話說香港人最鐘意講返工，咁諗起又講下返工
終於差不多返左一年，託賴都搵到份工，展現到香港人三文三語 （我當簡體同繁體係2文嚟）
工作上遇到嘅事 （我唔sure係我公司係咁，定英國係咁）
1.成日要做review, 仲要係個人review.
personal development 果啲，我其實真係只想生活淡淡似是湖水…個個月一小結，半年一大結，仲要搵同事問佢地覺得我點，點樣可以做得好啲，其實大家都係填啲門面嘢，真又要行得嚟有啲誠意，真心中文我都難填，仲要英文
暫時係咁多
等大家分享下
我同係hk一樣都係做某國既大公司
都一樣每年要appraisal, set 目標
但工作氣氛文化就再輕鬆啲
香港就一年一次，呢度就一個月一次
仲好關心有冇study d乜嘢，同埋well being
同事返工好似過日晨咁，最重要係放工，冇一個人係想做好件事，除咗一兩個managers
利申：我只係part-time，但都頂佢哋唔順
我做 pt 時可能做得太快，5日工 cut 到得返兩日
成日做完去問有乜做，佢地揾唔到嘢比我做
好在我覺得抖3日周圍去玩同湊仔幾好，5日太困身
所以千祈唔好做咁快咁好，冇著 so
我做義工，好正常咁個熨斗入完水等蒸氣出時去洗杯洗碗，manager問我做乜唔抖下，我都唔明點解要抖
你呢個動作已經唔啱，應該坐係到等蒸氣出水嘛，之後再慢動作熨衫, 一個鍾燙 4, 5件衫好啦
我後期將d數目字刷來刷去寫靚佢
data 一張 a4 紙入半日
我怕做得太快，會隔星期返
係呀，結果佢哋下晝嗰節唔使請義工，因為我上晝已經熨咗幾十至一百件衫
咁係損人不利己嘅行為
我知錯了
我應該都有呢啲同事，問嘢唔會有答案，但花左好多時間比一個唔係答案嘅答案
我都明白好難做得咁慢