我鍾意飲飲食食又鍾意買嘢、男家女家既節慶活動都係我負責、以前搵到錢、老人小朋友大小禮物有多無少、移民後唔好話關心我哋、連幫手轉寄封公司信都左拖右拖、之後都唔敢搵佢哋幫手、上個月小朋友生日、啱啱黎幾個月朋友同學都未熟、佢好失望連遠方既家人都無表示、寄包薯片都無、其實香港時都無點計較人俾過咩、可以講一直都係我出雞人出鼓油、連聖誕禮物都網購寄返去、而家都幾hurt
人在人情在，係咁
對人無期望就唔會失望
你自己都識講，係你鐘意飲飲食食鐘意買野，又唔係人地要求你做/安排/送etc etc etc
將心機留返響珍惜自己既人身上
你同小朋友講，網上有個不知名古怪姨姨同佢講生日快樂 
34個讚
我從來都唔會期望乜嘢
咁樣會開心啲
3個讚
多謝你先、我都盡力淡化小朋友既失望、有父母愛錫先重要
可能黎到太大轉變、自己又天真一廂情願以為屋企人會唔同啦
2個讚
可能佢哋太忙，一家人，我估你可以直接啲表達想收啲咩？
1個讚
我覺得有啲人真係好唔識做呢啲野
明白你失望
以後都專注自己家庭就夠
一頭霧水
同小朋友講，亦都同自己講，對親人好唔你要求咩回報，對人好時自己開心，已經足夠。
2個讚
大家對已移民嘅家人心態上可以好唔同，
可能當中有妒忌憎恨都唔定。
我反而係唔想麻煩佢哋咁多，我哋走左，老人家要靠其他兄弟姊妹照顧，除非係真係好緊要，一定要寄過來，唔係既話，我都唔想搵佢哋幫手，總覺得係欠左佢哋
12個讚
吓, 唔駛浪費呢啲郵費, 英國咩都有
你對人嘅期望太高
5個讚
我反而調返轉
屋企人移咗民去英國後
好似失咗蹤咁
冇理過我喺香港嘅死活
岩岩移民黎同人未熟者
相信你同小朋友好快識到朋友
始終各有家庭各自忙
也可能如樓上講可能有怨恨又不一定
我都係，之前飲飲食食都係由我負責，而家我走咗冇人搞活動，佢哋都好少聚咗一起了，最難過當然係長輩啦，我都有啲難過，不過呢啲緣份嚟嘅，冇得強求
2個讚
連一句生日快樂都無？
我父母及6299都係講左句生日快樂，無寄啲嘢咩黎。亦都唔想佢地寄，又要買又要寄又唔平運費，我寧願慳返買機會過黎好過！
但佢地係香港時係會買禮物及俾利是個孫～我個佢地好錫個孫嘅
只想記念住以往的comfort zone對移民唔係太好.
移民就係要脫離家人自己獨立開創將來, 唔好期望別人幫自己做他們不想做的事情.
2個讚
只睇自己可以為家人做多少，唔好計家人為你做多少，咁大家都會開心啲
其實都明白樓主感受， 就算妳自己係過份熱心， 但 妳做10次，都其望 其他人都回返一兩次當心意 （吾係講錢， 係講關心）， 我都遇到咁， 所以都幾心淡。
3個讚
好似我細佬， 我移民但都吾應該影響佢探下老豆啦！ 老豆打俾佢問下佢最近點， 佢答「你當我移左民」年幾都吾探下佢， 又吾俾家用。 想話個老豆佢都有份呀！
1個讚
我都好怕熱衷於頻頻搞活動嘅親戚，係要齊齊俾個期佢夾好搞飯聚，想唔去又唔好意思推！
1個讚