我無女，如果有一定會咁樣教佢。
仔就教咗佢唔好貪心。
男朋友(現老公)成日都過過夜又唔交租，沖涼沖九世耐，玩左幾個月我話做佢包租婆，之後個個月我交晒租水電，佢俾家用我，夠cover基本洗費一半。
去road trip佢俾入油我book酒店，機票酒店既話都係俾完晒錢佢會問返我用左幾多，有時俾一半有時俾多過一半。
但老公佢好在意我會唔會主動去俾下錢請佢食飯/睇戲，我諗佢都係想有種被寵愛既感覺。
之前去staycation我係自己book定房訂埋檯買定戲飛，去玩完我都唔打算問佢拎返錢，算唔算去爆房?
生仔可唔可以AA, 叫個男人駝一半?
突然諗起，仔女成日要騎膊馬，但佢地越來越大，騎一陣老公已經好攰，會講笑話你地搵媽咪騎啦，我當然唔肯因為真係唔夠力，咁嘅case係咪都要AA一人騎一陣呢
Sorry 笑左
唔可以㗎，太著重AA 嘅千祈唔好生
1個讚
OFF TOPIC
麻甩佬唔會諗情趣，成日都諗埋D實際野，
做又怕錯左我唔BUY，嗱，唔係我難服侍，佢再HEA既安排我都會好好享受
佢唔SURE既野就要等我決定，淨係睇套劇都九萬幾個問題，又話怕我唔岩睇，A戲院定B戲院好，邊個時間好，WEEKEND睇定WEEKDAY睇好，食完先睇定睇完先食飯，但佢SURE既野呢就唔洗問你都做左，例如睇戲買爆谷佢唔會問你有無胃口都會買個大桶
其實樣樣都AA 拍拖都算 結埋婚又真係好難頂
好似有時買日用品 下下AA都好煩
有時我被 有時老公被
雙方都唔好計較就最舒服
大家一齊為家庭付出啫
係我角度，AA唔係全部野一人一半，正如之前講，可以一人俾一次。
如果拎生仔黎講，我懷孕嗰時，其他家務都我老公做，生完出黎佢湊夜更，其他屋企野都有幫手，我覺得ok。正如而家小朋友大左，佢陪玩體力勞動野，我係側邊坐，其實佢都有付出。
4個讚
諗起琴日同朋友傾偈，朋友話羨慕另一個朋友，個老公咩洗費都出晒，但朋友自己個仔（已成年），近排同女朋友去旅行，幫女朋友出晒所有洗費，佢又心痛個仔要洗咁多錢
，所以似乎係咩立場都有影響
8個讚
就算好多家庭，陀仔生仔都係女人做哂、湊，咁又點？係咪乜都要計到清楚？唔公平就離婚咩？
但做阿媽嘅，都會想個仔有能力負擔女人嘅使費嘅。
如果我又要返工，又陀仔，仲要做晒全部野，我可能真係會離婚，唔係因為唔公平，而係我覺得我老公根本唔愛我
8個讚
所以女人要有離婚嘅本錢，但唔係個個有
兩個唔同角色，梗係唔同睇法啦
可能只係唔夠愛
一個煮飯，另一個要洗碗先叫公平又係煩。
為左唔洗做，寧願唔食，或者食少d. 但另一個又係要煮又係要人洗，唔洗又不滿
又揸汁機又鑊又煲又碗筷又灶頭，點日日洗
除非另一個唔係屋企，否則我係唔煮唔洗，純粹有感而發。
我明呀SIS，一個煮一個洗聽落好公平，做落想打鑊佢。
我老公煮個簡單晚餐 炒蛋 菜 煎午餐肉 會用一個煲要黎洽菜，炒鑊炒蛋，煎pan煎午餐肉，仲用埋AF翻熱牛油包(唔用野墊)
1個讚
如果得我一個，我唔介意煮同洗，即使我唔鍾意。我會盡量用最少廚具煮晒我要煮嘅嘢
但有d人煮九大鬼咁。
中餐又粉又走油又整豆漿炸嘢d油又彈晒出黎
西餐又揸汁又麵包機又焗爐又牛油
全部分鑊分煲咁
我寧願唔食都唔洗
都好多時發生係個女人身上，又話煮健康d, 根本係個女人想煮, 又迫個男人洗。
我好多時要同佢地講唔係人人想食。有工人洗就話啫
2個讚
所以好多人講: 想夫妻關係好,要有洗碗碟機 
部份同意
有洗碗碟機都需要前期處理先入得機，如果唔係部機好快瓜柴亦都會衍生其他拗撬。
e.g.如果唔沖走/抹走d汁就入機，部機儲埋唔洗走會臭，部機多油成日都要洗機/抹機