該唔會好似你現況咁… 介唔介意講多少少…例如發生過D咩事, 點解你覺得佢哋唔like 你…
1個讚
我老公喺朋友之間係萬人迷，因為佢性格好善良又有正義感，同grade嘅同事都極鐘意佢…
但佢會覺得自己勁過老細（佢自己唔覺有問題，講俾佢聽佢又唔鐘意），會因為小事同老細嘈，甚至辭職。
然後又會話老細損失咗佢係好可惜…
佢而家係househusband
分享完畢
如有雷同實屬巧合
咁係上司堅廢或是自視過高?
PS: 廢+A膊上司大有人在
我都係
我做唔到係唔係都鼓掌, yes women, 我會揀唔出聲, 冇意見
有時知道自己係邊類人，就要接受有時只會得個做字，升職加薪唔會第一個諗起你
過哂博殺期，做好本份，有糧出就算
兩樣都有啲啦
但老細廢都唔應該當面衝突，俾我就吞咗佢算，同埋廢嘅老細好多同事早已知，留返放工gossip已ok
1個讚
我都有少少以上的情況，
識嘢比較直接唔轉彎，講嘢有時忍唔住倔。
唔係好識表達自己做咗幾多嘢/ 幾做得嘢, 成日收收埋埋，老板就覺得我冇乜用，更加抽秤⋯⋯
從事客服工作，要追數，但條數唔靚仔所以又容易俾老板追擊
說話技巧可以透過訓練改進，搵 course 讀吓
我睇返自己啱啱出嚟做嘢都係咁
我有個經歷係同A B C 幾個女仔差唔多時間入職
A同某同事拍拖，有同B&C講，但我最後先自己發現
又或者B會單獨同A /C 放工行街食飯，但唔會約我，只會一大班出嚟食先會叫我
果陣成日諗自己邊到出咗問題。。。係唔係有啲咩做得唔好。。。成日懷疑自己咁
試過睇書去改，去學點樣講嘢，一路工作都係見招拆招
不過都係江山易改。。。
好彩一路做嘢慢慢都儲到唔少貴人，慢慢都識到好朋友
去到呢傢一把年紀，面皮夠厚（好聽啲叫內心強大咗）
已經唔會介意人地點睇自己
人夾人，我有個舊同事個人幾好，識照顧人，絕無害人之心，我都間中同佢食晏。但好多其他同事就話佢膠唔鍾意佢，我都唔太明
病向淺中醫 
我做過幾份工，工種要交數關係，有好多「壞人」「自私精」… 有些低手到當住人哋面講人是非/ 屈人都有… 都算好采識到朋友（仲有聯繫）但不多
未至於完全同同事夾5到，但自知不易妥協的人…. 學緊… 好醜，做左禁多年工仲學習緊
我試過番兩份工
一入職就被視為仇敵般看待, 專登5同我食飯
一系就專登分開走一下子消失唒…. 就算我問佢哋食飯都要話遲D食呀你行先
慢慢令我好驚人事/ 對同事
今時今日要既技巧真需要非常強大的內心
用我同事為例,
- 佢係經理級, 手下做事用左A方法, 佢話手下錯,要改用B方法, 之後老細睇完問點解用左B唔用A, 佢就當著老細面前話A方法點好點好,老細英明,之前叫手下做佢講極唔聽,佢手下在場聽著佢講佢都可以講得理直氣壯.
- 部門同事不斷辭職, 佢就同老細講話會幫手做埋, 仲感謝老細比機會佢睇多D學多D, 轉頭就分豬肉分曬比同事,話係老細意思.
老細女人,佢做到老細男寵,一定有佢過人之處.
你幾大個？
正常入職應該會assign個buddy陪下你等你熟習下公司運作同起碼頭幾日同你食下lunch介紹下邊到多野食 etc
會唔會咁啱兩間公司入面啲同事都一般？
唔好被嚇怕，越怕啲人越鐘意蝦你
真係唔好怕，要出聲。如果做到夠麻煩，支支左左就更加冇人敢搞你
我覺得講野直接都唔算好左問題但要學識包裝同埋令人地聽得舒服 。當然適當時候，都要收下把口（如果唔識講野轉彎）
我34歲
果2份工D人真係一般, 我明, 2份工都有buddy但唔係做你講嘅嘢, buddy都係舊人所以同舊人一齊唔理我（冇實質用途)
都明唔好俾Lee d 嚇親, 只不過做咗5 份工遇到2間係咁…… 自不免有少少反思係乜問題會咁…. 純粹係自己人緣差還是甚麼