呢個令我諗起有啲中年夫婦移民後你眼望我眼，而產生問題嘅原因
香港慣咗有工人，放工之後好多夫婦都可以做大帝，有人煮好飯、洗碗、一般家務，隨時有仔女都唔使幫手沖涼照顧。
去到英國無咗呢對手就面對大量以前唔使做嘅嘢，仲要人人標準唔同，肯做都唔代表對方會滿意。
5個讚
我媽話人老左啲性格就會變，同男女都有更年期。佢話啲女人出去gathering個個都係講自己老公點煩。
睇完諗起話有啲日本女人忍到個老公退休就離婚。
2個讚
長時間對住真係會多磨擦，想搵個喘息空間都冇，如果是但一面睇唔開要執另一方會更加難相處。
最好係兩邊都睇開啲，唔好執著對方要跟自己標準
4個讚
係香港好少夫妻會係屋企日對夜對，移民後突然面對呢個情況真係唔係個個都頂到
唔好成日以為淨係女人煩，男人留喺屋企有時仲煩過啲女人
我聽返嚟有幾對移英夫妻離婚，不過我唔知人哋喺香港時感情係咪已經有問題
2個讚
你眼望我眼再加坐食石崩仲要搵少一節嘅心理不安感
呢句真。以前男人心思係工作上，屋企嘢冇乜點理，又或者剩係識跟自己呀媽嗰套。
移咗民未搵到嘢做，多咗時間日對夜對，日日困獸鬥，又支支左左，煩到嘔，又唔聽人講
3個讚
日日困獸鬥感情好都會變感情唔好，所以就算幾不愁錢都好，其中一個去做下野，義工又好乜都好，點都好過日對夜對，無言以對
1個讚
之前睇過有篇報道講50歲以上離婚比率越來越高，其中一個原因係仔女已經大，女方唔想再忍落去決定離婚
上面有人提到移民後困獸鬥都係一個婚姻至命傷，我識有個香港隣居都面對緊呢個困局，個女人好想好想老公出去做下野，但個男人完全冇呢個意慾，留係屋企又唔幫手照顧小朋友，個女人睇個男人越嚟越唔順眼
1個讚
完全冇財政壓力，hea下先咁
我唔排除有人話做左幾廿年，休兩年都唔過份咁
2個讚
就當住在青年旅社的6人房合宿, 不要期望對方無私為自己做什麼, 不要干涉對方的生活和時間, 但又可有共同活動的機會.
兩個氣球放在一起沒有衝突, 但貼得太緊就會互相彈開.
2個讚
所以揀一個相處到生活到嘅人先好結婚
但太無所事事會係觸發點
其實個人興趣可以舒緩情緒壓力，
分散注意力集中係屋企上，
減少製造（睇唔順眼）嘅問題，
好彩嘅，兩人興趣相同嘅，仲可以增進感情。
恭喜你
有啲人鍾意指點江山，尤其是無聊人。我老爺對於我奶奶將隻匙羹放碗左邊右邊都有得話，直到後者發惡先收斂少少
我就唔會發惡，我試過煲湯落兩粒蜜棗老公話少，三粒話多，其實佢識條鐵，係口痕話下我。所以之後每次煲我叫佢蜜棗切一半或3/4，我話落2.5/2.75粒煲湯就唔會比佢話，佢切到驚，以後唔會阿支阿左
11個讚
好絕，我鐘意！
2個讚
唔識其一，多多要求係因為 
無煩到佢，口upup無成本。
姊妹做得好
我老公都試過俾意見，到下次99整同樣既野既時侯我捉住99跟佢個仔既要求 
然後就無事再發生
5個讚
係呀唔使動氣㗎，唔做嘢嘅人阿支阿左就叫佢做返，令佢suffer，佢最驚我除圍裙叫佢煮，攬炒
夫妻要對到老，一定唔可以齋忍或日日嘈，要智取
3個讚
啱呀，叫人做就易，自己做先知難，
好似我囡係 BB 個個時鼻塞，奶奶話
用口啜，我即刻遞個囡比佢唔該，佢
就話叫你做，我話唔識，你講得出即
係識點做咁你做，佢就話講一下笑。
5個讚