但凡對自己不喜歡的，可以謾罵不絕。做鍵盤haters相當容易：假名、假賬戶，彷彿不用承擔任何後果。其實這是一場網絡欺淩！
https://m.hkej.com/landing/mobarticle2/id/3659504/姜濤──哪裏跌低哪裏站起
6個讚
我認同呀，但好快又有人話：乜原來批評都唔得㗎？你班姜粉害死佢
係隔離po我已經利申我本命係AK，呢位文章作者亦係AK粉
我絕對唔係偏幫姜濤，佢係有需要改善嘅地方
平時見網上啲人(包括呢度)針對姜濤嘅留言，我已經好睇唔過眼，嗰啲留言絕對係網絡欺淩！剛巧見到呢篇文章，就借呢個平台分享下
5個讚
就算有人咁對炎明熹我一樣會覺得離譜
1個讚
同意
1個讚
兩睇啦，平時真係有班haters 亂咁鬧，但亦有人有佢嘅道理去批評，都俾班姜糖嘈。只少我喺度見到有人講點解唔鐘意佢，又唔係謾罵都俾人鬧打手、haters, MMA
3個讚
呢度人少，唔會被人搞 
執著將某部分非理性姜糖行為放大睇，對其他理性有禮貌姜糖係好唔公平。舉個例，如果你有家人殺咗人，其他人都視你係殺人犯，你會有乜感覺？
我見到依家網絡欺淩不單只係對姜濤，甚至連姜糖都𠄘受緊
7個讚
我想問下你可唔可以俾少少例子呀？除咗K 字頭嗰位之外仲有啲乜人咁講嘢？仲有，就算真係有糖咁講，關啲人網絡欺淩姜乜事？
1個讚
我回應緊樓上話依家批評都唔得啫，我無話無人網絡欺淩緊姜濤。
唔記得邊個post 喇，唔止一人話唔鐘意佢嘅係打手。
上面講緊幫姜講說話就俾人話姜粉，你就講因為有人批評姜會俾人話haters, 咁即係你睇唔過眼人哋俾人屈打手，所以你支持有人俾人屈姜糖？唔係好明你個logic 
我睇咗好多post 都冇見，或者可能有人提打手你自己對號入座咗，你下次見到話我知。
現在好似鬧人叻就贏咁！ 我覺得都好恐怖
其實呢，網絡世界正常人有眼睇嘅，當然有好多人無理取鬧，覺得自己喺電腦背後講乜都得。同樣地，任何藝人嘅fans 都有理性非理性，就算mc fans 都有痴線到上報。
我嘅回應只係覆返上面有人話批評姜濤都唔得，樓主亦講咗呢到都有網絡欺淩我就覺得，下？上次個post 我有睇哂，完全唔覺係haters ，大家都算理性討論，有時批評下對藝人進步有好處，唔使下下都起崗。
呢度真係有，唔好剩係講姜濤，講其他話題一樣有人會唔刻薄嗰句都唔講，如果唔開心有困擾真係千祈唔好上forum呻同問意見，肯定情緒會更差
網絡欺淩可以係冇任何對象，只為了純發洩純攻擊
2個讚
真，無人控制到其他人嘅說話。
我自己覺得，呢度比一般forum 已經「和平」好多
1個讚
呢度有幾位會員係每個post都係撩交嗌格
1個讚
7/24上網搵人鬧，唔知為乜
3個讚
佢係叱吒攞獎個首歌我又覺得ok喎，幾好聽，係佢唱得作狀左少少
1個讚
佢勁㗎，係老牛聲少少
嗰晚係第一次聽佢唱歌，唱得ok⋯係講野把聲好怪，後生女用白韻琴腔講嘢
2個讚