細妹K2
細妹頭腦聰明，獨立型，把口浪過油，識睇人眉頭眼額，上堂可專心亦會玩得放
家姐低小，係乖乖女型，不駁嘴好聽師長話，背誦叻名次前，讀緊傳統一線津，非常多功課，老師教書都係死咕咕，唔會接受model answer以外的嘢
依家考慮緊好唔好比兩姊妹讀不同校，細妹試吓直私，會否姊妹間有比較？有冇過來人可以分享吓
萬分感謝
睇下你家庭點樣配合
我識嘅家庭 A：大女讀一線津，叩返黎，乖女型，細女叩到一線女校，再插班考入更勁嘅私校。大女知道細女叻啲嘅，因為大女叩唔到考唔到嘅學校，細女都考到，但大女都接受現實接受自己。
家庭 B：齊齊讀一線女校，大女唔係讀書材料，讀得辛苦勉強，細嗰陣唔知，大少少就 feel 到，少少唔開心，但更唔開心係自己讀唔上，唔係妒忌/羨慕。
家庭 C：兩個一齊同一間小學中學，大女叻啲，但兩姐妹好好感情，父母唔會比較，講到明係兩個獨立個體，各得其樂
我覺得，讀唔讀同一間學校，係咪同一個家庭，只要係長時間接觸同讀書，敏感嘅小朋友點都會比較，feel 到邊個叻邊個差。最緊要係父母係咪 ready 配合兩間唔同學校，可能一個放假後考試，一個放假前，可能一個放 3 點，一個放 4 點，冇人幫手就接唔切放學。
更何況，你都未考，考左先，touch wood 可能唔收，最後你都唔洗諗呢個煩惱。
3個讚
我兩個小朋友一直讀唔同學校
大小學讀so called band 1a活動直資
細小學讀so called band 1a女龍津
其實大醒過細，但大個間小學校名氣比唔上細間小學，所以即使父母小朋友自己唔比較，親朋好友鄰居會幫佢地比較。兩個朝早搭同一部lift, 個個一見細套校服就話叻女，完全無視個大，有時仲會踩多腳問做乜讀到咁遠
接送亦係麻煩，要同時有工人/長老各接各，除非兩間有校車到屋企附近。
分開讀唯一好處係考試時間唔同，可以集中理個要考試個位。
理想係因唔同性格/能力揀適合既學校比小朋友
例如佢唔係讀書型，俾間勁多功課佢點都唔會開心
但現實就要睇有冇資源同支援
要諗接送，考試時間，書薄，活動等等
同一間就方便好多
比較就點都有
你冇你D親戚朋友，連鄰居
都比較一番
就算同一間學校都會聽到啊家姐/妹叻D wor
呢個亦係壞處：長假期一個要溫書，一個唔駛，但無得玩…
anyways
我兩個仔，唔係d仔要比較，阿媽我都無比
但d老師會！仲成日叫錯名，仲要係班主任，都畢業 (P5-6 同一個班主任) 應該係實在太"愛"哥哥…
我家個大嘅係神人，個細嘅係要聽書、乖巧但手腳慢嘅人，考試會識但唔夠時間答，所以成績一路中下，缺乏自信
結論，運作上，真係唔建議分開兩間學校，但如果真係兩個性格爭好遠，明顯見到唔啱個細嘅，就… 分開算啦！
都係，咩旅行都唔洗去
好彩我個細嘅讀左一年就移民，讀多幾年應該會感受深啲
考得好唔通唔比佢去咩？！
但自己心態要調整囉
同埋樓上講得好岩 時間表
有冇人力去接送不同地點、不同放學時間
仲有考試、放假時間表
考試時間表唔同都係其次，係要解決返學放學接送問題，除非兩間學校好近。又或者大女間學校好近屋企，大女可以自己返學放學而屋企又有人開門。
我兩個小朋友讀唔同學校，兩間學校都算近，放學時間唔同，早兩年疫情，解決了大部分返學放學問題，但中間短暫復課時，大小朋友自己放學，都要嚮屋苑大堂等一陣，等我接完細小朋友返屋企。捱左兩年到大朋友升中，就沒有問題了。
多謝大家指點！聽完大家意見依家方向清晰好多！
的確考試時間同接放學時間都係我嘅考慮因素，如果細嗰個考到可能都想比大嗰個考埋插班一齊讀
因家姐名次都ok插班應該無乜問題
唯獨是之前一直諗住細妹跟家姐讀津就冇乜點操過中英數，希望依家發力追到
細果個升小嚟講，大女升小五時因為學校變咗質，畢業前接近7成老師走咗，所以細果個無報到家姐果間，就係辛苦果一年，即係一個小六、一個小一
而你要辛苦幾多年就留返你自己盤算