是咁的, 聽過d 人講, 入廟拜過神, 年尾一定要還神。
老公有個親戚 (唔熟, 一年見一次果隻) 年年都好鍾意初三去車公廟, 次次去完都會拎個風車黎送俾我地。如是者, 老公年年都會掛佢送個風車響屋企。
想請教下, 如果我只係收左個風車, 但我地本身無入廟拜神, 咁年尾使唔使去還神呢?
另外, 聽過有人講, 如果親身去車公廟參拜, 過去一年覺得唔好運既人, 先好去轉風車, 如果過去一年覺得自己好運, 就唔好轉, 或者轉另一方向。
想請問下, 響屋企掛風車又使唔使睇埋過去一年好唔好運呢?
唔該晒 
我以前都年頭年尾都去嘅
我覺得人地送嚟又唔駛專登還嘅
拜神要還神嘅原因，係因為你拜神嘅時候心中有所求，還神就係感恩神保佑你
所以你自己冇入廟拜神，冇求神保佑，就唔洗去還神啦
你都無拜(托)到個位神明, 亦無向袉祈願, 咁只係有人送左一D神明既禮物比你
你唔需要去還神呀(還既定義係你當回禮, 謝謝神明呢一年既庇護, 令你達成你既願望
但前題係你無祈願)
轉風車有聽過, 順景唔轉, 係你覺得你個年唔順, 新一年就去轉一下, 轉走衰氣
掛風車,
有人覺得掛既意思係 風生起水, 貨如輪轉(做生意既人),
有人覺得係轉一轉個運
亦有人覺得掛風車會招魂, 無拿拿做咩個風車會轉, (有D古怪), 所以唔掛
你冇拜，唔洗還。
風車方面，23年過得好就順時針轉，23年過得唔好就逆時針轉。
好, 多謝樓上各位解答。
該主題在最後一個回覆創建後180天后自動關閉。不再允許新的回覆。