因醫療事故變成植物人的8歲女童周天瑜（天瑜妹妹），其父親（天瑜爸爸）昨（10日）於社交平台發文，指收到不少網民留言評論他借女兒「博同情」、「不肯放手」等，藉此他在帖文中解釋，天瑜的生死去留都不是父母可決定。
天瑜爸爸不時在社交平台分享天瑜病情的最新狀況，留言區不乏支持者的留言，也有一些人留言批評。曾有網友留言指天瑜爸爸「應該放手，讓天瑜舒服地離去」，「你還要利用個女到幾時？」等等。
對於自私、故意不肯放手，甚至利用女兒博取同情等言論，天瑜爸爸直斥「完全出於涼薄和無知」，坦言這「網絡欺淩是可惡可恨的行為」。
天瑜爸爸解釋，香港沒有「安樂死」，天瑜的生死去留都不是父母可決定，一切都是醫生按病人的最佳利益去作決定，是法律制度的問題，已經不是個人捨不捨得或道不道德的問題。所以身為天瑜的父親都不能夠「因爲我不想她再受苦，然後我就去做些什麼決定或動作來提前結束她的生命」。
天瑜爸爸亦在文中提到，家人「已經跟醫生達成共悉，決定了在危急的關頭下不為天瑜作心肺復甦等搶救工作，如果天瑜的心臟功能持續轉差，我們也不會再加大強心藥的劑量。所以現在作為家人的我們，守候和陪伴是我們唯一能做的事。」。
(source: 【天瑜妹妹】網友批「不放過」女兒 天瑜爸爸斥言論完全出於涼薄和無知)
其實我唔明點解佢俾人鬧咩利用個女搏同情
1個讚
其實人地睇住個女咁樣響醫院已經好慘啦, 而且人地個女係醫療事故先變植物人。
唔明點解講到係個阿爸故意唔俾個女得到解脫咁, 定係我miss 左乜野?
網民刻薄好正常，不過無常識地刻薄。
天瑜爸爸回應得岩，如果佢了結天瑜生命係刑事罪。
岩岩都經歷完依類事情，
有位70未夠既親友突然腦爆血管，上午入院中午已經可以列入腦幹死亡，但因為入院不足24小時就仙遊就會強制解剖驗死因，醫生決定要駁維生機器同強心針，一來等親友趕黎見最後一面二來等過24小時就可以做評估熄機。
當過左24小時醫生話見佢有少少好轉覺得可以再等多半日，但叫我地有心理準備就算醒返都係植物人最多會流眼淚同聽到聲，
表面上同親友家人講婆婆佢努力緊，但心裡面希望婆婆唔好醒，好好咁走左佢唔好返黎做植物人。
9個讚
而家啲人真係隨便就對人指指點點, 覺得自己講既嘢就係至理名言一定係啱.
3個讚
個爸爸睇到呢啲說話都真係會好難受。網上d人真係將最黑暗果面表露晒出嚟
1個讚
A_lcy
11
今朝都睇到有人話觀塘一屍兩命個太太亂過馬路，喺人哋家人傷口灑鹽
其實總有d人係口臭，但我相信絕大多數人都係正常
呢d少數人講嘢唔洗理佢地
1個讚
下? 唔係有報導講事主無亂過馬路咩?
真係痴線架, 好涼薄呀, 未搞清楚就話人呢樣果樣, 而且人都死左啦仲咁講, 欠缺同理心
而家好多人揸車亂嚟，一發生意外就一定覺得係「路人亂過馬路，害死司機」，又唔諗吓自己揸車揸到好似跑車咁快，又鍾意爬頭，又鍾意一路揸車一路撳電話！
2個讚
不如d人自己個女變成咁去試下搏同情囉，點解香港人可以冇同情心同理心到咁嘅地埗
如果可以，我深信爸爸最希望嘅係個女冇事，而唔係咩搏同情
希望小妹妹開心過每一日，每次睇到呢單新聞都忍唔住喊
2個讚
system
於 關閉
16
該主題在最後一個回覆創建後180天后自動關閉。不再允許新的回覆。
