去到幾多歲先知係假
幼稚園仲信緊，努力執好玩具同抹地，話唔會令聖誕老人仆到
2個讚
佢地扮信係真架咋
竟然係咁
佢阿媽話呢期乖左好多喎
朋友喺美國
佢仔寫信比聖誕老人
真係回左信
呀仔仲信緊
3個讚
我好似未信過，
但有寫信比聖誕老人，今年亦寫左，明知只係回返standard野，但依然認真寫信比佢，可能係一種儀式感
我無同小朋友講過聖誕老人嘅嘢，但有扮過牙仙子用金幣換牙仔比佢，佢地信架，但之後幾年成日會問我真定假，我成日都要講大話呃佢地開始有啲心理壓力，早知唔開始呢個大話
2個讚
我細個聽所有故事都知道只係故事，我哋只需要明白故事後面嘅道理
我9歲仔仲信緊
每年我哋都會一齊準備飲品同曲奇比聖誕老人，上年直頭準備埋紅蘿蔔比鹿仔食
1個讚
而家知係假，但都信
我仔好細個時以為disney 既人偶公仔係真既，直到我帶佢去東京個個，佢好震驚點解呢到又有隻米奇，我最後同佢講係人扮既，佢好失望
保持童真vs現實常識好難平衡
4個讚
幼稚園個年隨心買左份禮物放聖誕樹下面，我大仔起身問我邊個俾，我就話係聖誕老人，佢就開始信。初小有同學話佢知聖誕老人係假，佢仲同人講佢真係收到聖誕老人既禮物。不過舊年就開始唔信啦，仲話要唔訓睇住我放禮物係聖誕樹下面，當然唔成功。今年我都照買聖誕禮物俾佢哋。
1個讚
好細個已經知道冇聖誕老人，但聽同學講擺聖誕襪係床頭會有禮物，我都好想要禮物，所以打攞打鼓話要一隻聖誕襪放床頭，扮信聖誕老人送禮物，實質屈呀爸呀媽送禮物
最後，打開得一筒能得利黑加崙子糖……自此冇再擺聖誕襪係床頭……
1個讚
成十歲人都仲信，咁點樣成長？
關事咩？
喺香港長大無呢d 故事，但佢哋喺外國就算屋企唔講，佢哋都會接觸到。牙仙子都係佢哋返學後聽到，然後放落枕頭底，我咪換個coin 落去，但亦無同佢哋討論過真假，佢哋信唔信我都唔知。
外國人好重視小朋友信有聖誕老人，唔可以話佢哋知係假，點解我都唔明，真係文化唔同。
2個讚
大大下就會明，又唔駛專登篤爆掛
可能就比如黃大仙咁掛？
禮貌嘅人都唔會話黃大仙係假（假設佢唔信）。
我又無諗過同小朋友講有定無聖誕老人，反正無功不受祿，就算小朋友信有聖誕老人，我都唔知點解釋點解一個陌生人會送禮物比佢，或者點解唔送禮物比佢。
愈諗愈覺得自己無童真
1個讚
呢個係仔仔班group嘅家長send出嚟，我覺得好好
1個讚
唔知香港長大嘅細路係咪咁？我哋嘅阿爸阿媽唔會扮聖誕老人。
聖誕老人對我嚟講，應該係聖誕商場搵人扮嘅角色，我應該好細就咁諗
1個讚