佢係tb 一直都同女仔拍拖
係咪係你之前都有舉棋不定嘅moment, 令佢覺得你未ready？
不過我覺得佢係高手，應該不乏女女。如果真係好鐘意佢嘅，好似上面話齋，試下resign睇下點。
仲等？等到2046咩。家下話煩公司嘢無心機談情，佢轉咗工又可以忙適應無心機談情。
呢刻你地什麼也不是，你都係為咗自己著想先啦，計劃下自己前途仲實際。
佢係高手啦 之前講笑話自己成日hurt人 我從來對佢都好堅定 但佢唔知我會接受tb 既
佢話走左都要記住近返佢
我都係咁諗 身邊既人都叫我搵第份工 我都會架啦 相信唔同一間公司 佢會放心好多 我亦都可以知道佢對我點
其實我唔明點解要有顧慮 我又唔會同其他人講同佢拍拖既 佢亦都唔會偏私 我諗我都係要唔做果一刻先敢問真相
咁你話俾佢知啦！
可能你唔講，佢以為你只係玩玩下咪咁對你囉。佢都驚轉過頭你話當佢好姊妹，佢咪好魚…
但係點搵機會講好呀 我之前已經想暗示佢聽
我已經有用行動話比佢知 例如好近對望 會捉會手臂
唔好暗示啦，直接講
點講好呀 好唔知醜咁
離職唔洗再對住佢後，搵日約出黎講
一個咁嘅人之後都可以為左其他野放你埋一邊
1個讚
i agree with you
你唔明係因為你放佢在第一位，所以你可以為佢放棄另一份人工好啲嘅工。
但佢就肯定唔係放你在第一位，所以先會有顧慮（可能真係對你有點意思，得閒flirt 下可以，但未至於想同你有將來）。
咁佢肯定係 佢事業心好強 個人又tough 又聰明 佢性格好吸引我
有時又會好溫柔 佢就係對我時好時衰 都唔夠時間相處 開工又咁忙 佢唔夠了解 自然唔會太鍾意
同埋佢又唔係鍾意比太多公司既野我知 佢寧願同第二個部門既人講
其實，會唔會係你唸多左。
都好明顯，she’s just not that into you.
聽過一個case，
一男一女由朝到晚都WhatsApp，講嘢固然曖昧，
個女仔一日唔搵個男仔，個男仔第二日都會搵佢。
落雨翻風，噓寒問暖，個男仔樣樣做齊。
出咗幾次街，都係個男仔主動話俾錢，唔俾個女仔俾。
如是者個過咗幾個月，個女仔忍唔住同佢表白，佢同個女仔講sorry。
以為個故事完啦，
都表白失敗咗，可以散場。
誰不知唔夠48小時，個男仔繼續撩個女仔講嘢，好似冇事發生過咁。
個女仔最後忍唔住block咗佢，放自己一條生路。
2個讚
咁佢都好賤 想個女仔繼續鍾意佢啫 我其實係想要佢答案 咁唔得就死心算
要答案都要行前一步去問佢啦！
佢好明顯唔會踏前一步，呢一步在於你。
成年人黎架喇，同佢承認過去呢年一直有鍾意佢，都無咩羞恥姐，個感覺係真嘅，就算唔認大家都feel到啦。
之不過，當下呢刻仲鍾唔鍾意佢，同打算將來仲繼唔繼續鍾意佢，就值得問對方意見，攤晒出嚟講都唔比答案你就當佢係渣男（渣女）！
走都無悔。
2個讚
唔好估估下，得唔得都要有個答案，做人最忌不明不白，都咁耐啦
老老實實, 好多野樓主都好一廂情願, 且為自我感動而自我犧牲, 但對對方黎講係不見得有任何實質好處, 幫到對方, 談不上是兵, 最多算攝時間/擋箭牌
5個讚