係，如果個男仔喜歡你，唔會講你太主動囉。佢好似怕左又或你唔係佢個type. 佢好明顯係你鐘意佢多過佢鍾意你
1個讚
但佢又會撩我呀 會走過黎同我傾偈玩 唔知佢點諗
我都有感覺愈拖愈小機會 同埋佢係鍾意我一定會行動
因為明白同同事拍拖會有顧忌
想你對佢好、鐘意佢，但佢唔想同你正式開始，只係想享受你對佢嘅好；同港女收兵差不多，定期派軍糧，但唔會同啲兵拍拖。
呢種男人我見好多，勸你早走早著。
5個讚
假的，唔好再比藉口自己去幻想。
真係好鐘意，男人就唔會有顧忌，否則點會有咁多人辦公室戀愛+結婚。
1個讚
我都係有咁諗 我真係唔理佢時候 佢成日整好多野出黎 引我關心佢 我都忍住唔彩佢 佢就會眼神攻擊我 我都即刻避
佢話完 我就唔彩佢 佢又黎氹返我 想我對佢好
因為佢一時時 有時又同人講追緊我 有時又唔點出聲 我都知自己成日幫佢諗太多藉口
試探過 出過街幾次 有時佢約我 有時我約佢 佢會講佢唔鍾意我做d咩 鍾意我點
點解佢要同我講呢d 我想知
咁真係唔知d男人諗乜，不過要知佢係你心目中嘅地位，就係唔做同一間公司，當佢見唔到你，佢真係love你，佢會搵你。不過我估你唔捨得離開間公司因為你都仲想見到佢
1個讚
好難想像一個男人可以同一個女人曖昧咁耐都唔出擊，會唔會佢喺出面都周圍flirt 女架？
咁佢係tomboy 定女仔個邊？
女仔個邊可能玩玩下，未必真係想同同性開始
我覺得佢好似社內既Manson
，有個兵同自己flirt 都幾好玩。我都建議樓主轉工，有日你唔係身邊，佢鐘意你就搵你，唔鐘意就。。。咁你都轉左工，重新出發
1個讚
咪講咗囉，你係兵，佢派緊軍糧，一路拖時間拖到2047，到佢無興趣時，就不了了之
你自己唔接受現實，無人叫得醒你的
1個讚
好多咁嘅男人㗎，我後生時遇唔少，你一迫佢哋確認關係，就會依依哦哦、東拉西扯一大輪，再遊一輪花園打發你。
通常佢哋咁回覆時，我就會斬纜，然後佢哋會返嚟聊我，我再問佢哋想點：你想拍定唔拍拖，我唔會和唔係男朋友嘅男人拉拉扯扯，浪費時間。
如是者來回一、兩次，佢哋就會消失，因為喺我身上攞唔到著數了（著數可以係 情感上嘅優越感，被關心、被鐘意 之類）。
我一聽樓主嘅故事，就知道係同一種男人，所以先叫佢快啲放手。
4個讚
係，真心覺得樓主要轉工，一嚟為咗自己前途（假設你地無結果，你繼續留喺度就愛情事業兩空），起碼為咗自己事業拼搏先。
二嚟感覺對方有顧慮，你地係上司下屬，相信會對佢有影響。
我自己有朋友就係咁，上司下屬曖昧咗幾年，但無人敢做開口嗰個，最後女仔轉咗工，男仔先敢表白。
可以同對方講下自己想轉工了，睇下佢點。
2個讚
只係俾個幻想你
係對你有責任感有愛有承擔嘅男人一早媾左你
醒啦阿囡
6個讚
一開始樓主講話佢怕羞我都諗住佢可能係唔敢主動，但後來樓主講返佢嘅行為又唔似喎（同人講想溝樓主，主動約食飯）。我都係勸樓主快啲轉工，如果佢真係如樓主所講因為同公司唔想開始，咁你走先可以有機會發展。否則，如果你有更好前程而為佢躭誤，不值得，我怕你將來會後悔呀。
我就係呢個意思，講得太婉轉
樓主唔試唔心息，咪放手一搏囉！
試左 佢把口話有好既梗你走啦 之後又話最好近返佢 可以見到面 其實佢都諗住會轉工架 我想等佢轉工就問佢 約佢食飯
而家呢間公司 佢做得唔開心 都冇心情講感情事啦