今日去緊個仔陸運會第二日嘅賽事嘅時候
嫲嫲就來電 開始時都正正常常 對答到
講講下 講起我大仔 又話乜嘢佢返工好辛苦㗎 你要煮個麵比佢食呀 （我同我大仔分開住 已經好多年）
佢突然一路口齒不清 仲要爆喊（嫲嫲有認知障礙)
我心情係有點嚇親 真係冇諗過原來變化可以咁快
之後去到運動場 接亞仔 佢一直同個朋友一直走在前面 完全零交流 早知就唔去接佢 好似好嫌我跟住晒 但明明係佢要我去架喎⋯⋯
返到屋企先記得 今日忘記咗去覆診 已經係第二次忘記
寫咗係月歴 Mark咗係電話 都可以忘記 唉⋯⋯點解會咁
唔知點解 心情keep住好down
呀仔係咪青春期？好正常咋，佢知你關心佢，只係唔識表達，所以唔洗唔開心
人無完美嘛，唔記得咗咪由佢囉，人人都會有大頭蝦嘅時候，冇需要成日自責，唔記得嘢好大程度係你太大壓力，越自責壓力越大，咁樣會更加唔開心，所以有時要原諒自己做得唔好嘅嘢，咁會開心D
咁啱今日啫，唔好鑽入啲小事度，覆診可以再約，冷靜一下，聽日又會冇事，加油
我俾錢聽個講座，點之尋日掛住返屋企洗衫
完全冇咗回事
個女要學琴我又唔記得，老師打嚟問我哋響邊哈哈
我都一樣有mark 月曆同電話remind 都係咁
我女都青春期，半啖砂糖幾啖
會過去的，加油
(^ω^)
青春期會過去，我細個激Q到我媽生
咁跳，但我大個幫佢供樓
唔記得嘢好少事，我哋咁忙，又唔係鐵人
擁抱生活不完美，開心感恩享受生命就係完美一部分
總有日期遇到一堆令人心情唔好既事
接受，繼續相信明天會更好
仔方面，到左某啲年紀係咁的，又鍾意父母，又怕比同學仔見到會醜怪，怕人笑
有朋友、同學面前，保持距離既關心，留返啲面子比佢
做啲令自己開心既野，食下朱古力，俾自己放鬆下
面對問題才能解決問題
"嫲嫲"係指你阿嫲? 即係你兩個仔係佢曾孫?
同一個對話入面突然變得咁快, 又真係幾驚嚇
但佢宜家仲記得孫同曾孫, 都已經幾叻
係呀 我嫲嫲呀
因為我好早就生大仔
佢一早就做曾祖母
佢會好記得
生完個女之後記性相差好遠
有時一要搵嘢我就爆
覺得自己個腦好冇用
而家有乜嘢都要記低落電話
如果你年紀唔係太大，覆診都可以忘記兩次的話，似乎你情緒有問題、或腦記憶出現退化 !?
既然你識得上網打字呻，點解唔識用手機月曆，設定行事任務預先提醒呢?
我朋友個女直頭形容1啖砂糖20啖屎
樓主，唔好怪責自己。好多時壓力或者唔開心都影響自己暫時記憶力。我都成日Mark低咗嘢又無做唔記得
小朋友嘅青春期真係唔易過，好多人都同妳一齊經歷緊相同嘅事，日日係仔女激到死死吓又傷心。雖然我哋唔可以實質上幫到妳，但妳陪時上嚟呻啦
腦退化症有D人真係可能短時間情況Drop得好快的
唯有盡量有時間見吓嫲嫲，唔好俾自己有遺憾
撐住啊
有mark電話 月曆
我係後生 不過長期病患者
青少年期間真係好怕瘀，有時會hurt到父母，我自己都經歷過，不過會過去的
我唔係溪落你，希望你唔好誤會頭先留言，如果你有長期病患，好多病徵影響及藥物副作用，係會影響記性。但如果有 Mark 手機備忘，咁我惟有建議你一件事，同一日落兩個不同時間提示，最好前一日或打幾日都菅備忘，即係一件事落三至四個備忘，寧願多不要少以防臨時忘記 
該主題在最後一個回覆創建後180天后自動關閉。不再允許新的回覆。