唔明呀~ 唔明點解禁多youtuber都覺得好用?! 下一個留言開始講用後感
心郁郁去買左呢支 CT 黎試. oh my god 我唔明點解, 溶妝溶到咩咁都話好用?! 究竟有無真心既youtuber…
呢支野, 佢一上臉就好快乾~ 同平時用開既foundation 係唔一樣. 要好快手快腳點點點印印印咁上妝, 如果佢一乾左係…就係乾左~ 分量亦唔可以多一多就出大件事.
我最初以為係我既防曬同佢唔夾先會出事, 但我已經轉用左好幾支防曬結果都一樣, 浮妝溶妝.
D youtuber 竟然話用左6個鐘後浮浮地溶溶地都可以接受? OMG…有一個12個鐘後, 整個妝走晒樣都話OKAY?
我用開Armani, 最近試埋chanel cc cream 再上laura mercier 碎粉都完全無問題, 由7點開始上妝到晚上7點+ 個妝都唔會浮唔會溶. 連補妝都唔需要 (有試過去到10點先開始溶溶地咋)
但呢支CT 照樣上laura mercier 碎粉, SKIN CARE 既step都無變過., 我7點上妝, 中午12點已經發現唔對路… 今日忙得濟無睇自己個樣, OMG, 3點照一照鏡我差D唔認得自己, 眼袋仲出現埋粉痕…
係咪要買埋佢地BA狂推既magic cream先用得好? (好唔明呀)
我已經比左一星期5日既機會佢, 呢5日以黎, 我真係… 救我自己個妝救足5日…
我認我係乾肌, 但總唔會差禁遠掛, 又話stays all days and night… i am so done!!!
P.s. 連190蚊屈臣氏買到嘅 kate BB cream 都好用過佢 起碼 12個鐘 出油出汗 都唔會變科學怪人
oh
我見英國勁多人買，年年xmas連櫃枱都埋唔到。重諗住做完 sales後，唔使搶咁，先去買黎試下
而家可以慳返
咁去試下PENHALIGON’S先
你去youtube 睇下d 香港youtuber既片。。。
可能我要求高啦，我真係睇到佢地6hrs+ 既妝
唔ok 囉
我自己都唔會好似 youtuber 成 set咁用，陣間配合唔到就唔好了
不過附近兩個商場counter xmas都勁多後生女買, 初初我以為唔使錢 
well, 香港人同英國人對產品質量要求不同。我都係跟返香港人 (非 youtuber) comment
今日寫呢篇用後感真係有啲激動
咁大個品牌 咁多網紅推介 竟然個結果係差成咁 嘥咗我幾百蚊
1個讚
我已經一般對多後生女買嘅嘢冇興趣，但冇見其他counter牌子會咁激動地咁多人。
成3年都係咁，先諗住試下
又咁講佢嘅遮瑕能力同埋 上咗妝之後冇負擔感 係的確好ok
我最初用 頭嗰幾個鐘 都覺得好讚嘆
但係一到中午我就開始崩潰 中午過後係 成塊面都係 瑕疵 
可能呢個品牌唔啱亞洲人啩。。。。。。。。
有機會係太薄唔夠，Jane Iredale我都係咁
甘可能香港天氣熱
日本牌子真係冇得輸，而且亦唔會重負擔
我買左佢個粉餅，不過未試。又係見啲人話好用。
係咪廣告成份多，呃左你
？
都好既，你用左幾百蚊分享左比我哋
我哋慳返幾百
2個讚
韓國都ok
我用緊一個氣墊粉底覺得幾好，韓國的
TifTif
貼、薄，真係0負擔
粉餅。。。呀BA係咁叫我買，但我個人比較鍾意用碎粉所以無入手。
乾粉好難唔好用
。。。一掃開d粉夠唔夠幼細就估到7，8成，我掃過下CT個粉餅應該好用。
我用緊Armani 定妝粉餅都好用，不過我都係帶去旅行用既多，因為碎粉帶出街係有d麻煩。。。。
總之。。今次入手CT呢支foundation 真係好失望，剛剛照下鏡。。。好似額頭仲有出粒粒，但又唔係暗瘡。。。都唔知想點 （呢樣野我見都有2個youtuber講過）。。。真係想再比機會佢都難。。。
打你
1個讚
同意，好易溶，個妝唔襟
我都有Armani，襟D，但放工都溶溶地，可能我太乾太多面油
下次想試吓estee Lauder double wear
1個讚
暫時我覺得Estes Lauder係最long lasting, 氧化唔嚴重。
我油性皮膚，到收工時即使已甩，但已係眾多牌子甩得最少。
不過妝感好勁（因為夠coverage)，香港夏天會覺得幾辛苦，但我慣左就唔覺
As a marketer 嘅角度講，9成youtuber都係收到sample，收錢講product。
我哋而家好多時做promotion budget, 有一舊錢係留俾KOL/youtuber
2個讚
我乾性，乾到出油會浮起D粉
用完Armani就會試Estee Lauder，多謝你嘅分享
我都明。。為左廣告費
所以睇住佢地6hrs+自己個妝開始浮都話遠睇都ok丫
連自己都呃埋。。。
如果化妝只可以last 6個鐘都接受，咁不如唔好化啦
有一個自稱大愛CT 上妝12個鐘後，甩到咩咁都話算係咁。。。。我好想留言問佢，係唔係用過其他大品牌，知唔知咩叫持久。。。。。
我有2包仔sample, 拎黎試下先
Ysl我都有2包sample未用