既然佢想自由，如果試下放手一個月唔理佢由得佢，會唔會最後都係無咩變到，好似以前咁？佢只不過想輕鬆下？想我tum下佢？
其實平時我地相處都無乜大問題，係今次嗌交嚴重… 
但自從嗌交，佢晚晚都12點後先返屋企，好似避緊我，完全無傾既機會，另一方面佢又表現到好傷心
可能睇上第二個
佢都開到聲，放手啦
唔好浪費時間
你話佢好有米或者好靚仔就話值得等下
好多時人因為唔捨得已付出的而唔放手，結果再蝕多幾錢重，何苦呢
3個讚
有啲男人會專登撩交嘈，嘈完咪順理成章出街「冷靜下」，其實走咗去玩
2個讚
其實佢都做得好明顯…已經唔愛了
無謂勉強
早日斬纜, 千祈唔好結婚…
我都係拍左10幾年被分手
到後來回望返, 真係覺得同嗰個人完全係浪費時間…
一個男人如果已經唔愛你, 就算真係同你結婚
往後嘅日子只會更災難…
結婚後切切實實兩個人生活, 面對嘅柴米油鹽、大家嘅真面目…
真係少啲愛、少啲包容都搞唔掂…
8個讚
啲男人話放手比一個月佢，一定係想分手但等你開口
2個讚
傷心係因為可能會冇左你呢個水泡
但佢愛自己唔愛你
唔想溝通，係因為想你「屈服」
NO!!! NOT THIS TIME!
夠喇！用左8年認清一個人，Let it go!
用餘生去搵個愛你，值得你愛既人！
你得架！垃圾就掉左佢啦！痛一陣就會好！
3個讚
Exactly
結婚後愛都可以變唔愛，何況唔愛就結婚
呢度好似變左
「感情問題一律建議分手」
1個讚
白姐姐話齋「離婚啦～」
其實唔係既，呢度都好理性分析
樓主想結婚，有將來
男既唔想，咁樓主應該屈服咩？
睇黎樓主又唔想屈服，又捨不得分手
假如今次屈服，難保樓主到40幾歲真係後悔
到時真係太遲了！
仔又生唔到，男人仲唔知搵唔搵到！
大家都只係覺得依家認清，忍痛分手
好過迫婚/屈服，屈就自己
1個讚
呢d最賤格，我個ex都係講分開一陣，遲d再決定，都係冇講分手架，我彩佢都痴膠花
2個讚
唔明點解一定要求其搵個人過下半世（仲要佢無責任感，唔會照顧你）
30 中咋喎，就算識唔到第二個，一個人有咩問題？
3個讚
似有第二個人出現左，如果冇佢根本都唔鍾意你，諗下自己下半生想屈就定從新出發，好好善待自己
唔係呀，之前有個男網民去左加拿大讀書太太扭計果個case，網友都支持佢俾下機會大家嫁。
之前有一下我都覺得好似次次都係主張分開，又咁講丫，片面之詞一定講對自己有利既說話，講到自己好委屈，以依家香港既教育水平同薪金水平，男女既社會地位不相伯仲，唔通仲係封建諗法跟左一個就一世咩，大家都係用餘生去投資落愛情/家庭，唔對路梗係要止蝕啦。
永遠都係果句，要識得愛自己先去愛人，合埋眼淨係識付出只會令自己受傷，去到發現自己想要人呵護時原來無人關心緊自己，從來都係自己傷害緊自己。
2個讚
前題係, 你必須要改變你自己心態, 否則個過程同結果都會好影響你情緒. 好痛苦
我睇你既表達, 其實你根本唔想放手, 你並無"輸" 呢個準備.
千萬唔好因為自己3X 所以覺得要有個水泡.
我30中離婚, 30 尾 (將近40歲) 時再次拍拖但分手
將近40歲時再失戀我不停思考做好最壞既打算. 雖然好難過, 但因為有心理準備要自己一個過埋下半世, 所以好快回復正常.
現在搵到另一半, 唔打算再婚, 但起碼, 我學會了 “最愛自己既人一定係自己沒有別人”, 感情路會好走好多~ 有時自私D可能係一件好事~ 有時我老伴都會問我, 點解我成日先諗自己先, 我答佢, 因為我老喇, 我輸唔起~ 我成日同佢講, 一係你死先過我, 一係我地行唔到落去, 最後我都要一個人, 所以我一定諗左自己先.
話說回頭, 女人8年10年, 係一個好黃金既時間~ 我當你今次無事過得到~ 但到40歲佢再話要任性時…你有咩打算? 到時40歲了, 你更加唔知點算
感情係你既, 最緊要你自己輸得起~
男人比女人易, 你睇下提款基~ 70幾歲人都有女人埋身架~ 佢地無野要輸~ 難聽D講男人有碌J, 仲識硬, 有DD 錢, 就有女人架喇~
所以, 先顧掂自己感受, 再諗佢同呢段關係~
其實男人講一句 “我想任性一下” “我想要D 自由” " 我想要D 空間"
其實都幾可怕, 都幾不負責任
4個讚
都唔係呀, 之前有個女仔問30歲但男友堅持要生兩個仔女, go or not go
其實都有d 網友覺得, 可以照樣結婚, 因為個男既可能生完一個之後, 湊完知辛苦, 可能會改變主意
2個讚
其實佢已經用腳投咗票，只係唔想做主動提出分手嗰個衰人而已。
愛，又點會避? 連見到唔想見？好麻煩，費L事傾? cold treatment 都係treatment.
咁既狀態又點樣旨意佢突然回頭，話以前係我任性係我錯，不如我地結婚囉… 呢個可能性接近0。如果佢要既係自由，自由慣又點會回頭? 定係你旨意佢冇你之後倒瀉蘿蟹然後返轉頭好似大雄搵多拉A 夢叫救命咁，如係咁，咁既巨嬰你真係要?
相處咗咁耐，係會傷心，會唔捨得，對一隻狗對咗8年都會有感情，但唔等於可以繼續落去。
2個讚
該主題在最後一個回覆創建後180天后自動關閉。不再允許新的回覆。