次次返去食飯由屋企出發都要來回3個鐘車程，
仲要成8/9點先食飯，
叫佢早啲煮飯佢又唔肯要就佢自己時間
明明佢就無返工無野做
就算放完工再返去食都好鬼死遠
最重要佢阿媽煮野又唔好食，
唔想食又逼人食多啲⋯⋯⋯
仲要佢阿媽講野勁直接，
之前去旅行買左啲手信俾佢，
多謝都無句就話唔鐘意食甜野⋯⋯
出街我覺得曬咪開遮
佢又同佢個仔講曬下太陽健康啊⋯⋯
仲要佢叫佢個仔早啲訓放低啲家務
其實佢個仔掛住睇youtube先夜訓⋯⋯
就係平時好多相處問題，
搞到唔係好想返去對住佢地，
我都有建議話可以係中間點食飯，
唔洗車程咁長
佢阿媽又話出去食好貴⋯⋯⋯
我唔返去食我老公又俾說話我聽⋯
但我真係覺得佢阿媽好煩，
做咩佢都唔啱心水。
同佢個仔講
唔想返就話唔舒服、谷m,、嚟m、m完頭暈、去少一兩次都好
咁調轉你老公都成日同娘家食？其實唔夾既大家各自同屋企食咪算囉，講咩說話啫，唔去咪唔去囉！
萬一你老公提議搬近你奶奶道，或將你奶奶搬近d，咁…
淨係來回3小時都已經係好大藉口
就話「唔舒服，要早休息」
跟住一直唔去，或者淨係星期五去
個頻率係幾多先？一星期一次/一個月一次？
就到咪就，佢請野唔岩聽咪當佢係老細發up瘋，應酬下。
話唔舒服，肚痛，頭痛，次後十次出現兩三次…完全唔去就真係難啲…減少次數啦
我以前為咗唔去食，特登報course返學，大條道理唔去食
提議話出街食，起碼有啖好食先
唔返，佢自己返。我返一次奶奶度佢都要返一次娘家度，仲要啲時間補返，例如娘家近一小時你就點佢做嘢多一小時
你老公真係唔識做。有冇同老公嘈過？
以前一個星期一次，
後尾見得多俾佢成日哦得多就唔想返。
但大時大節都有返
佢真係好唔識做，
一味話咁你以後係咪都唔返去食
⋯⋯
發晒脾氣⋯⋯