小朋友眼皮上生左粒眼瘡，開始含濃，想問下睇普通醫生有冇得割粒眼瘡？還是要搵專科醫生做？
普通家庭醫生只會開藥膏同眼藥水。
如果要割，去私家醫院啦，唔會好貴。如果有保險可以claim。
我試過熱敷雞蛋/熱毛巾，不停敷，之後粒眼瘡好返就無睇醫生了
2個讚
不過比下意見，如下次見到開始腫，就剝雞蛋。之前醫生都有咁教。
有熱敷呀，搽左眼膏，隻眼皮已經無咁腫，但粒瘡就無退，今晚見到有白色頭，想睇下係唔係一定要割，定可以自己慢慢好。
我試過細細粒會自己好嘅
生瘡食（恭和堂）龜苓膏，瘡內啲膿會自動消散，
我每次生瘡都係食一盅，非常有效，
我試過 連生牙瘡 都可以，
格半個月後再食第二盅，清埋剩餘啲熱毒。
試過阿女生眼瘡，熱敷後粒燶出左黎，keep 住敷到粒瘡想爆，之後用眼藥水係咁沖，沖晒啲燶出黎就好返左
不過只供參考，生瘡情況可能唔一樣
睇醫生滴眼藥水會好返，眼睛緊要，睇醫生好啲
要定係搵眼科，不過唔平，睇你小朋友幾大？ 細嘅就一定入院做，重要每粒計錢，表面睇到一粒，但可能係3-4粒，另外睇你有無保險啦，有再貴D. 不過，如果無吉到小朋友隻眼，同埋未變硬，早晚用暖水去full, full一段時間就會自己散
我通常用洗眼水洗幾日, 就會好返
我女細個生過幾粒,試過熱毛巾敷去咗,但生開去咗又生返,最後搵咗個出名眼科醫生,佢check得好仔細,會建議先用藥膏,最後都根治唔好,佢先建議係佢診所即時做小手術挑咗出嚟,之後無出過喇
預防復發先難
我成日都生眼瘡
一般細粒嘅我就唔搞嘅,一星期左右會自己好,我自己有時會戴平光鐘遮遮佢
大粒嘅可以狂敷熱毛巾,原理係熱脹冷縮,咁佢脹得夠大就會爆,爆咗就好快冇事
但我都有試過幾粒一齊生,超核突又好耐都未好,就去睇眼科中心,我記得嗰時喺旺角睇,一間有好多個眼科醫生,咁好快就喺診所做小手術,其實即係割一刀,等啲膿出咗就冇事,好似幾千蚊但我保險cover晒
想平可以去政府診所睇,我嗰時都好彩,試過佢refer我隔幾日就可以見醫院眼科,即場就幫我割埋,但真係話唔埋要等幾耐,我呢單都好多年前
睇醫生啦，多數係類似暗瘡嗰啲炎症，醫生會俾 anti-biotics ，眼藥水，眼藥膏搽幾日，粒嘢熟咗之後就清到粒「米」出來。
眼好緊要，唔好自己搵成藥，眼藥水唔係隻隻都可以用。
係呀，我睇醫生都話呢招可以。
但我果粒可能太大，搞唔掂，最後都係開刀割左
該主題在最後一個回覆創建後180天后自動關閉。不再允許新的回覆。