好多店舖為左整靚自己個招牌而完全唔落街號&街名
有時搵路都好唔方便
要求人不適人士咁樣做時 然後又唔受店舖名
不如又立法一定要每間店整埋街號街名啦
2個讚
有時勁細，都未必睇到啦
我有類似既CASE 我都有D無奈… (長文)
話說, 應該2-3星期前…有一晚, 都幾夜, 我忘記左幾點, maybe 11點? 我泊低架車響街邊錶位, 我留意到前前前面架車地下好多玻璃碎 (因為有一點點反光引起我注意), 果架車個位比我個位暗…其實我有D驚. 我盡量行近少少睇, 原來真係比我估中, 前面對門個窗被爆…
咁我就行返去自己架車, 將所有袋都放晒去車尾箱, 就轉身行返朋友屋企… 但一路行一路覺得… 心唔安樂, 咁我就報警啦… 我企左響街角明亮地方, 打999…
999: (robot) 你好, 現在線路繁忙…balbalbalbalb 要保持鎮定 blalbalbala 如果balbalblalabl 可以致電1823 (我心諗, 如果真係危急就…真係唔該晒)…blablalbal (等左應該1分鐘左右啦) (我聲明我唔係好記得講咩)
999: (真人) 你好, 999報案中心, 請問…
我: 你好, 我剛剛響XXXXXX中學附近泊好架車, 我見到我前前前面架車 blablalba 車嘅顏色 車牌 blablalba blablalba, 麻煩你地派警員過黎睇睇丫
999: 哦… 你講唔講到街名.
我: 下? XXXXXX中學 wo (其實係好出名既中學, 當區警察一定知邊到), 咁, 不如我行返去我泊果個咪錶位睇下個咪錶NO# ,
999: 咪錶無用架, 我地唔知架, 有無燈柱或街名
我: 街名… 我去睇下… (點知好衰唔衰我緊張得濟又諗唔起, 又真係無街道名牌), 燈柱燈柱… (我不自覺咁口UPUP)
999: 咁附近有咩樓宇名
我: XXXXXX中學…囉 (心諗點呀, 吊) , 呀有有有, 燈柱 XX… 嘩, 呀SIR D字粒… 等一陣…XXX…XXXXX
999: 哦好, 等等…呢條街, 等等… (打字聲) 哦, 小姐, 咁既, 你有無時間等埋差人過黎?
我: 無~ 我唔打算, 我趕住返屋企, 好夜喇…而家治安又唔好
999: 哦, 咁… 咁你留低電話同姓名丫
我: X 小姐, 9XXXXXXX, 唔該
999: lbalbalblablalbal (唔記得佢講咩)
收線~
隔左5分鐘左右, 有個警察打電話比我
警察: X小姐, 係咪你報警? (有禮貌既)
我: 係呀
警察: 我地行緊過去, 請問你架車有無車CAM, 想睇下會唔會拍到野?
我: 我係泊低架車先發現前面架車爆玻璃…所以報警… 就算有車CAM都唔關事…(報案中心無同你地講清楚架咩…)
警察: 哦 咁, 明白, 唔該晒BYEBYE
再過10分鐘左右…
警察: X小姐, 係我呀, 警察. 原來呢架車琴晚已經比人爆左玻璃, 佢車頭擋風玻璃夾住左張紙, 有CASE NO# 同埋叫人唔洗再報警. 我地跟緊架喇, 咁你架車係邊架, 有無野放響車上, 如果有最好拎走晒佢喇…balblablalbalbla
我: 哦, 原來係咁, 因為佢個位有D黑, 我唔敢行埋去, 所以我唔知佢擋風玻璃夾住左張紙; 唔該晒你地wo. 我車上面無野架喇, 唔該晒
警察: 係呀 balblablablalbalblablalbalbal 多謝你禁熱心, 晚安
我: BYE (收線)
後記： 咁我又唔明喇明明是主架車都已經報咗案有case number 點解到我報警嘅時候報案中心又好似冇record咁呢
1個讚
中學時期，
對住我間房有支街燈熄左，果個隔離就係後巷，再無埋街燈都睇唔到有無人伏擊。
當年開始有1823，諗住做個熱心市民，打去講支燈熄左，個職員叫我提供街燈號碼，我話又黑又遠睇唔到，我俾地址你得唔得，佢叫我落街睇，我話落街睇唔到因為支燈無腳棟落地而係掛大廈外牆，我講咩街咩門牌佢話無得查。
如是者收線，諗住等朝早睇到先再打，當晚就半夜聽到嗌打劫 
1個讚
不嬲都有法例規定，只係無人去執法
https://orientaldaily.on.cc/cnt/news/20091207/00174_001.html
中學唔係大廈咩？有地標咪得
good to know
咁要嚴正執法喇
有的，以前做鋪有俾人周過，但幾耐先查一次就唔知了
1個讚
我估999中心係自己有個office，未必個call center喺果區架，所以一定問街道比較好，佢哋接完你個call應該就掉返去果區處理
另外999可能無報案編號啲資料，呢啲歸地區負責既多，999主要職責係聽電話及找人去救援
利申，以前做過啲大公司接線生所以知道，喺office既唔識門市既好常見。
2個讚
但999真係緊急，有啲難攪喎
2個讚
我之前都試過係街頭好頭暈，仲要係馬路邊，好彩途人幫我報警，我聽到又係追問街號等資料，個途人叫人幫手搵街號，後尾我應該暈左唔醒。
到醒返見到好多人圍觀幫手，已抱左我係埋少少位置，仲記得有人幾個人去幫手帶白車過黎，其中一個係有私家車，我聽到話係隔離街搵到叫佢過黎，仲話報完街號仲去錯街？
又有街坊話頭先有架白車經過架，仲以為係呢架，點知問完就話唔係叫再等。
2個讚
我覺得。。。或者。。。以現在科技，應該可以做到detect報案人位置，input xxxxxx 中學大概可以反問返報案人係咪呢個呢個location 反客為主
緊急情況，好難真係好冷靜去應變，就好似我咁，明明無咩危險都會無啦啦緊張講唔到位置。。。
Recording 就更加應該做到，只係 case 既filing issue。。。所以唔明點解會唔知已經有人報過警，其實諗返轉頭，事主夾張紙響車頭，大概有好多人報過警 報一次佢就煩一次
我覺得呢d call center又好指揮部都好，真係好應該有呢d 靈活腦袋同sop… 因為佢地係救緊人。。。。
（純粹討論）
咁佢報案中心，一Google學校名都知地址啦
玩野咩
1個讚
已經有，只是無執行。
呢樣野我又試過 同你差唔多架。。。
我果次係響 將軍澳醫生對出巴士站暈低左，其實正常行入醫院唔洗1分鐘
我一對手都拎住好重既野。。。令我成個人好大負荷。。
好在有個女人見我唔對路。。。走埋黎扶住我，如果唔係我應該係後腦落地。 我講左一句 “啊，我要暈喇” 就跌
我只聽到 “呀！幫幫手佢好重” “報警報警！叫白車！佢唔得，失禁” 然後我就暈左
到我醒返時，我係仲響地下上面，個女人真係好好心，佢做左我椅背，攬住我比咁比我“埃”住，但我已經失禁，連我自己都聞到臭味。。。佢都仲身貼身。。。但白車仲未到
女人話：攪錯成20分鐘都未到，不如入去叫人搵擔架枱佢入去啦，好在仲有呼吸
男人：（應該講電話）喂？下，咩位置？將軍澳醫生巴士站呀，攪錯
我又暈過。。。
結果唔知點樣我上左白車。。。我feel到我自己上左車。。。然後轉左一個彎就響將軍澳醫生急證室。。。。。。（係一個彎。。。。。）
1個讚
唔容易請到，尤其是家下移民潮
2個讚
諗起之前有單響醫院門口出事
介意講你上次身體乜事嗎？
唔知呀，心 （動／靜），腦，都做晒掃描
血，肺，咩都做晒
只check到我心跳比正常人慢dd 但都唔會影響禁大。。。
Check唔到咩事
醫生問我當時做緊咩
我話，當時攪緊肚痛，好熱 （當時夏天），但又排隊等緊小巴，個肚就越黎越痛，又唔敢放鬆，驚
然後就開始bill冷汗，眼前開始變雪花到黑晒，耳開始聽唔到野，就暈囉
醫生話。。。可能係我潛意識怕痛，身體自然shutdown, 佢話好多人身體受大傷害就會咁，可能我係特別怕痛。我當時又一直企響到令身體同d血行得更差就直接暈低，醫生叫我無論點都好，見暈就算響街都要訓低，唔好比機會後腦著地。
我回想起，我真係好有好幾次呢d 徵狀
未生bb前都試過一次類似，都係攪肚痛，但當時有得坐低透下。
仲有一次生大仔，大痛時我都有咁既徵狀，不過我當時訓響到。
應該都仲有，只係我唔太記起
1個讚
我試過肚痛標曬冷汗，又未到眼前一黑
你又可能有啲中暑