有冇人同我一樣，勁咳。
可以點會無甘咳
搵支勁的咳水
真，一飲直接麻痺喉嚨就唔會咳了
感冒黎講, 咳係最難斷尾
早幾個星期就係咁，飲咳水，千祈唔好飲凍嘢，一滴都唔好
1個讚
我都係。
一直有鼻塞塞，有舊痰的感覺，唔斷尾。
飲暖水，唔好飲凍嘢。
要戒下口
定係乾咳？係街到冇啖水飲下真係咳都甩肺
鼻水倒流，食埋收鼻水藥+咳藥水，最好加條大頸巾圍住頸同膊頭保暖，如果冇頸巾係手 ，搓暖隻手暗住喉嚨都可以止一陣咳
鼻水倒流唔一定有大量鼻水鼻涕呻出嚟，好多時係可以冇感覺地係夜晚瞓覺時滴下滴下咁流落喉嚨，第2朝瞓醒就會開始狂咳，咳唔停
1個讚
咳真係幾麻煩。飲咳藥水，食喉糖。
有時間買到料就買 南北杏青欖石黃皮龍脷葉無花果桔餅煲水飲。
我覺得都幾有效因為我小朋友咳親我都會煲。
1個讚
食糖薑，飲薑茶
如果飲湯，加多啲白胡椒粉
燥熱咳ok 
我飲橙樹化痰，停止刺激喉嚨
1個讚
最後睇中醫，食喉糖，介口
多謝大家
好簡單去買啲薑，切片，沖熱水加茶包，已經好有效。另外好好休息三幾日會好好多
我上星期又係，仲要喉嚨痛到飲水都痛，然後鼻塞，嗅覺味覺減弱，真係以為自己中咗COVID，乜都唔係，最後睇左2次醫生，我對上一次咁嚴重，都已經係幾年前
大家都要保重身體
我次次都要咳返一兩個月先好
龍脷葉如果寒咳(夜咳)千萬唔好
中醫話所有葉嘅野有可能反效果
佢話陳皮水會比較好
一年前中COVID，一條線後係咁咳，咳到夜晚瞓唔到。
夜晚要食黃色收鼻水藥，睇咗幾次醫生食氣管敏感藥都無用。
大陸個客教我飲枇杷露，早晚各一次每次一羹，飲咗一樽已經冇咳。
搞一個咳已經搞咗我一個月。
飲陳皮焗水，飲完氣管鬆左，啲痰易啲咳出嚟。
本身咳出嚟嘅痰係透明或者混咗少少白色，但係咳嘅時候感覺係肺嘅好入邊，好sticky好實好難咳出嚟，你哋咪都係咁？