去到新嘅地方都會令到啲嘢壞，如返公司，可以每日都壞一樣嘢，上屋企人架新車，一坐低就死火。
賭錢都係，同朋友去澳門，我一行開佢哋就贏錢。
實証太多不能盡錄⋯⋯
真係好唔開心
Oh no!
唔好介意，你係咪行緊衰運？
1個讚
咁味仲好，一定唔會沉迷賭博
2個讚
唔係㗎，好多年都係咁㗎啦，不過都可以話我好多年都行緊衰運嘅
咁你有殘障病痛，三餐溫飽嗎？有瓦遮頭嗎？．．．
我之前都行咗衰運好多年，不停因唔同原因破財，做生意都蝕錢，撞車，甚至身體健康出現問題要做手術，體重一度下降。。。
向好個邊諗，破財可能係幫你擋咗一個災劫，身體健康就勝過一切！
2個讚
小心變左自我預言
賭錢既野，一定係莊家先係贏家
輸錢皆因贏錢起，焉知非福呢
搵啲師傅睇吓命理囉
你係咪真係次次上人架車，架車都會壞?
公司啲機器係完全壞？定有啲位入得唔好令到佢暫時function 唔到?
係咪你成日咁諗，令到他人都順理成章咁推左落你度?咁會造成一個惡性循環
4個讚
信不信由你，我覺得你要搵個師傅睇睇
我記得我之前行咗10年好運，之後就平平，呢2年就唔係幾好，多阻滯，唔順利。唉，希望今年會好啦
無錯
關你咩事
佢贏錢輸錢壞車壞機器同你有咩關係
同話人陀衰家一樣
唔野搵野講
真係咁介意咪幫自己同家人買保險
正苦等人用，有冇考慮轉工?
8個讚
係，如果樓主身體無乜事，咁都無咁驚，當擋咗個劫。有一年，我媽媽大病走咗／奶奶同狗狗都大病，嗰年屋企好多嘢壞，無論新買定舊嘅，好多都要換，自此屋企一壞嘢我就驚驚地。
如果信，唯有做多啲善事。
當年我都試過有段日子係咁，
唔係公司壞嘢，係格兩、三個月屋企壞嘢，
廁所廚房盆底先後漏水，
洗衣機三年多啲就壞一部，
坐厠水箱漏水，
電風扇葉崩咗一忽，要去信興訂零件，
電視機睇睇吓都會自己燒機
鐵閘無情白事，拉得唔順，要滴多啲W D 4 0，推返順佢，
仲有好多 虢礫緙嘞 嘅嘢嘅嘢，都係嗰段時間發生，
唔緊要
現在總算過去
雨過總會天晴，
多謝各位安慰
不過好彩係，我屋企啲嘢係唔會壞，只會壞人哋啲嘢
1個讚
我成日都係架喎，d人話我搭沉船，唯有睇正面d囉。
無錯，最怕變self fulfilling, what you think, you become,
不過我唔知有咩方法改變
咁我覺得唔開你運氣（命格）事，
雖然好阿q 又老土，凡事向好方面諗，一見到好事發生，就自我放大，慢慢會改變你心情，你會開始feel 到樣樣都順。
簡單啲，一落街巴士就到站，內心即yeah一聲，覺得自己超好彩，
屋企人新車壞左，好彩唔係車我去旅行時壞啫
4個讚
呢樣真, 心態能改變一切
1個讚