黎緊打算住緊果到唔繼續租 家中老人由我岩岩搬出黎住開始 不停哦 話曬錢 話我一個人會好悶 話冇家人照顧等 其實我好享受獨居生活 好想收工一個人安靜下
最主要係頂唔到老人家既衛生同煩問題
煩係佢每日一起身就會同你講身邊人是非 同你講完 其他人返屋企 佢又會再重覆是非再講一次 如果唔講是非 就會每事問 問好冇聊問題 你唔點答佢 就不停大聲 喂喂喂叫你 話你好發佢脾氣 八婆 仆街咩都講 同佢講唔開心野 佢又會怪責係你問題 始終冇出黎做過野 佢好難溝通
到衛生問題 佢會用到廁所周圍尿 屎漬長期唔洗 有時仲唔沖廁 每次收工返去攰到死 一返去見到咁會好忟 我都自己洗左算 已經唔出聲又話你黑面 收工好夜返去沖涼佢又猛吖急屎要入黎痾 唔比佢入黎 就會係廳痾 一出黎就見到佢望住我痾
我唔知繼續自己住岩唔岩 外人唔知咁多 會話我唔識諗 又唔考順掉低老人家 但我係有返去睇佢 唔係唔理佢地
相見好同住難。如果經濟許可，自己住好啲。唔好理其他人點講囉。自己嘅健康、情緒都好重要。
就算屋企人無你個老人家問題，出去住都無話唔啱，私人空間好緊要，d 外人咁都要管咪又係3姑6婆，同住都有嘢話你，可以不理。
佢無沖廁, 你用平心靜氣既態度同佢講, 佢會唔會都屌你?
你係獨生仔女?
你有冇自己一間房 ?
佢講咩, 其實都唔使理佢, 好明顯佢有病啦, 正常人係唔會係廳痾
心理病, 同埋人老左, 就會好想有人理下佢, 你無反應, 佢就做D野想你理佢,
就算係唔合理都照做, 佢自己行先
黎緊會繼續自己住 淨係沖涼去廁所 都唔可以放鬆 每次都話要去廁所 連刷牙好快佢都要嘈
有個親戚好黑人憎 日日打電話比佢八掛 問到佢好多野 老人好怕比佢知我搬左出去住 佢瑋定會批評講人是非
你嘅人生係你自己負責，佢嘅都係
唔只唔沖廁 仲用到肉酸 唔會清潔返 每次我洗乾淨好快就整污糟 佢會鬧返我 我有時都會咁 有自己房都冇用 佢會長期開83台新聞大聲不停重播
佢會用譚罐係廳痾 但我都係接受唔到
佢唔會明每個人接受能力唔同 只會話我好奄尖
唔好比其他人道德綁架
呢個point頂唔順，生活習慣唔同，好難一齊住。
返工咁辛苦，返到屋企最想舒舒服服，如果一齊住可能連屋企都唔想返，精神壓力難搞過經濟壓力。
其實關係好唔好都會有人講，特別喜歡講是非嘅，可能有以下演繹
關係好咪話
個後生想學獨立，但睇死佢搞唔掂，又好話唔方捱得耐，而個時勢留番舊錢傍身啦
關係唔好咪話
個後生自私不孝唔理個老人家
而你長期活喺li個環境，其實都好傷身，因為成日都受氣唔開心
所以我覺得就算同老人家關係好定唔好，都可以搬出去住
鍾意講是非的人，無論你同佢一唔一齊住，都會有是非俾佢講架啦
既然係咁，點解要辛苦同勉強自己？
完全一樣呀d內客 2個老人 邊個唔係到講邊個 我妹唔係到就講妹 我唔係到就講我
咩人佢都可以講一餐 連人地住邊 屋企有咩人 做咩職業一次過話曬你知
所以係唔係都講，搬唔搬都講，如果你自己計過條數應付到開支搬走唔係壞事
使乜理佢啫，你講極佢唔聽唔肯衛生啲，你咪學佢：無論佢點講你都搬出去住。佢話你你咪一句隊埋去：大家咁話啦
咁嘅情況，搬出去減少衝突避免家暴風險（語言暴力都係暴力），先至係孝順喎。三姑六婆咁睇唔過眼，接個老人家返去同住丫嘛笨
咁你個心係想出面自己住,
我覺得你金錢上無問題, 自己攪掂自己就唔使搬返去啦
把口生係佢度, 你又無方法停止佢,
衰D咁講, 孝唔孝順, 都要睇對方值唔值得
孝順呢D野, 每個都唔同, 你比晒成副身家佢, 比晒成個人身佢, 做成世奴隸都好
佢覺得你對佢有丁丁點唔好, 你就係唔孝順
唔需要為呢個字而困住自己
洗廁所呢D野, 由佢啦, 當每日一清, 每日都係年廿八, 保持衛生
改變自己心態, 你個人會過得輕鬆D
唔應該用係咪一齊住去計大家關係點
就算一齊住都唔係24小時貼身照顧啦，唔係bb仔
我意思係嗰啲講三姑六婆講是非用嘅角度
當然一齊住唔等於關係好或孝順