真係冇心情，今日一直保持距離前後腳行。我有諗過改機票，但因為經旅行社買，問航空公司又話要搵旅行社，但旅行社買時講過如果要改通知航空公司就得。諗起就煩，又要打長途電話去搞，我諗緊今晚好唔好去reception book多間房，但又要駛幾千蚊…
我覺得你好需要人哋肯定佢哋錯，佢哋應該/唔應該做咩。
其實就算佢哋真係好pk、又唔道歉，你唔會改變到，你要改變自己嘅心態同生活模式去避開佢哋。都係保護自己嘅方法，而唔係發生問題不知所措。
6個讚
唔係要人肯定，係要人點醒佢地，話佢地知d行為係錯，佢地兩個依家係互相撐對方，唔覺得自己有問題。
至於不知所措，你唔係我你唔會明，遭遇到呢d情況既心情。同埋平時我已經有疏遠左，佢約出黎食飯我都話唔去，就算碰面都盡快走。今次旅行係自己好想去既一個trip，覺得只要我做足準備就唔會有事情發生，點知都係會
你唔可以要求人哋點做，無論係你家姐、家人、朋友。世界唔會有一個人樣樣順住你要求做嘢，就如呢到係討論區，啱聽唔啱聽都好，唔係所有留言都一定合你心意。
所以你要改變自己心態，點去面對佢哋，我上面講咗，將來逃避佢哋，如果你根本唔需要依賴佢哋生活，其實可以唔聯絡。
10個讚
同意，改變唔到對方就改變自己嘅選擇，點解本身關係唔好都非要同佢地去旅行，發生完咁嘅事又勉強自己繼續同佢地玩
2個讚
個人認為樓上網友有佢既道理, 佢認為你應該保護自己同避開有問題既兩個家姐。
如果要徹底反面, 又唔再同呢d 家人聯絡, 的確好難, 但係唔係做唔到, 只係爭在有幾大決心。
我識人真係同成家反晒面搬走左, 但貪財父親繼續騷擾佢叫佢俾家用。朋友都念親情, 本來都唔想玩到完全反晒面, 但後來真係忍無可忍, 就搬屋、改電話、轉工, 乜都做晒。宜家終於唔需要再怕俾家人騷擾, 有自己既家庭, 有新既人生。
你上面都有講, 你地以前已經試過嗌交, 但係過左一段時間, 就會不了了之。可能你厚道所以"原諒"左佢地, 之後又過一段時間, 又嗌交, 咁樣無限重複都只會令你繼續唔開心。
而你兩位家姐, 見到你次次都自動"原諒"佢地, 更加唔會覺得需要對你好d, 俾你所想要既"尊重"俾你, 佢地亦只會覺得你口中既"遷就"係老馮, 係必然
呢個就係睇你決心有幾大。如果你真係覺得擺脫兩個家姐係你首要想做既事, 你自然會有方法改機票, 或者擺脫佢地, 自己去玩埋果幾日。
但如果你都唔想再花錢去book 第二間房, 咁可能你心目中覺得錢係比較重要既考慮, 即使家姐乞人憎都可以忍落去?
我上面都有講我得返呢兩個親人，做唔到斷絕來往，已經盡我能力疏遠去保護自己
我從來冇要求過你或者佢地要點做點做，我從來都千就甚至妥協o個個。我只係想得到返d尊重
咁佢哋係咁衰格咁pk 唔尊重你，如果佢哋呢一世都唔尊重你，咁你可以點丫？
上網求救？呻？解唔解決到問題？
1個讚
錢都係我考量問題，個人原因。依家我係唔想再火上加油，所以我都係忍。如果我話book左另一間房，驚佢地又發癲迫我“講心事”。
我好肯定佢地態度繼續依舊，我都係疏遠遇到就會呻會忍，你話我調節唔到心態都好，我就係會upset，冇辦法。只係今次完全係another level，郁手郁腳已經大家自成人後冇發生過，所以好shock。btw，多謝你花時間睇我d字，就算觀點角度唔同都好，thx!
你都唔弱遮 
睇曬覺得2邊有d打和 
2個讚
求生本能，一對二，仲要佢地郁手先，我只係保護自己
係咪寫緊長篇小說?
3個讚
多謝收看
Plan 左下月去，請問一下，2個行程是同一天去的嗎？如何搭車過去
分兩日去，一日去唔晒，因為d景點要靠搭巴士去，租單車好d。我買左東京廣域周遊券，3日內任搭富士回遊，JR線列車等等，同NEX。
我睇文字覺得你兩個家姐係想關心你，可惜佢哋唔理解特別的你，而你又拒絕解釋俾佢哋知，反而令到佢哋好炆憎，於是引發到暴力
7個讚
我都覺得係咁
如果結左婚，仲同細妹去旅行，但感情又唔係好
點解釋
可能家姐勉強將自己覺得好既野強加係呀妹
身上，例如覺得呀妹自己去旅行好孤獨。
如果覺得唔舒服，但又講極佢地都唔明，
不如試下寫信俾兩個家姐，寫信俾人既感覺
認真好多，而你寫時亦可反覆思量怎麼表達。
從你要反覆睇Google map 睇地圖，感覺你不
只是認真準備，更加覺得你面前家姐們好大
壓力，好注重家姐的反應。好好寫一封信講出你
對家姐的看法，試試吧
就算搵唔到路都
係旅行的樂趣，即使旅行吵架我也覺得是旅行樂
趣，事後想起真的覺得很好笑。
2個讚
你二家姐都幾大力喎，可以徒手捉你對腳倒吊又唔會跌死你。
有可能係佢想像出黎，唔係親身經歷被想像都好難相信。最近我都被人想像成監視佢、唔信佢，救命
如果精神有問題，真係應正視同面對，去睇醫生啦！
2個讚