一齊左好多年(結婚幾年)
由拍拖day 1我已經表明我唔鐘意,唔會生小朋友
我唔想生，由十幾歲已經開始，依家三十中，一直無變過，我感覺我真係唔會生
我老公係想有小朋友既(有就最好啦)
當然一直以黎我有繼續表明我唔會生，唔想生。我真係唔覺得我適合做人老母，佢無逼我既，如果真係唔想就唔好勉強咁啦，之後話題就會完結。
但佢一直都好似等緊我有一日會改變主意，會想生
(利申，以前係香港同意唔會生，但依家移左英國，的確條件係好左，所以會提） ，而我都好似等緊佢死左條心佢咁，即使我講過，如果要我生我寧願選擇離婚
但就係間中有意無意講不如養個人仔啦bla bla
我真係覺得好炆，好煩，唔知點解呢幾年一講呢個話題我就會著燈，我真係有好認真去考慮，考慮過好多次，但每次結果都真係唔想，我可以數一百個理由話你知點解唔想生，但都搵唔到一兩個理由說服自己。
還是只係我敏感左，唔洗咁執著？
我好嬲，有一刻想不如我走啦，你搵個個同你慢慢生
唔使嘈，既然呢樣野佢本來接受左，佢如果再提你扮錄音機重複返你真係唔想就得，理由唔使講，一講就會火滾，淨係話真係唔想就得
我明
唔想生就係唔想
講幾多次都唔會變
反而愈壓迫愈討厭
領養唔係咁易批，不過如果只係"唔想生"而唔係"討厭小朋友"的話都可以考慮
我結婚都講明唔生小朋友，老公當時話ok但同樣暗示想要一個，結婚頭5年佢都冇逼我，只係我去到三十幾歲，諗到生育最後機會，再唔生真係生唔出，就有少少動搖。我本身真係好x憎小朋友，憎到癲，所以同屋企人同老公傾過，如果真係生，佢地出左個超靚offer，會盡最大努力幫助我，屋企人會請一個工人2年幫我，老公又再出錢請多個工人，仲叫我隨時可辭工做ftm，我想點就點。我地只係一般家庭，但見到大家都出錢出力想幫忙，所以最後真係生左一個。頭2年真係輕鬆，好快就2歲大，捱過頭2年，之後就容易。
所以呢，如果個老公咁想要小朋友，你睇下佢出咩offer，睇下佢肯點幫你先啦，如果小朋友得自己湊人都癲！
唔想生真係唔好生。如果你一刻動搖左，之後生完有咩難題你只會怨老公。
我都明比人叫你做你唔想做既野個種炆既感覺。第三者會話好小事唔洗理blablabla，但聽到個人會想發顛囉。
同你鐘唔鐘意寵物？如果大家都鐘意，養左既心力同養小朋友差唔多。
其實都係搏唔過
大把人開空頭支票
最後下場係點咪又係個媽媽食晒
細路就生咗啦
唔通掉佢去保良局？
結論：人生係自己嘅，唔想生就唔生
我識人拖下拖下,拖刑40歲更年期唔駛再煩
拍拖已知… 點解…會迫…
咁只係照顧上面，往後仲有無數嘅挑戰
我仲記得我阿媽話，到我2幾歲尾，結婚之後，佢先真正覺得唔洗再擔心我，然後到我嘅小朋友出世，佢都仲要憂心埋我嘅小朋友，我啲小朋友病，佢都會瞓唔好擔心埋一份
做父母真係唔容易，唔想生唔好勉強
啱呀，唔係過咗trouble two之後就真係無trouble，單單讀書升學呢個層面已經謀殺咗幾多父母嘅腦細胞同心力。
Ok，湊出湊入有四大長老、另一半或者工人姐姐可以出手幫下忙；讀書叻嘅，可以少啲操心，讀得唔叻嘅，搵啱補習老師都可以話煩唔到自己。
但係一個細路仔嘅人生價值觀、品格、態度，呢啲係無得靠外人幫，呢啲係父母自己嘅身教，去灌輸俾下一代嘅教育，無得再假手於人，剩係教佢分是非黑白、灰色地帶、待人接物已經可以好費心神。
點樣教得佢明又唔傷和氣，點樣喺佢成長路上嘅情緒變化拿捏得適中，亦師亦友陪伴佢成為一個明辨是非嘅人，其實一啲都唔簡單㗎～
多謝大家既諒解，一次過回覆
我係鐘意貓狗寧願養寵物都唔想對人，我隻狗老左個陣足足幾年時間除左番工賺錢之外，所有錢，私人時間，心機俾哂佢，係好辛苦，好困身，但問心，我依然希望有一日我可以再養(但我真係要有充足財力去留黎醫病/照顧生活)
我地依家都有隻貓嫁(我老公既貓)，但我知道，佢哋點都覺得(人)係高級過動物,我係覺得寵物同小朋友應該同一地位
今次既導火線就係講開想養狗，佢話養狗不如養人仔啦(再加我奶奶搭口話好呀好呀)，我無發脾氣，但內心真係好嬲，好失望
呢兩三年我真係好認真，好深思熟慮去諗各方面既條件，因為我尊重我老公（想要），我應該考慮所有方法係咪唔可行呢？但我諗到
先唔計我唔想，同我唔鐘意小朋友(呢個本身都大獲)
個人性格問題，我鐘意有私人時間，要自己靜，唔鐘意靠人，超級怕麻煩，唔受得壓力，我抗壓力係好底好易爆，但同時我個人又超級理性
如果生，個細路仔讀到高中我先生就已經退休年齡，咁我地退休既生活打算呢？錢呢？ 唔通有事靠仔女養好似我呢一代養上面養下面咁硬食？不了
奶奶同我地一齊住，佢年齡大，日後如果身體健康唔好(我當然希希佢身體健康，我地關係好好既，我感恩有個100分奶奶) , 唔洗照顧？ 點解湊大又湊細？
我老公其實好好，佢以為我怕陀怕生既過程，咁不如領養好無，我同我先生講，我根本就係唔想湊，無耐性對住小朋友，唔想理，我好肯定話你知有乜事有乜唔如意，我一定對你大叫係你話要生，你搞掂佢，咁樣對個細既好咩？ 我受唔到壓力我真係做得岀走左去嫁，我再問，你願唔願意放棄你既事業，全識湊仔？ 佢都呆左無諗到我咁問，佢話佢會幫手湊，唔係乜都唔理個啲爸爸，奶奶都好願意湊。去到呢個位，我更加肯定唔會生！ 養育小朋友係父母既責任，唔係第三個人既責任，你無肯為小朋友完全犧牲自己既心態我唔覺得佢夠成熟去對待養育小朋友呢件事，只係覺得(我會幫手) 就大哂。 就算佢肯，我一個人賺錢三個人洗，我唔想,我同我先生對金錢觀念唔同，我唔想每洗一蚊都就住就住，我寧願賺錢自己洗唔洗睇人面色
教育，價值觀，身教等等，諗到呢到我真係無信心我做到一個好媽媽，呢個係我個人性格問題，加上世界大環境，我一生都勞勞碌碌，無謂帶多個人黎承繼呢啲奴隸生活，自己基因又唔係好到值得流傳落去
N種原因都令我非常卻步(未計我本身就唔想),呢啲係現實，唔係勇字行頭生左問題自然解決，又或者用一個生命去賭大細睇我會唔會我生左就母愛岀哂黎去愛佢？我真係未必，到頭來，有乜事一句，當初唔想就唔好生啦/唔識教就唔好生啦/窮就唔好生啦。我依家咪正正考慮哂所有因素得岀黎囉！係認真考慮呢兩年，所為女性其實都好大壓力，會受好多影響會動搖，我正正因為負責任，先唔去擔起生育既責任，我都唔好受嫁
移民呢幾年嚟，我好努力去生活，已經好心力交瘁，情緒都要不停調理，我只想呢一生安安靜靜走完就算，我既人生，唔需要其他人幫我完滿，我自己都做到，做乜我唔想生，講左N次，都期待我會改變？我真係好攰，攰到唔想再溝通落去，反正都講過哂，唔理解我又可以點？
佢無逼，佢好尊重我，都知道無得逼
但作為老婆，我都要尊重佢想要既心情，唔係一句我唔想就大哂，婚姻之間就係需要部分妥協
生仔唔係返工，講到男家出咩offer，咁係咪生完所有照顧、陪伴都可以交哂俾人做？如果未生前無信心為個bb 改變，真係唔好生，咁樣環境長大小朋友好可憐。小朋友需要嘅係父母，唔係其他人。
好同意你，生一個小朋友出嚟唔係為咗想生而生，要對佢一生負責任。如果生bb 為咗滿足其他人，而佢得唔到母親嘅愛，真係害咗佢。
其實你都表達得好清楚（結婚前都講咗），仲成日「唔覺意」咁提起又真係燥底嘅。
relax
你唔想生無人可以逼到你
我諗上面嘅人誤會咗我嘅意思，我分享嘅重點，就係如果老公想生，就一定要睇吓佢誠意有幾多，肯付出幾多，先值得你考慮。
另外，唔係男家屋企人俾Offer我，係我阿爸阿媽幫我請工人，另外老公再請多一個，全力支持我。其實我老公精子數目唔好，正常係好難懷孕，咁既然我年紀大開始動搖，屋企人同老公又咁全力支持，咪俾一年時間試下懷孕，得就得唔得就唔得。最後有左，都ok既。
我阿爸阿媽請一個工人幫我2年，就係幫助我過渡期間適應，突然變左一個媽媽要湊住個B係非常大壓力，尤其我一向好x憎小朋友。我一直有落手落腳湊BB。開頭有好多唔適應嘅地方，經常令我崩潰，因為有兩個工人幫手，令我崩潰既時間可以暫時逃避，情緒回復嘅時候先返去面對BB。
2年期限一過，我選擇左辭工做ftm，老公就繼續請一個工人幫我，佢放假都親力親為同我一齊湊仔。我見到佢真係有犧牲有付出有兌現承諾，咁先值得我生。
最憎d男人下巴輕輕叫你生，生完乜x都唔理，叫個老婆湊飽佢，呢d人食屎啦！
但未生之前冇人知老公講嘅承諾係唔係真係做得到
係你老公咁好je ，如果生完個老公真係玩吓當湊咗，唔通到時塞番入去咩？
我陀bb個陣，我老公都同我講可以隨時辭職唔做，請個工人幫手都得，但當我見到我坐月已經間唔中要睇佢面色，我就決定點辛苦我都唔會唔做嘢
而請工人唔係冇請，不過佢拖到我小朋友兩歲先請，兩歲前我又要返工又要湊小朋友，我都有時辛苦到好想塞番個bb入肚度
所有事未發生前個個都可以講到好負責任，但冇人保證個個事前事後都咁一致
因為人好多時都會隨著年齡和唔同階段而改變想法
而家唔想唔代表將來唔想
咁我覺得樓主老公都係想探吓口風，睇吓老婆有冇改變想法 (尤其是現在移民了新的環境)
亦欣賞樓主好清楚自己想點唔會俾人動搖
不過其實都冇乜嘢可以做，應該耐不耐就會問吓
有D人永遠都get 唔到
(就好似我拉叔唔想結婚，佢家下都60幾歲但我啊姑依然會耐不耐問吓要唔要介紹人俾佢識
)