原來係甘…唉 童年缺失真係要一世去彌補
1個讚
我囡未夠一歲 陀緊同生左個半年好癲
係甘買野 返左工 加埋囡囡之前有濕疹
個日冷靜左 開始無買甘多野
兩個主題樂園我都冇買過年票，亦唔常同阿女去。原因係唔想將咁貴入場券嘅公園，當成日常垂手可得嘅嘢。我哋只會響特別日子或大家achieve到某啲目標時去慶祝。
6個讚
我本身物慾低，買嘢會諗有冇位放或者買衫諗下要唔要手洗，不過我小朋友出世買得最多就係佢嘅衫，但都比一般家庭買得少，因為我唔介意用二手
3個讚
我都係用二手，最恐怖係二手嘢多到擺唔晒
啲朋友仔女大少少，係咁想比衫呀用品呀玩具呀書呀我，多到要推
玩具有時自己見到好得意會忍唔住買少少，但發現阿仔都係中意玩垃圾，或者人哋比嗰啲
好鍾意你最後果句 
講得好呀!
我好唔鍾意果種"人有我有"既感覺, 唔想小朋友覺得呢d 物質享受係必然既事
但對於呢代小朋友, 去主題公園同去旅行, 幾歲已經好常見
4個讚
好認同甘樣的理念
咩都太易得到 個人變到無甘易滿足
我自己係人板 細個阿媽物質滿足得幾好
大個理財呀之類都好差…
所以到我宜家有個囡 我都覺得要被個目標佢
而唔係好容易就可以得到 希望佢唔好似曾經的我甘
1個讚
用物質餵大好容易，比錢就搞掂，但咁唔係正確價值觀
4個讚
同食老麥一樣咁閒，甚至去到唔想去
2個讚
對於旅行呢樣野係有d struggling，帶佢去又會覺得太易得到，變左不懂珍惜，下下限住唔去又限制左小朋友嘅見識
3個讚
自己睇餸食飯架咋
講緊係有能力嘅時間應唔應該去，冇能力就咩都唔使諗，唔去
我哋上一代搭飛機機會少，我哋出嚟做嘢有d 閒錢就去旅行，香港工作壓力大，一有假期就飛去唞氣，有細路唔帶佢哋去又俾人話唔負責任，變相佢哋飛嘅機會都多咗。
我捨得花費同佢哋出街/出國玩，無論洗錢或唔洗錢，係親子回憶，自己喺其他地方慳d 洗。
1個讚
如果你係小朋友，你父母有能力，你想唔想去？
我好認同呢個講法，我細個嘅時候父母帶我同細佬搭過幾次飛機，我到而家印象都非常深刻。時光係唔可以倒流，呢啲回憶永遠係心中 
1個讚
比我當然想啦，但有人提出左唔應該俾佢地太易得到，會唔珍惜，又幾有道理
細個唔係咁易去旅行，大左我真係會好珍惜每次去玩嘅機會
1個讚
咁細都帶去旅行都係為左呢樣，其實小朋友可能唔太記得，但我會好記得
小朋友如果年紀細，未必知去樓下公園同出國旅行個cost有幾大分別。我通常一年會去兩次旅行，一近一遠，每次都會有mission比個女，等佢有參與感，maximise 旅行嘅value
1個讚
呢d 回憶唔止俾小朋友，仲有父母，都一樣珍貴。
我諗呢度唔會有人有錢到佢哋想去就去卦，起碼我屋企afford 唔到，但暑假或其他假期都會安排d 特別節目，公園就平時weekend 都去到。
我選擇同佢哋去旅行，就會喺其他地方到cut 咗d 使費，有解釋佢哋知，比喻玩具我平時極少買，通常d 嘢係有需要買，仲要減價時買，唔係想買就買。
不過人人家庭嘅理財觀念都唔同。
4個讚
我做法係小朋友生活指數(衣食住行, 活動節目, 旅行等)跟大人, 唔會刻意揀貴或平或避開. 但會教佢應使則使, 同埋畀佢知道佢的生活已比大部份人多姿多彩. 同時間佢work and play都好平衡, 唔會只顧玩唔學嘢.
3個讚