小朋友小三，喺尤德夫人評估出嚟嘅結果係輕微
之後睇咗私家精神科醫生，有開過專注力不足嘅藥
小朋友食完之後個人無咩食慾，有時仲作嘔，所以就無俾小朋友再食
不過心裡好忐忑，食左又好似會好d，但長期食又好似唔好
大家點睇？有冇家長可以分享下經驗
食咗藥有副作用點解唔打電話去診所問下可以點做？政府睇咗話唔洗食藥定點？
我小朋友都比班主任懷疑過，我明白你感受。
有啊！小朋友食左藥多年了，小一就發現，因為遊雲得嚴重，佢話佢自己不由自由分心去左外太空。
初時要試藥，食一，兩星期，如果副作用不用接受或者對病情無幫助就轉食新藥。
之後食到一種夾佢就一直食， 食藥係令佢集中啲學下規矩同知識，人大左就可以不再100%依賴藥物令佢專注，依家佢都係食輕劑量的專注藥，無再加藥了。
我係食藥嗰派家長，我當然建議食藥
因為早啲令小朋友集中，追返學習上進度
愈遲就愈難追，到時甩太多，小朋友學習都無興趣。
但我終極目標都係想小朋友甩藥，會告知小朋友喺食藥過程中要學懂專心先可以甩藥，唔好依賴曬粒藥。
5個讚
我最近都爭紮緊，排緊公家，諗緊見唔見私家。上次去登記，個護士好好，同我解釋食藥副作用，佢話最普遍係胃口變差，超過50%都係。但我呢排見過食緊藥小朋友，個個都話食野差左，起初仲有手震等副作用。
通常食一隻藥，都要睇兩星期，睇身體適應成點。唔岩就轉藥。
其實我小朋友係學校係ok，無投訴，成績跟到。不過佢一放學就係甩繩馬騮，好頭痛，我都唔知俾唔俾佢食好。加上我仔好瘦，胃口變差我仲心痛
一定唔係
外國都有好多sen 學生，
課堂處理方法同香港有少少唔同。
ADHD有好幾個特徵，坐唔定只係其中一個。
[quote=“Jane, post:6, topic:75968”]學校都接受個人發展步伐, 可以用幾年時間慢慢來
[/quote]
外國做藍領生活ok，只要唔揀一線城市競爭性已經低好多。
讀得IS，都會跟外國個套，包容性大啲，成績未必係最重要，視乎學生資質。
1個讚
可以同醫生講,睇吓可否轉藥,依家都有啲新藥
如果佢唔肯,就試吓睇多一兩個精神科醫生,睇吓邊個肯開其他藥
另外就係遊戲治療/訓練,長遠有幫助
2個讚
我無比，坦白講比唔比藥好睇家長對小朋友成績有幾大要求，如果覺得比左藥真係OK，係改善到情況同成績，小朋友又接受到咪食囉，食藥又唔會令到小朋友IQ變高，唔食藥仲有好多方法去改善，例如做專注力訓練、家長幫手睇功課，食supplement都可以改善到架，再者D藥又唔可以食一世，有日停左藥成績變返差，咁小朋友係咪又要去食返藥？
1個讚
我都冇比, 淨係比左supplement
係watsons買左隻醒腦丸, 補腦磷脂有助神經發展
請問醒腦丸係咩牌子?
古寶醒腦丸
我細佬現時30歲多啲，
細個證實ADHD，ADHD係腦部缺少咗一個物質，
係令佢自己都控制唔倒嘅。
佢嘅ADHD情況係，就算每日俾足全日同佢溫書，都會記唔倒任何嘢。
但媽因驚副作用無俾藥，學業完全跟唔倒，
小學俾同學排擠，自卑。
中學惟有中半特殊學校，
更加無任何學習氣氛，亦都無咩朋友，
去到而家大個，做嘢選擇少，
自卑到自大變咗反社會份子。
最近仲俾人呃咗幾十萬。
可能性格有關係推史到咁，
但我好建議要食藥，當初佢唔係蠢，
就算係彈琴天才都要有睇譜專注力先可以成功。
好多人大個咗可以甩藥，學習階段好緊要！
2個讚
其實都係
屋企人教中學，以前咁啱遇著我同事個小朋友，第一次見已經講佢有ADHD，建議我同事帶佢睇醫生，但佢唔肯面對現實，依家大個升唔到大學都無一份工做得長
屋企人既講法係，食藥係會呆左無食慾之類，但上堂八小時，可能有四個小時聽到老師講書，可能仲有一個小時既野入左腦。而且年紀越大，因為一開始就正面咁面對ADHD，就越會明白自己問題，更願意正面咁面對問題，自己同家人都去盡力改善，亦唔少真係會做到，越大個就越可以減藥
唔食藥，簡單講就係六年中學係白過
好多家長喺小朋友一開始食藥見到有d反應就即刻停藥，但其實係有適應同埋試藥調藥嘅階段，同醫生講番會再調整d藥。然後呢堆家長就會不聽勸，當d藥係毒藥。
好多ADHD小朋友食完藥係可以專注番，改善學習改善行為表現，可以有番正常嘅社交、校園生活。嚴重嘅Adhd會變成conduct disorder,到時仲難攪
3個讚
有好多人仲以為活躍=聰明, 食完變咗蠢同呆…
係，有d家長寧願聽隔離陳師奶都唔信醫生唔信老師
我懷疑佢已經係conduct disorder
我都無留意到
該主題在最後一個回覆創建後180天后自動關閉。不再允許新的回覆。