覺得自己好大洗 想知道下大家個人洗費大約每月幾多？淨係計自己 食飯 答車 買衫褲鞋襪 唔計養小朋友 供樓果d
如果唔介意可以講埋你收入幾多
分享時間已過，delete 返。
可能10月無拎，11月拍仲有錢收。
其實任何人既數字對樓主黎講都無參考價值
12個讚
無理解錯嘅話，係回復返$400以上先有，依家好似係$200？
2個讚
咦, 原來係咁, 多謝你提番我, 我仲以為今個月16號無得拎。
sorry 係我搞錯左, delete 番上面個msg 先。
搵幾多錢我就唔講，因為搵幾多自己都係洗3000一個月，呢個係包食飯搭車供保險，食飯係帶飯，間唔中先出去食所以唔使乜錢，搭車就我本身住市區一程車返工，供保險每個月800左右，平時唔會點買野，另外最大支出係去下旅行，一年2到3次，窮遊，每次使費幾千蚊至一萬視乎遠近
保險供好少
因為我好後生就買，保額唔大，同埋只係供人壽，後來先加多個so call cancer option，公司有醫療基本上唔需要買醫保，我個人認為保險唔需要買太多，夠用就得
請教下你點可以用咁少錢。。有時唔會想買野？我發現我食野都食左好多錢 應該要轉帶飯
我行街見到靚衫靚手袋都會好想買，但我會諗我係咪一定要擁有，到底我係想買定要買，買來有乜用，咩場合先會用得著，如果買返來根本冇機會用就係浪費金錢，用呢個思維諗野久而久之物慾會減低，要識分想定需要，另外見到季頭出新衫新鞋新款肯定好多人想即刻買來著，但我永遠唔買正價貨，一定係等季尾月下減價先買，款式係買比較大路唔會點過時，同埋我已經冇買衫褲鞋好耐，只係去旅行覺得好岩心水先買1至2件，買野前要諗下我到底仲有幾多同類型的衫褲飾物，到家品更加唔使講，我係實用型，花巧吸晴嘅我一概唔會買，屋企有需要先買
仲有返工帶飯係慳好多，中午出街食有時食好少少食過100唔係出奇，我當一個星期出去食一餐，頂盡都係幾百，但慳返千幾
4個讚
聽報導港人平均每月三千
貴錶貴袋諗住放二手？近幾年香港食野又貴又難食
basic 使費一定幾千，但買嘢進修旅行娛樂就另計，仲有飲咖啡
喺香港就大使啲，咖啡都過百一杯。喺呢度都冇乜買嘢就窮買
我使都幾多，但全部唔喺自己身上，我鍾意買嘢俾人多過俾自己，例如買靚海味俾父母，買新款電子產品俾仔女，換新款家電，請親戚朋友食好西，以前會買靚袋俾自己，年紀大咗攞唔到重嘢，改用Goyard, 依家用環保袋。
1個讚
講返香港果時
返工坐車 $30
食午飯$40 - $90 不等
weekend出街 $500／日
衫唔係成日買 一個月未必有一次，難計
水電煤 $1000內，當一人一半
家用立立什什，應該$12000 左右掛
我早排特登走去每日計下自己洗幾多，唔計燈油火蠟（一家幾口）
11 月用左 ～$4300，有起碼 $1500 係同朋友去左睇戲睇歌劇同食飯。一張飛都幾百蚊，餐飯又起碼一二百。
我冇乜買衫同袋嘅物慾，睇歌劇同芭蕾舞就真係極度喜歡，黎緊 12 月會啲殺人事件簿同 Nutcracker
見到 Urbtix 開賣藝術節，已經心思思想睇海盜、罪與罰、凱撒，同埋天鵝湖。然後 IG 見到 Sound of Music 都會黎香港又想睇，呢度已經加加埋埋起碼 $2000。
所以平日慳同無物慾係一件好事。我買嘢都係自製嘅早餐（蕃茄仔、胡蘿蔔、麻薯之類）
3個讚
我覺得量入為出
不過我天生孤寒，所以好易處理
我proportion 同你差唔多。
水電煤我完全唔慳，因為日頭屋企冇人，根本冇機會用到，所以1000一定有找，講緊夏天+假日唔出街24小時開冷氣。
最大娛樂可能係睇戲囉，我唔會理有冇discount, 想睇又就腳就睇，不過本身冇乜其他購物慾，睇戲多極都係有限錢
1個讚
多年前sound of music 來香港，雖然同今次唔方係同一批人，但外國月亮可能圓啲，有唔少唱得比電影仲好。
我而家係外國，買左les miserables貴飛，平時慳慳埋埋就係用係呢啲興趣上。
香港nutcracker 我覺得麻麻地，唔知係唔係個場唔夠grand, 所以睇過一次就冇再睇。夢想係去莫斯科睇，但短時間都唔敢去俄羅斯