我地都30中，我係女方(有工作)，佢工作由低做起到依家，以前皮膚差到爛面，身體亦都一般，我都陪佢照顧佢，到佢依家覺得我既照顧係一種壓力。平時佢已經係放工返來就食野後上床玩電話。
佢依家話佢想任性，唔想有任何責任，唔想要計劃，想做乜就做乜，可能一個月係屋企懶(有返工)，一個月就成日出去玩。我覺得佢唔想磨合唔想商量，逼我接受，用自私去解釋佢所謂既任性。我真係接受唔到一句whatsapp 通知就消失，就算無理既要求我都要遷就。
當然佢都有話我，佢話我唔比佢買野(佢想買個貴吸塵機，我話不如買平d粗用），唔中意我放部單車機係屋企等等。
我可以點做？本身圈子細無乜朋友，一方面怕到呢個年紀難搵另一半，另一方面要重新適應新既人覺得心好攰，只想穩定，但都咁難…
証明唔岩你
免強無幸福
我都係36歲先搵到真命天子
一世人流水長 唔互相遷就 點行落去
就係呢個pt比人食住
你都已講出重點了, 既然佢只識迫你接受, 你一係接受, 一係就分手。如果你接受到, 相信你都唔會上黎問意見。
搵唔到另一半, 咪自己愛自己double囉… 如果搵到又啱自己, 就唔會覺得心累架啦… 唔啱行落去要行成世咩… 對鞋頂趾就換啦…赤腳都係一個唔錯嘅選擇…
佢以前唔係咁樣，係性格有少少自私孩子氣，但佢個人夠真同願意同我溝通吸引到我，依家變到無晒，係咪一段關係耐左就會變係正常？
生活唔好圍繞住個男人，大家拍拖使L照顧佢？你連自己圈子都冇，佢一唔要你就乜都冇晒
勉強無幸福
搵唔到咪自己一個人囉，夾硬同個唔啱牙嘅人一齊咪仲辛苦
比我就趁早離場，唔好嘥自己時間
你生活都應該要啲衝擊，試下新事物，痴住個男人，佢又唔珍惜你，你又要照顧佢，有乜謂
我見你用"照顧"…會唔會當你係阿媽…?? 大大下自然覺得阿媽煩…
與其同一個唔夾相處得辛苦嘅人過日子，還是單身比較幸福吧
老土但真理 - 女人最怕嫁錯郎
就算佢依家比你迫到結婚，第日佢一樣會怨你
怨你迫婚，怨你「自己」想生仔
到時乜都係你做，做牛做馬
放過佢，放過自己
8年，又如何？人生中8年好短暫姐！
為左呢8年，分分鐘痛苦多16年！
唔值啊！
我最近有朋友岩岩結婚，係speed dating 識既
我哋圍內都有見過，係好男仔，怕醜，但正常既！
所以唔好比咩限制自己！
2個痛苦，點解唔1個快樂？
感建分。
拍拖就係會有責任同計劃，如果唔想要，即係佢唔適合拍拖，唯有放生。
你都唔需要照顧佢，你係佢女友唔係阿媽。
就假設你真係搵唔到第二個。１冇男人，２有個衰男人，你揀邊樣？你想點樣過你既人生？
利申：我試過拍拖14年後分手，嗰時都4字頭，一 D 都 冇 後 悔 過。
照顧一個男人，佢end up喺床上面打機，你咁都想繼續，寧願穩定都唔肯單身搵返自己？
分手，你喺俾佢綁實之前知佢真面目係好事。
之前投資咗嘅時間諗嚟都冇辦法，過去咗嘅嘢係sunk cost 嚟，冇得追返，快啲cut lost。
同埋結婚唔應該女人唯一追求嘅嘢嚟，嗰啲閑言閑語唔使理啦。如果拍拖結婚嘅生活比不上單身生活嘅話，點解勉強要個伴侶
以前係咁即係已經過左啦，留戀以前無意思。
斷纜，重新出發啦
一式一樣變化不多，大同小異分手
走，頭也不回地走 。既然佢都講到咁白，唔好再比佢浪費你時間 。
阿妹，三十幾歲仲好後生呀，走得快好世界，結婚後生埋先同你講你先想喊