check過日本氣象局，預測嗰幾日大約1℃-10℃左右，想請教大家呢個月份去東京的話，一個小六男仔嘅衣著可以點樣保溫得嚟又方便佢出入室外及室內呢？而呢5日，大多數室內活動多，但都會去農場參觀整果jam嘅。
考慮緊買件Mont-Bell防水羽絨外套俾佢，打算外套夠暖的話，入面一件衞衣加一件heattech。揀Mont-bell係聽講夠輕便得嚟，保暖效果都好好。至於褲方面，都搵緊d有內絨嘅運動褲，唔知咁樣著啱唔啱呢？
好似洋蔥咁樣，一層一層就得. 室內暖氣實在太勁.
3個讚
最緊要係件褸，因為室內會有暖氣，唔會凍，入面一件短袖/長袖（視乎佢自己）外面加件羽絨就夠啦
我自己係外國冬天都係咁
最緊要外套要防水擋風同有帽
羽絨定纖維我覺得分別不大
如果只係去一次可以買啲平啲嘅牌子
褲帶返屋企最暖嗰幾條就得
但係至少帶一條跣水面嘅褲，怕落雪
可以帶多條heattech打底褲
反而可以帶一套短袖做睡衣
小朋友容易覺得佢地暖氣太熱
最重要係提佢隨身帶手套同暖包應急
鞋，最好防水
1個讚
出面一件夠暖的防風加羽絨長褸，之後入面係抓絨衞衣加貼身低衫。褲厚小小。預備頸巾及帽。我當年係咁著。因為室內暖氣真係好熱
。
視乎小朋友怕唔怕凍
室內有暖氣會好暖，著防寒內衣會太熱
可以羽絨加暖貼，太熱只要唔貼就得，防寒內衣要走入廁所除好麻煩。
另外帶定頸巾，帽，手襪，室外有時會好大風，有呢幾樣即刻暖好多
去凍嘅地方我都係剝洋蔥著法，最底著1件tee，再加拉鍊外套、扣褸冷衫+大褸
凍嘅地方室內多數開暖氣會有廿幾度，如果著太多冇得除嘅衫會好熱