小朋友開戶口問題

自由講場
1

請問小朋友讀初中, 想幫佢開銀行戶口, 請問邊間好? 請問如果小朋友冇差餉電費單證明住址, 咁可以帶咩去做住址證明呢? 會唔會開提款card比佢?

thank you :pray: :blush:

2

我仔15歲時開HSBC，係有提款咭！當時係我帶佢去，而我自己本身有戶口，有帶埋出世紙及我住址證明，但就唔記得職員有冇要求過睇，肯定嘅係冇要求呀仔出示任何住址證明，反而我要簽一份聲明之類文件。

2個讚
3

me too 我囡都係咁上下年紀時間開戶.

1個讚
4

搭單問下 甘如果bb時想幫佢開戶口儲利是錢呢

5

我大仔16歲開HSBC, 有ETC 卡, 只需要有家長一齊去做證明就可以, 帶出世紙COPY, 如果家長已經係HSBC 客戶就仲快手~ 呀仔手提DOWNLOAD HSBC ONE APP, 就可以正常FUNCTION到, 連外幣買賣都可以, 只係STOCK MARKET 用唔到

細仔, 14歲響BOC 開戶, 有ETC卡, 要有家長一齊去做證明就可以, 一定要正本帶出世紙, 手抸DOWNLOAD BOC APP, 但咩都用唔到基本上只可以睇BANK BALANCE.

我理解係16歲以下, 有ETC卡, 但限制好多16歲以上就同成人戶口差不多

1個讚
6

好詳細 :+1:
唔該晒 :blush:

7

好的, 唔該晒 :pray: :smile:

8

順便講埋 匯豐完全 冇最低存款要求

但係中銀有 18歲之前冇存款最低要求 但係18歲就需要每個月 平均 都要有 最少 一萬蚊 如果唔係會有手續費

9

我向渣打開咗個兒童戶口儲利是錢，18歲前由家長管理，18歲後就會比番小朋友自己管理

但其實只係個普通儲蓄戶口仲要冇息收，而家咁高息放啲錢向度好唔抵，所以最後都係將啲錢拎咗去做定期，當係幫小朋友做保本投資

3個讚
10

通常係由一個家長做代理人，戶口掛嗰個名係BB嘅，但其實係屬於嗰位家長，簽名攞錢都係，所以帶開戶文件，你就當係自己去開戶但加埋張出世紙就係，你甚至唔洗帶埋BB去都得！到BB大個之後改返自己名或者取消再另開一個真係屬於佢戶口，不過小朋友戶口只能收支現金，唔可以入支票！

以前有D銀行係可以家長同BB一齊開聯名，但只有家長簽名，唔知而家仲有冇。如果咁樣，就可以入家長名嘅支票，唔可以入bb名嘅支票！

如果你真係想開兒童戶口，通常農暦新年前銀行都有D古靈精怪優惠，唔急又冇所謂邊間的話，可以等多陣！

1個讚
11

我當年都係咁，仲試過抽三年期政府債券，到我女足18歲，佢又用返嗰舊錢自已走去抽債券:sweat_smile:

1個讚
12

嘩~~~無息收咁狗?!

13

謝謝, 請問小朋友戶口可以做定期嗎?

14

兒童戶口係連住我個戶口，我用網上理財可以將入面啲錢轉去我戶口，再用我戶口做定期

15

該主題在最後一個回覆創建後180天后自動關閉。不再允許新的回覆。