各位同6299住會唔會覺得無自由同必須要做家務？係預左要受氣咩？
我係同6299住，而我同意係必須要做家務呀
受氣就當然唔係必須同預左啦。
自由就好自由。
1個讚
有工人咪唔洗做家務囉，冇既應該分工合作
受唔受氣好睇大家識唔識做人
不過的確好難好「自在」
始終大家生活習慣唔同，又唔係住幾千尺，大家成日撞口撞面
6個讚
如果冇工人姐姐，預咗要做家務。至少衫要自己洗，自己間房要自己換床單被鋪清潔。煮飯洗碗我覺得都要做/幫手。
受氣就睇同長老關係，同埋睇大家性格
我覺得同長老住要
1)老公係神隊友，以老婆為先
2)屋企夠大，起碼要獨立廁所，有私人空間
3)有工人或者唔介意做家務
4)長老係正常人，最好有返工或自己興趣，唔會24小時係屋
否則都麻煩
1個讚
咁我想問唔同長者住, 自己都要做家務定係你老公
做晒你一啲都唔做??
個時同奶奶佢仲做緊嘢, 佢返 shift 都唔係日日見到面,
我自己本身係屋企都好小做家務, 奶奶一開始已經話
唔使我做家務等佢做, 但我自己覺得大家都要返工一
齊住邊個得閒邊個做無所謂, 平日佢未放工我見衫多
就開機洗, 收衫摺衫晾衫, 星期六日我會洗廁所掃地
拖地, 全部都係佢唔係屋企個時做, 如果佢係度佢唔
會比我做.
至於煮飯都係一樣佢係度我就唔會做, 淨係開枱擺位,
食完飯就爭洗碗通常都爭唔贏.
住埋一齊就會分擔家務；但會睇咩心態：
點解同老爺奶奶住？係兩老要後生照顧？定後生想慳錢先一齊住？如果係後者，更加要做，因為無理由著數有份攞，責任又唔做。
睇下老人家抱咩心態：如果長老當新抱係妹仔，我會做少d,而且會叫老公一齊做。
後生比長老幾多家用：少嘅就做多d囉，無錢就出力。
3個讚
我覺得係要睇個老公同長老住仲會唔會做家務。如果所有人都分工我覺得ok。
最怕個啲老公同長老住就唔洗做家務變巨嬰，但長老expect新抱要做。
其實一般家庭, 有幾多人係會要仔女做家務, 除非父母一日返
12 個鐘真係攪唔掂先至會叫仔女做, 因為唔做就變左無衫著
無飯食, 一唔係就請工人做家務照顧飲食.
講真同住真係或多或小要做家務好難避免, 如果自己本身都
要返工, 根本無可能做晒. 至於你話做幾多咪同長老傾, 我唔
相信會一定要全部做, 如果真係要全部做就要等我得閒先做.
至於幾時得閒你自己決定囉…
就算我唔同住, 99都想我幫佢做家務啦。
其實咩理由同住都好，本來62 99都係個陌生人，一齊住咪互相尊重當ROOMMATE。
煮飯洗碗唔係日日需要做，老公OT得夜煮少少野俾佢然後佢自己洗，一向我自己煮完就立即抹廚房，所以年尾大洗唔會好難做，洗衫晾衫摺衫我淨係做我兩公婆果d，廁所清潔有62做，掃地拖地就眼不見為乾淨我都唔知邊個做，但我做親99就叫我唔洗做。
62 99無做野日日響屋企嫁，就算老公之前都係飯來張口，我都唔會當佢仔咁湊，佢地要湊就佢地既事，唔洗佢地湊埋我咁囉。
同住每個人都應份分擔家務，唔會抱住個心態係你地個仔唔洗做所以個新抱都唔洗做，62 99無欠你亦唔係你父母，無責任義務溺愛你。
3個讚
睇落幾好，但獨立廁所邊個洗?
預你老公洗?
其實有工人又真係解決左大部份既家務衍生既問題就真既。
4, 我會覺得就算佢24小時響屋企都唔係問題，而係佢唔洗返工身體OK活動自如既但仲EXPECT返工果D家庭成員要返黎做晒D家務先係問題。
同意
結得婚都成年人啦，我唔洗佢幫我做乜做物，亦唔希望佢EXPECT我幫佢做LEE做LOW，公用地方一齊分擔，互相補位
YES
COM撈咪依D新抱
互相補位
依個唔太認同，俾家用長老係要黎屋企支出，唔係俾人工佢當佢係工人喎。
2個讚
係呀，所以咪就係要睇公唔公平。其實好多時有不和都係唔公平咁分配啲責任。
好多人唔會要求自己仔女做，但仔女既另一半就唔係咁講。
未請工人個陣都係我老公洗。多數都係我老公做家務。
呢個我係覺得係如果長老有自己野做唔成日係屋企會有多啲空間同個人會開明啲
可能我講得唔好，令你誤會了我意思。
我意思唔係比家用長輩就當長輩係工人。例如後生比得多家用，自己野自己做返；相信反少家用（少到屋企支出都唔夠，即係要長老幫手養後生），咁就做多d,當報答老人家貼錢養佢地。
咁我覺得除非真係經濟原因要一齊住，如果唔係講到只係陌生人又唔錫你，點解要一齊住。聽落好辛苦。
一係個老公係媽寶，一係老人家有病要後生照顧，或後生都慳錢。
我眼中都幾錯既概念，一來有自己野做唔等於開明D，
二來要佢唔響屋企同時你響屋企先會叫做有D空間。
然後佢唔係成日響屋企既話(去街又好返工又好啦)，佢都可能唔多做家務，咁家務邊個做依樣野都會係問題。
睇你好多POST都知你都係個幸福少奶奶
互相尊重係重點
你真係個幸福掌上明珠之後再搵到個神隊友，
唔知你錫既定義係乜野，我唔覺得個老公如果娶左個垃圾不是生產既老婆返黎同住之後仲要兩老照顧埋個新抱既係熟於"錫"。好似網友個弟婦咁，係唔係助養埋佢先叫鍚呢，我唔知。
同時我都唔覺得我要分擔家務就等於對方唔錫我，
我係話"62 99無欠你亦唔係你父母，無責任義務溺愛你。"
我用溺愛既原因係依件事係盲目無理地去縱容，而唔係有條件下去愛。
去到一D時間就發現就算自己父母兄弟姊妹老公老婆都係陌生人嫁咋，更何況果個係家姑家翁。
TOUCH WOOD係老公不在人世你會唔會負責62 99生活?
唔講死別，離左婚你都唔會探佢地啦，唔係陌生人係咩?
6個讚
我意思唔係咁樣。我只係接受唔到個老公唔做家務但長老expect新抱要做。但當然呢個只係我standard啦。
我都同意你講呢啲。但起碼一齊住我都expect佢哋扮都扮下一視同仁。
係，其實諗深一層就係，唔同長者住
自己都要做家務，咁就唔使諗咁多係
咪同住就要做既問題。
至於話老公幫手就問題，都唔係個個
會識做又或者肯做，至於係神隊友定
豬隊友其實自已心裡有數。就算唔同
住遇到豬隊友相信大家都會明係點。