成日聽到人話男人唔成熟，其實一個三十幾歲成熟嘅男人，應該有咩特點？
我覺得成唔成熟係同歲數無關, 睇呢個forum 都見到有d case 既男主角, 可能三十歲以上, 仲係自我中心, 咩都只諗自己想要乜乜乜。
我自己覺得成熟既人係:
相處落, 你會感覺到佢唔係只係理自己, 都會識考慮/ 照顧下身邊既人
有咩事, 唔係自己暴衝, 而係有諗埋後著/ 全盤計劃先至行動。
你同佢一齊會有安全感
6個讚
女人眼中嘅成熟
同男人眼中嘅成熟又唔同
諗起潮文 come on james
1個讚
首先唔好成日提住自己阿媽想點點點要乜乜乜先啦，戒咗奶都算成熟架喇。
1個讚
以前認識兩個男人都係同年。一個係成熟穩重睇得出係事業搵錢行先，職位最少係乜乜行經理級以上。
另一個顧住打機，做嘢心態有少少HEA但係交到功課，打份寫字樓工仲要唔覺得升嘅工，放工係諗食乜同打機。
呢兩個人雖然係同年（完全無法想像佢地係同年) 成熟個位樣都老成好多，而唔成熟真係個樣都YOUNG好多唔知以為係啱啱出嚟做嘢。
1個讚
獨立、有目標。
目標可以係事業、有另一半就計劃將來，就算想自己一個過，都會諗清楚想做d 乜。前兩日睇返viu 真人show, +35Love, 其中一個男仔廿七歲做保險，個款好似玩玩下咁，但問到佢將來，佢話想去澳洲，揸住架camping Van 周圍玩，及時行樂。呢種目標我都支持呀，最緊要佢諗到點實行。
4個讚
估唔琴佢同阿Yu會有火花，佢似玩世不恭嘅，但估佢唔到都有啲啲內涵，起碼都叫做知道自己想要啲乜。
呢樣真. 女人眼中成熟係指對家庭和人際關係的貢獻度和吸引力, 例如財力, 照顧別人, 相處, 口才.
男人眼中成熟係指能力高低, 例如技能, 興趣, 學識, 判斷力, 組織力, 工作能力.
1個讚
女人覺得睇動漫同模型已經係幼稚
插句咀，動漫模型反而我接受到，因為我都睇
唔太沉迷就得
3個讚
女性有較強記憶力和聯想力, 動漫令她想起「兒童看動漫」這段人生早期記憶, 所以有「兒童~幼稚~動漫」的聯想.
男性重視分析力, 看動漫是否幼稚視乎動漫的內容. 如果是成人向的動漫未必是幼稚, 內容可以有深入的意義, 不適合幼稚的人, 也會視乎讀者對動漫的了解程度.
其實好多動漫故事都好有背後想表達嘅message
2個讚
我覺得女人睇男人都係睇下佢可唔可以做到好男朋友/老公/爸爸既角色。講既成熟都不外乎係有責任感可以照顧到自己或者屋企，唔好好似巨嬰咁。咁要做到咁樣就可能係要有錢啊，個心定啲唔會諗住去玩啊，有生活技能諸如此類。
女人評價一個外人同一個有可能做自己男朋友/老公又唔一樣。姐係人哋打機做到電競選手可能佢覺得幾好，但自己老公就未必想啦。
3個讚
做野有交帶
有安全感
肯比時間陪家人
有上進心
簡單來講係我老公
不過話返轉頭，一個人點都有成熟同幼稚既一面，只係佢想俾邊面你睇。我覺得每個人內心都有一部分係小孩，會係特定嘅人/事情上展露佢幼稚仼性既一面。
我係我老公同屋企人面前超級幼稚仼性，但係我返工或者要認真做一啲野既時候又唔會咁。
2個讚
其實我覺得喜好唔係攪到生活都有問題就冇所謂啦
理得佢睇叮噹定龍珠
3個讚
同意，女人都唔會24小時都係得事業、家庭
2個讚
講真7 x 24 話返工搵錢我都唔ok
我又唔覺喎
我到而家仲好鍾意睇卡通片，動漫相對有深度
同埋玩模型訓練到耐性同專注，都唔係壞事，只係驚我行過唔覺意整爛je
1個讚