其實我覺得係8婆堆多過閨密，不過我對未嫁又平時少少mean嘅frd 唔敢去太盡
係，呢個group真係只講旅行扮靚，我每次出席都悶到飛起。
我唔係唔重視呢班朋友，但我唔想浪費個weekend講呢啲，坐車或睡前WhatsApp吹下水我無乜所謂。
1個讚
其實你個group 都似乎係多數人唔想出黎, 加上你個人意願都係唔想出嘛, 我覺得你可以開始疏遠阿闊太d gathering, 可能佢約兩次, 先至出一次。
拒絕佢約會時, 再加多句, 雖然最近你唔得閒同佢出街, 但有咩都一樣可以響whatsapp group 度傾。
我都諗起之前一個好尷尬既經歷。話說班小學同學, 升左中學之後一直無再搞聚會, 我只同某兩三個有keep contact, 過左N年, 有人心血來潮話搞聚會, 仲搵埋當年班主任一齊, 咁我就去啦。點知去到, 有個小學同學就話, 佢結婚喇, 想請大家去飲, 問邊個會去。咁在場真係有五六個口頭答應話去, 我見都有幾個話去, 咁小學時我又真係同呢個準新郎fd 既, 於是我咪話去。
點知到派帖, 我先知其他五六個人都甩晒底, 小學同學入面最後得我一個去, 去飲果晚坐響新郎中學同學果圍, 但無人同我傾偈, 真係好悶。如果一開始知道得我一條友去, 我一定唔去。 
2個讚
慘
呢種人, 好似總有一個係左近咁 
我都有個朋友, 約親一係唔覆, 覆都只係覆"未知呀, 到時睇下", 問食咩又完全唔會俾意見, 黎呢就永遠都遲到又sorry都無句, 好似個個老馮要等佢咁, 幾位朋友都覺得不滿, 後期我哋班朋友醒喇, 係另一個group約齊人先知會佢我哋幾時係邊度gathering, 佢得閒黎就黎唔黎就算, 之後應該嬲咗我哋覺得我哋約好晒先知會佢, 有一次覆話唔得閒黎後就即時quit group, 好囉, 大家都唔洗再扮friend, 以後約gathering唔洗再預佢
4個讚
有d人約人都好奇怪, 我有個朋友: 1. 答左佢果日會去, 死唔到最好一刻, 唔講地點, 唔講幾點。最終，我等到好尾都唔知地點幾點，於是我通知佢我唔去。2.明明約左幾點係邊度等，好鍾意果日轉地點，或唔來又改話來，我唔理佢，原地點等，來/見到就來/見，來/見唔到就走。
3個讚
自找嘅
可能佢自己埋怨點解冇朋友
又話一場朋友唔就佢
1個讚
講得好、有朋友就講過佢見工返工會唔會咁離譜？我試開埋茶等左佢半個鐘、咩料吖、香港有幾大、之後我都心淡、接受自己係佢心目中無咁重要
2個讚
好鍾意呢句，我有個朋友都係例遲，唔係遲十幾廿幾分鐘，係試過遲個幾2個鐘，最嬲係有次食生日飯，我大住個肚（7個月肚），企喺旺角等佢，佢係話啱啱上車（佢住九龍城，約左喺花園街等），轉個頭又話轉彎落車，咁我見佢就到，咪唔搵個地方坐住等囉，但最終係遲左差唔多2粒鐘，我真心想走左去架，因為大住個肚咁樣企呢，真係好攰，我個肚又大喎，7個月已經40吋肚。不過諗住食生日飯就忍左佢咋。。。。。
不過佢呢個性格係咁架喇，就算book左枱食飯，提左佢唔好遲，人地只留10分鐘，佢都係遲20分鐘
（今次佢仲要係唔洗搭車，行路就到嘅地方囉）
但佢去旅行就實唔會遲啦，飛機真係唔等人，咁點解對住我會遲咁多
3個讚
唔好理佢啦
痴線~ 要大肚婆等兩粒鐘?! 究竟呢d 係唔係朋友? 你真係好大方, 咁都忍到, 就算唔係大肚, 要人等兩粒鐘都過份啦
如果餐廳冇要求人齊先入得，準時入席叫野食啦，你唔恨心啲，有排你受，一就斷捨離呢個朋友
，咁點解對住我會遲咁多
因為你會等佢囉，遲兩粒鐘都等佢，佢點解要準時。總之你準時食飯，夠鐘走人，約左地方集合的話，最多等15分鐘，夠鐘唔見人就散band
1個讚
離不開搵籍口，屋企忙唔方便出席之類。
既然都成年人，你一咁講，其他人正常的話都唔會追問。
不過視乎你個group幾多人，我個中學group 廿幾人，約飯局係開個poll（比幾個日子佢地揀）， 想出席嘅自然會投票，唔出席嘅亦唔需要出聲怕尷尬
1個讚
就算如期出黎聚會都一樣有令人心淡的事.
話說有個中同組, 約會時係講好左全日活動, 安排好晒日程,但出到黎就話約左阿媽,約左某君, 要早退.
試過多次後,我已無心機再約. 係可惜,但唔想委屈自己.
1個讚
樓主容忍程度真係好高…有啲人真係好煩, 已經幫你搵埋餐廳, 訂埋位, 淨係問佢幾時得閒, 幾多人去, 都可以過幾日都唔覆, 呢啲真係唔想出就唔想委屈自己出啦!! 正常大家都想見面, 想聚吓, 應該會好興奮咁, 各自都會講吓去邊, 食啲咩先啱。以前我都係做搞手約人多, 但做得多都會心淡, 發現我唔約, 又真係無人會約hahahahha…
1個讚
我都試過。但後來又覺得, 既然約好左又咁多呢樣果樣, 即係其實呢班人都唔係同你好fd 啫, 唔緊要呀, 將時間留俾更重要既人仲好。
對於有家室既人黎講, 出全日又可能有困難既。
但如果有困難, 點解對方唔早d 出聲, 話果日只可以出半日? 突然先呢個遲到果個又早走, 的確令人掃興
1個讚
重點係約既時候無講到唔得. 係到當天才話突然約左其他人.
1個讚
係呀, 呢d 感覺好唔尊重。如果真係fd, 約好左果日, 之後有事果日唔得閒, 會盡早通知, 通常同一group 既其他fd 都唔介意改期, 甚少話當日出到黎先放飛機。
佢唔覺得自己放飛機,因為佢出左黎半日,係下半場早退. 幾個都係咁既時候,咁下半場就散了.
同時我係覺得心淡, 好日都唔聚會, 既不尊重;亦不重視聚會.
2個讚
我試過話大家食完飯行陣, fine
點知行左半個路口話男友到，走先
咁好明顯係搵人zip時間
2個讚