大埔吐露港公路發生交通意外，據了解一輛私家車今午（26日）約2時44分駛至吐露港公路近新峰花園禦峰豪園對開時，懷疑失控「自炒」，車上一名嬰兒及一名女傭飛出車外。救援人員接報趕至，尋回該名僅8個月大的手抱男嬰，幸仍清醒，與車上另外4名成人均受傷，當中一名女外傭一度暈倒，其後回復清醒，各人由在場救護員初步治理後，嬰兒、母親與一名女外傭被送到威爾斯親王醫院救治，另一男外傭送大埔那打素醫院治理，男司機則毋須送院。
現場消息稱，事發私家車當時載著一名53歲男司機、其妻子、男嬰及兩名外傭，嬰兒在車上時是由其中一名坐在後座的女外傭手抱，私家車在行駛期間懷疑失控撞壆，再駛前約100米始停下，過車中車門打開，一名外傭與嬰兒意外飛出車外，嬰兒跌於花槽，女傭則倒臥路面。私家車車內倒後鏡掛有一個「安全禦守」，意外後車頭擋風玻璃破裂、泵把甩脫，安全氣袋彈出，車內一片淩亂；車外遺下一隻鞋、染血的布及一些雜物。據了解，警方會重點調查事發時是否有人未佩戴安全帶，以及車門為何會打開。
意外後男司機與妻子均感胸口痛不適，男嬰頭及手臂受傷，一名女傭頭及手受傷，另一男外傭則感到頭暈。據記者在醫院所見，女外傭血流披面，需以頭箍固定頭部，並戴上氧氣罩協助呼吸；嬰兒則戴上頸箍，並由救護員以工具將其全身包裹，以防嬰兒郁動時會加劇傷勢。
香港都有一定要用car seat?
點解唔用car seat? 有初生car seat, 就算有工人都唔係咁抱住吖！
個BB真係超大命囉！
咁多年睇咁多新聞，通常飛得出車外都……
希望執返身彩以後要加倍小心，希望提醒到其他抱僥倖心態嘅駕駛人士。
4個讚
幼兒唔坐car seat就唔好出去啦。其實坐的士都唔好，不過坐的士法例係括免嘅……
可能貪方便諗住好短程就抱住
其實有時我湊b搭Uber都好驚 
我估因為後面坐咗兩個大人，所以將car seat 臨時拆咗。
吐露港公路短極都 2-3 km 先有下一個路口掛，唔會太短程，的士都會跳錶
認真請教
如果坐的士或者Uber，好細嘅小朋友應該點樣嘅姿勢最安全
如果好細個，我點都會帶埋個car seat出去坐車，有d款係car seat同stroller 2合1或者可以組合，熟手固定car seat只需要1-2分鐘
自己揸車，我一定用car seat。聽過好多人用藉口話bb 唔坐，扭計，喊…諸如此類。
我嘅小朋友由滿月開始，一定放car seat，其實bb由一開始已經習慣咗有專用位，唔會扭計唔肯坐。我好多時係一個人車小朋友出出入入，細個時會放定公仔俾佢玩，坐到小學都仲有用car seat。
其實外國係法例規定用car seat，邊有聽過話外國小朋友扭計唔肯坐。要出街就要坐car seat，no exception。
4個讚
正確
我識啲細路，2歲3歲話想出街會自己去幫手拎car seat
由細到大理所當然又點會唔肯
我淨係知BB/小朋友係carseat扭計同喊, 係唔會死同受傷,
而乖乖地坐普通後座, 一出事就一世
呢個真係幾奇蹟, 仲要BB同女傭兩個都無事!
car seat 都要固定響車上先有用, 但宜家連個工人都飛埋出去 