因為經濟原因同互相照顧原因，帶住小朋友同原生家庭一齊移英。揀咗老華僑親友居住的小鎮落腳，住慣HK咁方便既城市，初時黎到都因為各種安頓問題而嫌棄呢度小鎮。小鎮唔多HK人 (都有既) 會黎甚至未必有太多HK人識，所以學位唔緊張，小朋友都入到唔錯既學校 (小鎮治安好，社區風氣純樸)
住落都發現到小鎮的優點，老實講唔算太小鎮，未至於鄉郊鎮果啲，at least呢度的shopping centre係室內而唔係單純戶外地舖形式。
搵工唔係難，但的確相對地少啲，工廠/倉果啲唔多，到係鎮的外圍或去隔離鎮。自己都有好幾次文職interview 機會甚至見得成一份短期替工。(書寫冇問題，係oral差啲)
現在家庭成員要求搬去 “城市” (非倫敦)，因為話小鎮"廢"，佢連超市工都冇得in，佢想創業做生意，佢target 在英HK客…
我地的財力當然afford唔到熱門城市，換言之，都係熱門城市的外圍，亦即係同而家住緊呢度的差唔多甚至更細。亦唔想貪平而搬去熱門城市治安差的area…
我好鐘意呢個小鎮，除在小朋友好鐘意現狀，最重要因為家中仲有兩老，屋企女人多男人少，呢個小鎮又有相熟親友而且治安係幾好，安全係我首要考慮條件…
有得揀唔想搬，但一家人住得埋一齊要互相遷就… 家中有人搵唔到工又冇理由夾佢留係小鎮…
1個讚
「家人」都要睇係咩家人，另一半就梗係要就下溝通下。
如果係父母同兄弟姊妹就好難為左佢地要轉我小朋友學校喇。
其實都黎左成年，適應左唔少，會唔會唔使限大家一定要住埋同一個小鎮呢？
我假設你家人係已成年嘅兄弟姊妹，咁我好贊成佢住市中心share house闖自己一片天。
呢度超市工好搶手，因為會有員工折扣，所以無得in唔出奇
1個讚
暫時分開住可唔可行?
佢有佢去創業 你地維持原狀 對佢黎講都煩少好多嘢
生意稍為上軌或settle得7788時先搬?
1個讚
既然全家都安頓好，冇理由就佢一個，如果佢firm到計劃行得通，佢應該自己一個去佢target地方住，其實好多人都會去好遠地方工作，一係就日日揸車，一係就租一間HMO，星期五至日先返屋企
1個讚
個家人係咪老公先？佢搵唔到理想工作影響到家庭經濟嗎？
除咗伴侶同小朋友之外，其他家人唔一定話要住埋同一區，佢哋想多啲機會咪自己搬出去城市住，大時大節一齊慶祝吓咁囉，唔使日日見。
唔知你係邊類小鎮，因為大城市邊皮都好多小鎮，通常居住環境，校網，社區，階層都比近市中心好，佢地都係去大城市返工，所以唔存在住小鎮就搵唔到工嘅問題
如果你係好鄉下個種小鎮，離開大城市好遠個隻，其實都應該諗諗係咪要搬返出少少，因為你唔係拎住舊錢唔使做，都要係工作同居住之間搵個平衡
聽歐洲人講，不只係英國，歐洲的超市工要有關係先入到。
係咪你老公？老公嘅話唔可以唔理。多數男人唔返工會影響自己價值觀，長期會有家庭問題。但又要客觀諗吓，係佢能力問題，定真係環境因素？
應該唔係啦，係老公都唔使寫咁詳盡嘅背景出黎。
亦唔會為咗就小朋友讀書唔就另一半。
父母年紀太大，唔似想創業
所以我估係娘家siblings, 要痴家人住又咁雄心壯志要創業，又話小鎮廢，我估係男性。
2個讚
家人係咪老公
唔好諗住靠香港人會撐得起生意，真係唔夠架
3個讚
你估啱咗全部 
而家係連兩老都話 “唔係得你一個搵到工, 就要就你一個留係呢個小鎮度”
小朋友本身又慢熱懦弱，好不容易呢幾個月先適應而家間小學，開心咁返學
如果可以唔洗搬，主要係呢度治安好安心同小鎮呢間學校係好好冇乜劣評
佢地target曼城… 睇完校網都有啲擔心… 確實冇一間比而家間學校好…
無奈大家都冇能力分開發展，迫住要一齊"共同進退"…
投票都係我輸，點都係迫住要搬去大城市… (要搬大城市或外圍冇問題，我相信自己依然起碼搵到part time，係我自己心中麻麻地曼城啫… 可能聽太多相關負聞… )
咁啊"家人" 自己搬出去創業得唔得？
有小朋友又老人家好難搬嚟搬去
3個讚
超市工不嬲好難搵，你有reference隔離嗰個都有reference ，競爭好大，搵唔到超市工唔代表廢
幾樣野，
1，創業唔一定成個家族（父母、家姐一家四口）一齊搬，家族成本太高，有冇得佢去住shared house創業？
2，慢熱人（唔理咩年紀）又要重新適應，心理壓力好大，成年人都仲可以頂到，慢熱細路咁短時間咁多轉變好大壓力
3，你丈夫都想搬？
1個讚
