過往都聽過唔少名小轉村校/happy school/寶校 ，band1/band2轉讀band2/band3嘅例子（通常都係因為讀唔上），反而想知有冇人係向上游式轉校，即happy school/村校/寶校轉讀名小，band2/band3轉band2/band1中學。（暫時淨係知有Patrick sir）。
一定有，band 3入醫科都有啦。但比例唔多囉
1個讚
我都覺得點都會有嘅。
我老公當年由寶校（小學）都轉咗去地區一線尾小學。
好奇一問，咩叫寶校？
我個女幼稚園讀創價（出名happy school)，升民生小學
執到喊三聲嘅學校
唔收歡迎學校
有呀，識人普通學校讀一年中學轉左去港島band 1，兩年後轉左去神校。好佩服佢，成績好之餘，人都謙虛厚度。
1個讚
哈哈….原來係咁解
我一直困擾咗好耐
原來係咁解，多謝你解答
寳物沉歸底，最底嘅學校
1個讚
我唔係特別追成績嘅人，所以之前幫小朋友揀左間所謂happy school嘅直資小學，但間學校真係好有問題，之後我即刻幫小朋友轉校，因為好急住轉（唔想再留喺舊校多1日） ，所以漁翁撒網咁報左d可以報嘅學校（學期中途插班），結果係轉左返地區一線津校。
1個讚
應該一直都有
其實讀得書嘅人喺寶校應該覺得無挑戰，係需要轉校的
否則佢會上堂搞搞震，因佢唔駛讀都識晒
nnnnnnn年前，我表妹由地區名校插班（四年班）入咗名校
我哥，由40年前已經要返全日嘅小學 (收生不足，已殺校，佢學校第一個入男拔嘅學生)，入男拔
朋友仔仔，二線"較happy" school 人spcc (朋友自己教同區較谷2線，band 1 率有40%嘅小學)
之前去資優教育學院聽過一個ADHD嘅女生分享，佢點由寶校入spcc，然後發現自己有ADHD，高中時點處理學習問題…
幫佢LSC做新生註冊日嘅義工兩年，其實都有唔少學生來自唔出名嘅小學 (我已經叫做夠8，連其他區嘅熱門學校都聽過下)
都係資優教育學院，學生分享，點由沙田二三線小學，入到LSC，當時佢係S6，我有留意嗰年DSE派彩，佢唔係狀元，但都响LSC 記招出現，應該成績夠入醫科
村校讀港大呢啲算唔算?
隨便搵啲band 3學校收生單張，都九成列低晒有啲咩人入大學
隨手攞住我個區band 3 村校 (朋友做老師，話呢間打架出名…)
只係寫左幾個，港大 - 37, 28分，中大27, 26, 26分，科大27分，理大26分
相信仲有啲無咁高分無寫出黎
有～二線小學轉去三私一直，每年7千人考果間
呢間報名多，但好多時有好的龍校offer都會放。俾人吹大了
咁呢兩年大學收生不足，名校生又好多去左外國讀大學，三大的收生標準都低左，搞到副學士，珠海書院、樹仁都收唔到生。所以 band 3 有人讀到三大就多左機會
另外雖然是band 3，少數學生都好勤力，加上出去補習，咁咪考得上好的大學。呢啲真係全靠個人努力，克服環境局限
轉得成唔係新聞，重點應該擺係轉校後讀成點。
coed 2個狀元小學都來自地區校（唔知村唔村），轉去coed仍然讀得好好。
1個讚