我係佢哋都唔會出嚟啦，三更半夜，又唔知你響邊度，問你又唔講
1個讚
我已經返左房仲著燈，見佢兩個响床各自坐响度假眠，我熄燈上床訓，我會照跟原定行程，睇下點。因為機票旅行社出，問左航空公司要問旅行社，但當初book機票時旅行社話改機票問返航空公司，所以要搞一輪好煩。
我頭先d post發洩下，個人又亂，人在異鄉想搵個人傾下，頭先真係好驚，未試過咁樣比兩個人捉實烤問
我得佢地兩個親人，咩人都冇啦…
唔好介意，我估你性格會唔會係比較獨特唔鍾意合羣？ 如果重親情，咁咪將就下，反正都係幾日姐，下次自己再去想去嘅地方
3個讚
其實如果佢地對你咁差，點解唔疏遠佢地？做乜一齊旅行貼錢買難受？
我都有個唔喜歡嘅家姐，超過兩年冇聯絡，感覺多好又自由
6個讚
其實平時佢地都咁, 就唔應該比佢地一齊去,
而家唔好理佢地咁多, 我建議分開玩分開食,
佢地要 shopping 由得佢去飽, 你自己跟自
己行程, 晚上各自返酒店就係. 同埋同地講
我講完咩事你地都一樣當無事發生亦都唔會
理我, 我仲咩要講你地聽, 仲話係係我家姐,
講左出黎你地都唔會幫我有咩用, 之後既行
程你地自己攪掂, 我會跟番我自己想去既地方
我黎日本係去我想去既地方唔係 shopping,
各自各玩比較好.
4個讚
是否去旅行都是被迫?
1個讚
今日佢地都有問我要唔要呢樣o個樣，著夠衫未等，我都係冷淡保持距離。我本身有情緒病，佢地成日迫我講晒d感受出黎，然後再“幫”我，但無論件事係點，佢地最終都會歸咎我個病，已經標籤左我，最終都係火上加油，佢地背後又會議論我，所以我唔再講，保護自己。
我同佢地關係時好時壞，但越黎越疏，本身我話自己去，但大家姐話同我一齊去，二家姐又話要join埋，但我仲暗地嬲緊佢，廢事又嘈就唯有一齊去，今次導火線都係佢，所以我先爆左
2個讚
明白, 啱呀冷處理佢地就好. 佢地唔識同你相處
仲要用咁暴力既手法, 關係就點都唔會好, 就當
佢地係同住既人就算. 兄弟姊妹既嘢有今生無來
世, 十隻手指有長短, 唔一定個個都感情好.
如果佢地今日仲係咁 shopping 你就唔好理佢地,
話同佢地講我要去邊度玩, 你地自己行街今晚酒
店見唔好理佢地.
2個讚
多謝你安慰，要頂到星期三先返香港，唉！回想返佢地既暴力，當我還拖咬佢手時，佢仲鼓勵我發洩晒d情緒出黎，真係痴線，呢d唔係發洩，係反抗。佢地覺得自己係救世主咁。
我地唔係一齊住，佢地結左婚，我一個住，平時好少見，已經疏遠左見少左。
1個讚
Sorry, 我只係覺得你地在房內打架，有冇嘈到附近的人！
既然去果個幾日旅行就忍埋去，返香港先解決個問題！
我冇出過聲，佢地就係迫我出聲，所以唔存在吵架
其實佢哋會唔會係關心你但用錯方法？因為我覺得佢哋唔係驚你自己一個去旅行會搞唔掂/孤獨先話一齊去。你逆地而處諗下，如果佢哋同你關係唔好，自己兩個去旅行仲好啦，又已經結咗婚，除非你話係你請姐。
仲要俾你咬但仲鼓勵你喎。
其實我一睇你回覆，我都覺得你情緒唔穩定，你自己走咗去唔講去邊但又期望人哋黎搵你，日本咁大點搵？係香港落街搵都未必搵到啦。
12個讚
呢點係矛盾, 可能事出突然, 佢逃走之後又好無助, 所以好混亂, 之後就希望家姐搵番佢, 就可以扮無事繼續個旅行?
我唔理之前三姊妹關係點樣啦, 或者係咪有人用錯方法去表達關心, 但如果樓主所言屬實, 淨係咁樣既暴力行為都有問題啦。
樓主, 如果我係你, 應該會無晒心情玩落去喇。俾左錢係好肉赤, 但我應該會直接改機票提早自己番香港算
2個讚
呢點同意，如果係真係只得一方暴力好有問題。
同日本酒店有碌架床架咩？我真心唔知。如果係hostel又應該有其他人？
佢哋兩個係咪都有病㗎？我冇乜聽過有女人咁樣暴力對個姊妹
2個讚
有時係會約我出黎或者一齊去某d地方，但基本上每次都黑面或者最後發我脾氣，要我就返佢轉頭，所以今次旅行我亦都預左，佢地對住我比對其他冇耐性。
今個trip 我做左好多資料搜集，我真係10年唔去一次旅行，佢地仲去日本密過我，但係佢地咩都唔知唔理，我為免佢又黑面發脾氣，我已經有晒行程比佢地睇，搭咩車，每個地點我自己用google map行一次先，廢事中途要搵路佢地會忟。
我預左佢地會shopping，佢地亦強調旅行唔想趕行程。OK，咁我自己d行程景點一路推後囉！我最嬲覺得委屈係我陪左佢地成日shopping，long lunch 兩個鐘，但我想去既景點一係走馬看花，一係已經到夜晚，係咁話去呢度做咩o個度有咩睇。點解唔可以陪返我行一兩個鐘？同埋你既然冇興趣，咁我當初plan行程你唔一早講？
我陪佢地行左成日腰痛腳痛，要買鎮痛貼貼住訓覺，再諗返我之前點小心翼翼做好資料搜集想佢地唔好黑面抱怨，但到最後都係咁既結果咪喊囉！點解要話我depression所以情緒唔穩定？所有事情都要同我個病有關？將個責任推比我？歧視
由佢地倒吊我時我就知佢地已經唔冷靜，所以我想走，但佢地連走都唔比，四隻手禁住我雙腳，我真係驚，想搵人救我，打999，佢地連電話都搶我。PS: 係我咬大家姐隻手之後，二家姐捉住我倒吊半個人出去，點解我要咬人？因為大家姐head lock我個頭，將我個推埋去床邊cool住我個頭，我嬲左就掙扎然後咬佢
想佢地搵我既意思係既然whatsapp我冇覆佢，佢都可以打個電話比我問我响邊，或者落樓下lobby搵下我，但我唔覺得佢地緊張，我著住短䄂睡衣出去，東京夜晚得幾度
我住間酒店有，3人房，下面兩張上面一張，搵左好多間酒店得呢間有
我成家都係咁對我架，細個時老豆叉我頸威脅要殺左我，依家到呢兩個，我成日覺得我有depression有大半原因都係因為屋企
呢件事我仲要冇長輩或者親戚可以搵幫我評理話佢地，大家姐head lock我個頭，二家姐倒吊我出去，呢d唔會有人知…我同d親戚唔熟。我响佢地心目中係好worthless既人，唔會得到尊重，佢地會表達關心，但只在於著夠衫未返到屋企未呢d，情緒上支持冇，只會講我唔應該咁諗點點點，聽到呢d好無助。只會用把口講
1個讚
係，佢地只要講句sorry我都下左半啖氣，但佢地一如既往地冇。行程忽略左我既，暴力對待都冇。