一定唔會俾佢，個仔係我嘅。
6個讚
出軌又對你唔好，冇唔離婚嘅理由
（Sorry 頭錯日按太快出左post回樓主…我加長左自己個post
）
你生完小朋友仲有冇做野？
如果冇做野一段時間
交小朋友比娘家照顧
自己揾工、適應下返工生活先
離婚一步一步嚟
同時間離婚、揾工、搬屋、你會頂得好辛苦、我有朋友因為咁搞到抑鬱、男家捉住呢點同佢爭小朋友、所以記得要自己睇返承受能力去做。
同埋我自己睇法係
小朋友由有經濟能力嘅一方照顧會唔會比較合適
如果父母嘅關係唔好，就算再多嘅錢都補償唔到
而且小朋友係有感受，佢會感覺到父母關係好唔好，長期處於緊張、壓力嘅狀態，對小朋友身心發展都唔好，長期壓力之下生活亦會影響腦部發展同情緒
如果你有時做下part time儲下錢，計劃下分開之後嘅生活安排，適時離開而家嘅處境，其實對小朋友都唔係一件壞事
2個讚
咁就點都冇得掹，除非自己忍氣吞聲
之前已經對你唔好，而家同出面果個動左真感情喎，冇得救架喇。
要好好計劃下自己之後條路，有冇一舊錢幫你一開頭渡過未有野做，仲要搵屋，買傢具嘅開支？？
你娘家係咪真係可以幫你湊，然後你去返工？
呢d都係要諗諗嘅。
我有返開工嘅，不過之前係返shift，
而家再搵因為要就小朋友假期就要搵啲放星期六日嘅工，
可能要啲時間搵下。
我都驚自己抑鬱，因為件事真係好困擾我好唔開心。
但我分唔到係一個人出去捱到抑鬱嘅機會大啲，
定留係度對住佢忍落去屈到抑鬱嘅機會大。
不過我諗唔睇醫生就唔會有record 被佢捉到去爭撫養權？
其實父母感情好唔好
冇得扮
小朋友知咩事
2個讚
寄人籬下，一早就唔應生細路啦…
你又搵唔到錢，兩萬係香港好難生活
衰d講，你點都要靠佢。咁咪頂住當同屋主囉。其實好多夫妻感情上都名存實亡又或者分房訓，未至於各有各玩但愛人變親人好普遍。你個情況我會勸你睇開點，當有個免費地方訓。到仔女大個再打算
但你呢個情況，死攬住個仔對大家都冇乜好處，你本身已經搵錢唔多，仲要娘家冇地方你住，又唔知幫唔幫到你湊，你預左係幫唔到你湊多，都冇地方你住又點可能湊到，如果請個工人，一個月人工連雜費都冇左8000，仲要租屋，我當9000，都冇左17000，咁你點生活？一係就忍住個男人先，一係就撇脫d同佢講個仔我唔要你搞掂佢，你先會有返個人生
1個讚
Agree
樓主，呢個男人本身都對你唔好，而家有個仔都仲要出軌，佢根本已經唔愛你
成世人流流長 you deserve better 
勉強同呢個男人一齊，會更加傷害你仔
佢見住自己媽媽唔開心，同埋當佢學爸爸做男人嘅時候會好影響到佢嘅價值觀。
灑脫少少，你要離開現狀，將來先會更加好
喺呢個現狀你冇力改變反而會抑鬱，
跳咗出comfort zone 自己行自己嘅路，反而會舒服啲
香港婦女中心協會都有支援離婚嘅服務，可以問一問意見睇吓
https://womencentre.org.hk/divorcesupport/Zh-hant/
3個讚
其實你講得好啱，但有邊個女人捨得，仲要個男有第二個，再婚都唔會對個仔好
2個讚
我未生之前我都係諗如果我離婚而錯不在我，
我一定自己一個唔帶仔女
生完先發現係冇可能做到
因為真係見住仔女對媽媽嗰種需求，係冇嘢可以彌補到。而世界上最明白仔女嘅都係媽媽，其他人都係差緊啲。真係會唔捨得，同埋真係生完會有個責任感，冇可能走咗去。
6個讚
但現實係佢獨立唔到，冇經濟能力又冇娘家支持，大家一齊訓街架咋
而且我又睇下佢個真愛要做後底乸服侍佢一家，又係唔係堅持到落去
1個讚
為啲咁嘅人而令到自己抑鬱真係好唔抵，離開佢先唔會抑鬱
2個讚
我養貓都係咁，何況bb
1個讚
我身邊有人條佬壞事做盡
佢想離婚架 帶埋條佬上黎娘家攤牌
娘家支持佢離婚 但淨係被佢返黎住幾日
跟住就要走 因為都無地方容納佢同佢個仔
我老公叔仔都勸佢唔要個仔
佢個人又無能力又懶 條件唔好 又無返工
淨身出戶先有生機
個仔被男家 至少有爺爺麻麻照顧
佢當然唔捨得個仔啦
結果宜家扮若無其事甘同條佬繼續一齊
佢老爺奶奶仲換左間大房被佢地 之後話排公屋
都唔知要排到幾時
調返轉諗，你唔同老公離婚，
老公會唔會同你離婚呢？
咁你係咪都要諗同樣問題？
1個讚
唔好委屈自己，真係冇辦法忍受就慢慢一步一步進行，首先搵個地區社工傾下，舒發咗你嘅情緒先。之後諗離婚搬去邊？可唔可以返娘家住？如果自己返工邊個湊小朋友？
小朋友嘅爸爸肯唔肯離？就算肯都要分房訓一年？定你有佢通姦證明？因為家事法庭最簡單嘅係雙方同意兩個一齊去交文件，如果唔係單方面申請要分居（房）一年雙方同意先可以，如果佢唔同意就要分居等2年先可以申請離婚。
其實小朋友越細越早離婚影響會少啲。
我自己小朋友6歲啦，離婚真係唔容易。我都係對方出軌，我知自己永遠都冇辦法再相信佢，亦唔想下半世係佢身邊，已經交咗離婚申請書，等緊下一步對方簽同意書。還好我有份工，有能力養小朋友，我娘家亦支援我，只係為咗小朋友暫時仲係一齊住，但已經分房，平時亦都冇嘢同佢講，因為小朋友乜都唔知，所以見步行步，等小朋友大啲會搬走。
你好好管理下自己情緒，等個人冷靜啲，諗清楚自己想點，離婚條路唔易行，但總好過將自己困係一個唔開心嘅地方，勇敢去面對，你值得更好。
8個讚