請問大家讀year 7 或 year 8 仔女平時怎樣溫書？係英國沒有textbooks, 只靠仔女上堂寫notes, 跟香港好唔同， 請問大家是否靠買坊間Collins or CGP exercises 比仔女溫書？謝謝
我無見佢溫過啊，有時問佢學校學緊咩咁囉。
［我英國私中+英國大學畢業］
分享吓： 溫notes 好夠 ［本人學校都算出名-&top］
去到公開考試年紀，可買練習操，學校亦會操
謝謝你，但我仔好懶，上堂寫好少notes
，問佢又咩都話唔知，諗緊係咪要幫佢買下坊間啲exercises比佢做當書咁溫，同埋上來問吓其他人仔女係點溫書……
我囡過來時已經係year 9，我見佢主要都係上網自己搵resources 溫習（有自己搵、有學校提供）。佢自己覺得坊間既練習冇乜用，同埋感覺呢度所有野都好透明，past paper 網上都大把。
不過好老實，呢度真係要靠自己自律，老師唔會谷、唔會迫。當然，臨近要考公開試前學校都會幫助學生溫書既，但其實呢度入sixth form 有好多path，亦唔一定要考得好高分先入到，所以我感覺呢度唔會似香港咁催谷讀書。
如果你真係驚，呢度其實都興搵私人補習既。你覺得有需要都可以搵下無妨。
男仔係遲發力些
英國state schools 係掃盲，唔係谷成績，完全唔係香港嗰套官津校老師會幫你谷仔女
4個讚
謝謝你 好詳細
香港學生習慣左老師送 notes 送練習。去到任何地方嘅高中，都要自己學識寫 notes。
我認我自己係冇呢個技能，但依家我係咁樣教小朋友，可以分享下
兩本筆記，一本平日上堂用，另一本係 assessment 用。唔洗分科，但要有頁數，冇就自己寫。
平日上堂之前就望下估下老師教乜 topic，然後寫低自己唔清楚或者覺得考試會考乜
e.g. 地理
Climate change
→reasons for greenhouse gases
→negative effects of climate change
→which type of renewable energy best for UK? not sure, see if Mr. __ will talk about it→he didn’t, I will Google it then.
咁樣上堂就好似寫日記，make comments 同寫 schedule book 咁樣
第二本就係測考對卷用，入面要寫四類測考題目：
- 常見題目，次次都出
- 自己錯完再錯
- 唔識答題，冇技巧
- 完全唔識 1 分都冇
例如: 第一類：
題目 Battle of Hastings Year：1066
Why didn’t Norman win→書 p 3X 有寫，背左佢！
測考之前就攞住呢兩本嘢溫。咁樣就知道邊啲位自己唔識
6個讚
真係好多謝你咁有心咁詳細分享。
係香港，小朋友習慣坐係度等老師比, 什麼都要老師講先會/識做，很少自己思考過濾；係英國你要專心上堂吸收，然後消化所教，思考組織一下寫低notes, 依個就係學習過程。
所以初到步英國要適應這學習模式改變，都不是容易，大家一齊努力
自然淘汰
大部份係咁，但我認識既津小都有教學生jot note 技巧，我自己小朋友讀緊既學校都鼓勵佢地整note, 亦有小朋友寫好note方便溫書，但相信有家長係背後幫手既（初小程度），所以都唔好一支篙打一船人。雖然spoon feed 仍佔多數，但學校唔做咩家長教lor 如果覺得有需要，又唔使下下都等學校出手既。
by the way, 期待呢個post 分享多d教小學或初中學生jot note技巧
1個讚
Year 8 男 讀好一般既中學
溫書?咩黎架?無見過佢掂任何野,屋企有買collins嗰啲怕佢唔識可以做backup睇下,結果原封不動
學校都有啲評估嗰啲,又無話特別差
問佢學乜佢都答到幾句,佢話上堂有聽書就會識
以前香港小學好重視答題技巧,例如題目3分就答3個point就夠,我仔話派卷嗰陣見隔離位同學3分寫滿成1頁紙好鬼蠢,佢只係寫3個point,大家都攞3分
上到中學大個了,要靠佢自己發揮,做家長只能提點,你可以到大型書局同佢一齊睇下坊間既textbool問佢需唔需要,或者有啲學校自己網上有練習可以做
學校 d練習同測驗，低分可以再做過，記住d answers，任做到高分為止。其實算唔算背嘅一種？
重做同一份卷or練習又背到高分 咁算背答案啦
但我仔應該唔肯,寧願低分都唔想重做
因為佢真係試過有一科死得好慘烈
我地學校要重做到 80% 以上，否則當冇做欠交。
但無限次不停重做同一份卷，最後拎到滿分真係有意思嗎？
under 80% 當冇交通知家長，唔知係米咁太大壓力，越來越來學生直接唔返學算
大仔讀咗一年(私校)Scotland S4 (~GCSE 程度)，學校會教學生寫筆記，有輔導班俾學生自由參加，可以問野 (我仔話lunch time 無野做，所以會參與)，放學後有tutor 响宿舍，可以問野
(我無理佢點溫習，佢公開試成績幾好)
細仔，因為搬屋，11月先轉咗去top state school 讀S2，學校係有教學生寫筆記！(之前嗰間都係band 1 school，但就hea dd囉~)
亦會同學生講：出年要選科喇，就嚟要考公開試，要養成溫書嘅習慣
爸爸有要求佢每日望返自己d 筆記，特別係無咁熟識嘅外文 (之前學咗一年意大利文，轉校後係學法文)