有長輩話，畢竟大家相識一場咪大圍聚會都見下囉。
亦有人話，既然篤眼篤鼻，何必令自己唔comfortable 呢，唔見咪算。
我揀後者，大家呢？
3個讚
唔會難為自己，人生太短，記憶力有限，我會選擇記住開心事。
但最好老死不相往來。
5個讚
有咩今世還晒佢
以後無拖無欠
親戚？
人生寶貴，我絕對唔會比面，對自己好係基本生存要求
4個讚
返工就無得選擇，私人時間做返自己，唔見，除非你覺得靠有好關係會有著數。
6個讚
我堅持黃vs藍，非藍（中立）仲忍到，藍一定唔得，唔咒佢死已經比面
3個讚
人生仲有其他對立面嘅事嘛
計私人先
係，但我對於藍企得最Q硬
1個讚
後者
後者
唔想勉強自己，想舒坦d
3個讚
所謂冰釋前嫌，你都要雙方有呢個意思先得㗎，單方面要我唔嬲，對方乜都唔做 （講緊真係誤會，或雙方都有錯），唔三口六面講清楚，咁就唔係冰釋前嫌，即係要我跪低。
咁樣被冰釋，以後都唔會見囉
9個讚
以前細個, 成日好在意人地點睇自己, 想扮大方, 想做人地口中既好人, 會揀前者。
宜家人大左, 覺得根本唔需要care 某d 人點諗, 就算係親戚或者直系家屬, 我都會揀後者。
8個讚
啲老人家自己想開心齊整就搵著啲後生嚟搞
4個讚
咪係, 係你地自己想咋嘛, 但我好唔想喎, sorry
1個讚
我長輩會話相識一場，大家都係乜乜份上etc.
不過有時大家只係相識左好耐only
1個讚
我都覺得識得耐又點, 有血緣關係又點? 對方如果係識做, 就算兩個人只係識幾日都可以好番。對方從來無展示過誠意就想"冰釋", 就算有血緣關係, 格硬勉強見黎都只係應酬, 都係浪費時間。
3個讚
老實講：佢哋老，悶，冰釋前嫌會令佢哋滿足。但唔該體諒下啲後生啦，又要搵食又要顧家庭，你自己咪飲茶食飯自high lor，關我叉事
1個讚
真心，佢真係可以冰釋前嫌佢自己唔妥嘅人先講
4個讚
真人真事。
長輩做左件錯事，影響到我家人，而我係負責執屎嗰個。
唔知佢真心知錯想搵落台階，定佢唔覺有錯，係家族聚會主動提，係用緊嬉皮笑臉方式講。
我即場當住所有人爆佢一鑊，所有人嚇親，
另一長輩（件事冇影響到佢）出聲話，大家一家人唔計….
個較字都未出聲，我即問佢，如果發生係你身上，你會點。
後來有其他長輩私下同我講，你個長輩係做錯，但點都係長輩。
我冷笑，心諗，原來你地都認同佢做錯。
之後家族聚會都係會見到，反正錯不在我，我冇必要避席，家族中仲有其他真心待我嘅人，但次次見面都唔理佢，唔打招呼
7個讚