小朋友細個果陣，一齊去旅行係因為我想去
因為冇人幫手所以一定會帶埋佢去
我覺得唔好用「爸爸媽媽帶你去旅行」嘅角度去諗，而係「我地一家人一齊開開心心去旅行」行程都唔係圍繞住小朋友，大家想去的景點都會去。
7個讚
認同。日常生活都應該咁，小朋友係家庭一份子，但唔係中心，一家人個個平等。
7個讚
我又覺得我哋細個果陣旅行喺奢侈，呢傢短途嚟講其實算係平民活動，豐儉由人
即係好似我哋上一代生日先有得食雞脾咁、呢傢窮到貼地都可以去佳寶買急凍脾
1個讚
我覺得可以疏啲，有啲期待去會開心啲
1個讚
好認同樓上講，按返自己經濟水平去生活，間中奢侈消費就儲下錢，唔係充大頭就得
其實唔使諗小朋友會唔會珍惜. 佢遲早會畢業. 之後要玩要買用佢自己錢. 就算細個唔珍惜, 大個都一定識
1個讚
其實係，由細到大屋企可以滿足到我既佢哋都會做。到大個出嚟做嘢就會知道要維持父母既生活質素自己就要努力。
同女仔見識多啲，無咁易俾人呃。
4個讚
我見身邊由細比屋企錫到大嘅，大個同父母關係都好好，會覺得呢傢我有能力，會錫返父母。
同埋佢哋待人接物、簡男朋友眼光都唔差。
1個讚
見識係成個package嚟
同意，有被愛過既人都識點去愛人。
1個讚
呢個認同，所以女仔要貴養，要俾佢知咩叫做對自己好
睇到呢句真係認唔住留言，自己父母由細到大開口埋口都係錢，所以出身後除了錢外即係俾家用外同佢地幾乎零交流
1個讚
離題離到呢但大家都講得好
我個theory係女仔唔好咁保護，比佢拍多啲拖佢會識揀個好嘅嫁，小妹
實例，我以前啲客：一個乖乖女呵護備至，Year2比人搞大個肚；guai啲嘅通常多仔，但到咁上下修心養性嫁個好男人幸福快樂
guai唔係指郁啲被搞大個肚嗰隻，係曳曳地成日識男仔嗰隻
講得非常啱
我nephew就係例子，佢阿媽鍾意帶佢周圍去玩，佢就由細去旅行去到大
到佢讀中學，有一次佢阿媽訂機票因為機位問題就訂咗一家都坐business，都係飛短程唔算好貴就坐一次，之後再去旅行（去英國），佢同佢阿媽講唔坐business唔去，比佢阿媽鬧到飛起
啲細路真係冇概念去旅行用幾多錢，覺得父母識印銀紙咁，同埋會識得得寸進尺，所以樓上有人講就唔好咁易滿足小朋友都有道理
但又咁講，去旅行又真係見識會多咗，個世界咁大唔出去睇吓會變井底之蛙，所以點樣拿捏都真係要考牌先掂
1個讚
Haha 係離題, 不過我都好開心原來開呢個話題大家有回響同共鳴, 又或者有唔同相關嘅野分享
3個讚
會搞到小朋友自卑，父母成日將"冇錢"掛嘴邊，成日提住要慳d洗，真係會令貧窮思想刻入dna。
我其實認同樓上有會員話唔洗專登豪俾小朋友/專登慳d令小朋友珍惜，照正常大人洗錢模式，教仔女錢係得咁多要取捨。
至於搭飛機去旅行，我覺得時代唔同，我地以前細個就話搭一次飛機好大件事，而家有好多廉航，真係豐儉由人。如果俾到既我都會盡俾，小朋友都參與一齊plan 行程其實成件事好溫馨，再大d佢地都未必想跟父母去旅行喇。
我就係果個自卑既人，童年簡直係惡夢嚟，見到有冷氣巴士都唔敢上，阿媽真係會為一個幾毫鬧足幾個鐘
唔好意思搞到離晒題，但家庭開支點分配外，父母適當引導同陪伴都好重要，而家d小朋友太聰明，早少少教理財同計劃相信都係好事嚟
非常同意
早啲拍拖早啲失戀，咁先會早啲認清楚咩男仔先為之真心對佢地好
1個讚
呢個真到唔真 抱歉又離哂題 但好想覆
我自己同身邊的人又係人板…
我雖然出黎做野先拍拖 同初戀分手後
有過幾段好短的關係 因為知道唔適合 快速斬纜
唔似之前浪費時間 之後遇到先生
拍得多真係知咩叫好
我身邊有人27歲先初戀 被人旅行搞大肚 奉子承婚
個老公叫雞借錢破產樣樣齊 娘家講明唔被佢搬返黎
宜家仲同緊條佬一齊 話要排公屋
1個讚