我想問下大家, 係咪我有問題? book食飯

自由講場
41

長文
唔知點解，華人都有d被虐既傾向，俾人hurt完仲要哎返對方…

我同阿媽有個朋友group，係興趣班識既人，都係街坊，所以個group除左學術交流之餘都係個吹水group，其中一個人叫H，真人見都有講有笑，有日佢QUIT GP，我地個個都唔知點解啦，我阿媽就最鐘意做和事老最鐘意點我出口做埋D我唔會做既事，就係咁叫我打俾H問下咩事。

H佢係個長者，同我阿媽咁上下年幾，我叫阿媽自己試下QUIT，捉住佢隻手佢都話唔識QUIT。我同阿媽講，可能人地真係唔想留響GP度呢，但阿媽堅持要我問下佢點解。
是9旦，咪打去問下囉，答案係話撳錯掣。
阿媽聽到個答案仲好沾沾自喜咁話我要俾機會人要問清楚唔好自己下定論。
咁我咪add返H入GP，哈哈哈咁就過左件事。
唔夠兩星期，佢再QUIT。
本身要QUIT GP都唔係咁易撳錯，當事人識我嫁嘛，當事人都唔迫動搵個GP友講返撳錯掣，即係有無依個GP佢都OK啦。
不過，阿媽麻9煩，又叫我ADD返H
我同阿媽講，做朋友係相向，佢唔想留響GP咪由得佢，無必要一定要佢響GP，阿媽你想同佢KEEP個友誼可以自己同佢傾，可以打電話，我尊重H唔留響GP既決定喎。
同埋H唔係QUIT我一個人，而係QUIT 1X個人，係咪都應該尊重下其他"被遺棄"既GP友呢?佢地仲想唔想ADD返個鐘意就出出入入既人呢?
:roll_eyes:fool me once shame on you fool me twice shame on me

不過結果都係頂唔順阿媽D煩音，都係ADD返H入GP。

岩岩除夕約左依個GP既人去PARTY，H無回應，阿媽又叫我打俾H問，我真係好憎做依D角色，去就一聲唔去就兩聲，老又點，擺晒款要人親自去問，洗唔洗寫埋請柬拎埋生果籃上佢公司親自邀請呀?
結果都係有打(無計，我阿媽真係好煩，我又好想佢親自聽住H點樣撚依埋街坊)H聲稱當晚都係去同一個PARTY，所以會見到面只係唔同檯。
街坊都覺得H係吹水成份多，有日出黎飲茶，成班一齊打俾H，佢都係講同一說話。
結果到除夕響現場搵佢，根本無黎，阿媽又叫我打俾佢問 :roll_eyes: :roll_eyes:
係都要親耳聽到H當你狗咁撚，何樂而不為 :stuck_out_tongue:

42

太長氣，無講到回應樓主既野

係想講，人同人相處係相向係互動，大家都係平等不分高低，
每人都有唔同既priority，唔需要因為你係搞手就不斷就對方，就得a又話b唔得，c又話左，d又要右。
去/唔去都揚聲，一早講左食海鮮，去到先話敏感果d咪叫個炒麵食飽佢，成年人要為自己行為負責。
唔舒服咪唔出黎囉，身體係我既，響屋企果個又係我，係都唔出門口你吹得我脤咩。

又係果句，要識得愛自己，堅持底線

2個讚
43

我想問一個相反嘅問題
如果朋友在group約聚會但你唔想去（例如想陪屋企人，返工好攰想唞吓，覺得無話題唔想見面）
有咩方法可以禮貌地拒絕？

因為我都有幾個so-called中學同學group
大家都畢業超過20年了，無乜共同話題
而且個個都有仔女，根本甩唔到身
其中有人約食飯（當然係屋企有工人衣食無憂嗰啲）
我唔想去又唔想得罪佢
比著係你會點回覆？

謝謝～

1個讚
44

我覺得可以響約時間時, 就搵公事好忙 (eg 有d 行業有peak season, 果期會好多OT), 或者要幫小朋友準備考試做藉口, 話今次唔去住, 下次先再約。相信如果大家有家室既話都會理解。

重點係唔好人地定晒時間地點, 之後先放飛機。

1個讚
45

其實個個都知咁樣乞人憎，但呢班人又身邊一定存在

46

如果唔想再聯絡，推得幾次人地自然唔叫你
又或者久不久先join一次，我覺得爽快嘅無問題

最緊要確定去定唔去，要唔要改期就你

1個讚
47

其實問題唔係響H果度囉

1個讚
48

我會覺得問題唔係淨係響H度
我阿媽有佢既問題，H都有佢既問題

1個讚
49

唔記得約左真係好老土囉

1個讚
50

有次我係幾嬲H，
12個人一齊食飯，我同佢地講起下個月既聚會，幾個都話會預時間去(即場答OK會去)，幾個話要睇睇隔兩日有覆，唯獨H，唔主動回覆，算啦，當敬老(又被阿媽哦)，打去問佢一個月後既果晚去唔去到要幾時覆實? 已經唔係要佢立即答得定唔得。H答我
『唔知呀，唔知果日有無人約我，又可能d仔女會約我』
我果下未聽得明，仲同佢講依家我咪約你囉到時佢地約你咪話已經約左人…
去到收線佢都無答到我想知既答案。
到我覆述俾阿媽時我先發現佢果句野都講得好直白，即係我地既聚會響佢既priority係其仔朋友或者仔女之後。

結果都令我心涼，果晚無人約佢，佢d仔女亦都無約佢，死死地氣打電話俾我話『唔好留低佢』
我話無位嚕，下次請早。

樓主唔好意思，咁長氣

3個讚
51

無錯，出唔出都時自願，唔出就算，唔駛攪到自己咁委屈

1個讚
52

但變左你唔開心喎

53

就係無得唔叫，個group得4-5人，通常約得最少要3個到啦～
其實我算係有義氣嗰個，通常我都會抽時間出席（雖然十萬個唔情願）
真係唔得閒係會講到明我邊幾個weekend唔得，唔駛揾我。
但其他人就會好似樓上所講，長期已讀不回，或者其他人傾到七七八八先至覆得或者唔得
又試過決定咗日子時間之後，幾個唔嚟嘅朋友先一齊沖出嚟話「sorry我唔得，你哋玩得開心啲」
其實我都係俾面去咋，我都想好似你哋咁講一句sorry就算

可能呢句唔啱聽
我有時都唔明點解有啲女仔仲沉醉於20年前做「閨密」嘅感覺
明明大家都有老公有小朋友
成日話好姊妹要約出嚟聚
其實最好嘅朋友唔係老公嗎？

我自己prefer有咩係group分享咗就算，有咩想問都可喺group問或私下問，唔好阻住人哋weekend親子時間

1個讚
54

其實好多人都係咁，只差講埋出口

55

d人有時會睇下邊個去佢先去

有啲又唔醒水成日話要齊人

56

下? 個group得四五個人, 但搞手又唔係你, 即係最後得你同搞手去?

咁你都係時候開始做「sorry我唔得，你哋玩得開心啲」果個

1個讚
57

我明你講咩，不過我都認同朋友係要見
最好既朋友係老公我唔否認，但出街同d好姊妹咩都傾一餐開心既事，返屋企又可以同老公講d朋友既近況 :crazy_face:

係，好多依d人

58

:+1:
佢擺明搵你地攝時間, 佢priority 係擺家人仔女先我明白, 但係亦無可能book 檯十二個人食飯要一早預留定多個位, 預俾佢突然話黎呀?

59

我啲group已進化到得一個人想出，其他人都唔想（或者真係行唔開，因仔女都細），唔知點收科。
我每次答應戥腳之後都會比老公哦（因佢會無人陪食飯），我又有內疚。
我諗緊嗰位好姊妹到底幾時先明白人心已變…

60

嗰次係探老師，得我同另一個fd答應出席，點知個fd嘅小朋友當日病咗，改期又話唔得，得返我一條友去探老師…