我小朋友依家就黎21 個月，但係有啲問題我都唔知點樣去解決
好曳大叫硬頸坐唔定拆屋呢啲都不在話下
我想問下大家意見，真心請教.
佢依家係識郁嘅有毛嘅會驚：
毛公仔、差左電會郁嘅吹氣公仔、搖控車、有毛毛嘅衫、細細隻恐龍玩具、啲樹葉比風吹郁、地下個影、人咁高嘅胡桃夾子、貓貓狗狗烏龜羊魚兔，明明屋企有養魚，但開魚樂無窮比佢睇佢都驚、帶佢出街想幫佢試個件衫，呢啲通通都驚到喊/震/掉/走，就連爸爸尋日買左對新鞋今日著上腳都驚到寧願跟阿公阿婆走都唔要我地… 最近聖誕樹啦、聖誕花圈、聖誕老人聖誕鹿呢啲， 仲有好多好多，總之就係見到乜都會驚咁。
我都唔知點處理，我地都算成日帶佢周圍去，見唔同嘅人，去唔同嘅地方，就算抱佢一齊摸摸佢又大喊，我摸完/捉佢手一齊摸又唔肯，就係大喊大叫。我老公問我係咪要帶佢睇醫生，我都唔知係咪要。佢驚貓貓狗狗，但佢又會同佢地係安全距離say hello.
可能係高敏兒童
我女都係，無睇過醫生。感受係接觸多啲，俾啲鼓勵，再加時間，就會慢慢好啲。但比起非高敏小朋友，都係麻煩啲啲。好處係呢個性格通常都幾完美主義，同對自己有要求，讀書幾叻下
真係，好有手尾有好條理
見過一次大人做啲乜啲野放係邊，佢下次就識
放鞋震要兩隻放齊再一齊入鞋櫃
見到尿片會自動掉去垃圾桶
但睇相佬講佢讀書平平 唔係叻個啲
佢到依家都未識講野
可能係感統問題，你可以打電話返健康院，同姑娘講小朋友嘅情況，要求返去見醫生，之後就等醫生檢查睇吓要唔要轉介兒科跟進
佢係驚定唔鐘意呀
一個人好似好難驚咁多野
似高敏兒童
我大女都係咁，去迪士尼睇巡遊喊，同唐老鴨影相又喊，帶佢入去獅子王慶典，直情驚到尖叫嚎哭咁滯
聖誕老人派糖，離遠見到已經掉頭走；去睇pixel展，門口隻毛毛嚇到佢喊；帶佢玩水，隻腳未掂到水已經爆喊
仲有好多，好多。。。
唔好同佢講「唔好驚」，唔好話佢「咩都驚一餐」，因為你唔明佢點解驚（而佢亦講唔到俾你聽點解）
可以做的只可以接納佢的驚同陪伴，佢需要係你的支持同理解，大大下會有好轉的，媽媽加油
高敏兒童的話，需要適當的刺激，但又要避免過多的刺激，有時讓孩子觀察多一點，讓他依自己的步伐預備好才做，有時會慢到你嘔血，但慢慢會見到進步
唔好意思都要講句
睇相佬講既野都好信？
一月會返兒科覆診問下醫生先
但最怕啲醫生成日都係答「正常架，好多小朋友教係咁」，我唔係話無其他小朋友係咁，我係想要實際改善方法
我估係驚
好似狗呀雀呀咕孤固咁，係佢自己指完同人say hello, 但行埋啲就攬到實，腳又夾實我。
上次西九見到隻狗咁，我地不斷行遠，係阿仔自己又要走返轉頭撩佢，如果佢唔鍾意嘅野，佢平時會推開或者講「唔」
係呀 廸士尼啲卡通人物都驚呀，影相都大喊
但我見高敏兒其中一點係話 如果屋企有一樣傢俬改左位佢就會唔滿意， so far 我仔又無喎
係呀 我都陪緊佢面對
希望真係大個會好
每個人都可以信佢自己想信嘅野
等於病有人選擇睇西醫睇中醫睇精油治療師，亦都有人選擇拜神祈禱，每個人信仰都唔一樣
其實睇相都只係一種統計黎
既然佢話我仔讀書唔叻，信唔信都好，我又覺得聽完都無壞
我又唔會因為睇相佬講完呢句我去做啲乜野去改變
如果係感統問題係要做訓練架
另一個方法係自己出面做評估，攞咗份報告一樣可以排社署嘅服務，或自費做訓練
完全理解唔到個邏輯係邊
咁究竟信定唔信
信但又唔會做啲咩
唔信但又會聽
好混亂
有機會係感統問題、自閉傾向、焦慮/創傷 (eg 一次接觸新嘢一聲巨響嚇親佢，咁以後見到任何新嘢就嚇到喊)、身體腦神經問題。
網上幾個師奶圍埋都畀唔到實際幫助同意見，所以儘快搵幫助，起碼排除曬啲身體問題，同埋多個專業意見睇下點樣幫佢適應。
唔知佢呀 ，就係好飄忽
今日驚嘅聽日唔驚
尋日驚今日又唔驚 但後日又驚返
我下個月返瑪嘉烈兒科會問
但早幾次我提出過醫生都無正面回應，只係話再觀察下
同埋都係個條發展線上面岩岩叫達標
所以佢無再話幫我轉介啲咩
似係感統問題
不過啊女同學仔去到3歲幼稚園先確診
之後做多D訓練(政府資助同private都有去)，好似小學已經冇乜嘢
可能你要具體d講
例如：對某啲質感、光暗、聲音大小等變化，而令小朋友有啲點樣嘅反應
會唔會比小朋友接觸下唔同嘅人去玩
佢又會放膽接觸下
我仔有個幼稚園同學
係唔會落沙灘嘅、草地都唔鍾意
但有次成班同學去長洲玩
成班小朋友衝曬落去沙灘
呢個同學喺側邊企咗一陣、又肯行落去
佢媽咪好感動咁話冇諗過自己小朋友肯行落沙灘
題外話、我自己都好怕行沙灘同草地、覺踩落沙嘅感覺得好嘔心