咁如果去時鐘酒店或旅行又會唔會AA？
定係一人俾一次咁？
我係老派，接受唔到
你地又會唔會出呢啲錢？或者接受自己女兒同男友AA去時鐘酒店、出錢請男友旅行？
時代唔同，而家女仔自己都有經濟能力，好老實講，點解一定要男方俾哂？
7個讚
我咪話我老派
新派人咪跟新派做法
我覺得大家甘高甘大
一人被一次 感覺都可以接受
當然去到同居家務個d都要一人一半啦
如果女方經濟能力較弱 就按自己能力出
唔好旨意男方被哂 當然男方願意就另計
我有個囡 我都打算教佢甘 只少搵個同自己差唔多
唔接受扶貧…身邊有人嫁個家境比唔上自己
宜家過得好慘
7個讚
食嘢家務呢啲AA我得呀，但時鐘酒店錢AA我接受唔到
覺得計成咁不如唔好去喇
2個讚
又唔係俾人包, 唔會男方俾哂
老派就唔會男女朋友去時鐘酒店或旅行啦, 輸打贏要就輸打贏要啦
8個讚
我又真係未去過
如果主角都唔係我自己，又點輪到我接受到/接受唔到呢？根本都無餘地比我say yes or no.
真係有人會去爆房再同媽咪講我地爆完房，AA。咁架咩？
4個讚
諗下討論下啫，我都過晒個階段
睇吓AA個定義係點。
去旅行
一個出機票一個出酒店算唔算AA?
一人出一餐又算唔算？
如果開excel計數就唔太接受到。
每人出啲我ok。
除非另一半搵多好多（一倍以上），咁就佢出多啲。（但都唔易，宜家都好多女仔係專業人士）
2個讚
我有pair 朋友真係咁，次次成班人食飯，個女都比番錢男。有次傾計個女話全部係AA ，同居前已經講左所有野係一人一半。出街食飯都係，除咗生日。最後佢哋都散咗。
呢個問題勁奇怪囉，其實接受唔到又點啫？
我一向一人一餐，拍拖到結婚一樣。唔關心態事，係正常分工。佢失業時我孭起頭家
時鐘酒店都係大家享用，接受唔到啲乜？因為覺得係男人著數晒？唔需要咁諗，如果真係嘅就索性唔好去
2個讚
我覺得一人俾啲好正常，我自己係大約一人俾一次，或者佢俾食飯我俾睇戲之類，我覺得主要因為上一代好多都得男人揾錢，女人留係屋企先會咁，而家女人分分鐘揾得多過個男人，如果咁都要男人俾晒，其實唔太公平。
但認同唔好揾個經濟情況差太遠，主要係因為價值觀會差太遠，大把機會鬧交。
5個讚
一段關係要平等先健康，平等同錢好有關係，成日介意邊個養邊個最老土
4個讚
依家世代不同了
真係唔好用自己以前果套去教個仔
第時佢大個仔去約會正常係AA男女大家俾下錢 
2個讚
女人自己有能力先可以揀個最愛嘅，冇能力就只揀個養到自己嘅，咁點會係理想？
咁我又唔認同哦
以前同鍾意既男仔去街拍拖佢地都會出錢
事實10年代前好多男仔係會請埋女方，依家後生係點我就唔知了
做你女婿都幾慘，咁封建啲思想
1個讚
我得仔
覺得請女仔去約會出錢請客出於客氣風度
但係原來依家已經唔興了
1個讚