講返背景先 呀媽 佢本身幾十年以黎冇做過野 一直都係脫節難溝通 唯一興趣係整日都係鍾意開大電視睇新聞 24小時重播 講人是非 包括親戚朋友 屋企人 一同佢唔岩意就口up up 大力整野 講粗口叫人死剩種 早死早著 永遠佢講既先係岩
佢老公又有二奶 被佢斷正仲要發癲鬧返佢 搞到佢想自殺 又喜歡偷野 上過警署 又係日日講是非 份人又小器又鬼鼠 平時見人唔敢出聲 屋企就成日發癲鬧媽同我地 日常生活全部媽負責
我細妹 似足佢性格 由細到大都闖禍 要媽幫佢收尾 愈衰愈大獲 仲生埋個女 又離婚 帶埋個女 係媽屋企住 大食懶 但都會比返使費 會成日發脾氣 又係要日常生活被媽照顧
我頂佢地唔順搬左自己住 我知媽好辛苦 但我頂唔到佢成日發牌氣 放假起身佢就黑面對你 我又冇做錯野 家用又有比 從來冇比麻煩佢
佢成日呻屋企2件癈人 叫佢約下朋友或者自己行開下 放鬆d 又唔肯 話幾衰都自己屋企人喎 外人只會笑佢害佢 想幫都幫唔到佢 佢成日要求我返去住 原因係比租人不如益佢 但我擔心相處唔到 因為佢根本冇變過 講左句唔岩聽 佢會發足成日癲 口up up 講晒粗口 咒人死 幾難聽說話照講
佢份人咩都唔識 又冇娛樂 最鍾意日日係屋企由早做家務做到晚 一邊做一邊鬧人 有人約佢出街就會背後鬧人八婆 但會照出去 笑晒口對住人
搬返去一樣要比家用又受氣 我有諗過堅持自己再租屋住 就叫唔孝順？
佢每日一起身就黑面 唔想做咁 我妹叫佢唔好湊孫啦 佢就要生要死 又話冇野做好易死
我覺得佢係呻慣咗
淨係識用呢個方法表達自己
終之怨天怨地怨人自己係最辛苦最慘果個
你唔好搬返去啦、成個家咁大負能量
11個讚
好怕呢類人、要佢做又呻、唔駛佢做又呻、搞到人見人怕
3個讚
最慘有啲係爭曬啲野做
之後話你哋他他條條得佢一個辛苦
6個讚
佢愈老愈嚴重 以前後生都已經口up up
懷疑佢老年抑鬱
1個讚
我鄰居都有咁，
見人出出入入大力啲關鐵閘，
興奮講嘢大聲啲。
都出嚟講粗口鬧人。
我都覺得又驚。
好怕同負能量嘅人相處。
TobyL
10
冇錯呀 佢直情係咁 最正常果個係我 但佢永遠只會對正常果個發脾氣
都似、因為抑鬱係關乎血清分泌
可能後生已經有
要當事人願意去面對先得
1個讚
TobyL
12
佢又唔敢對外人發癲 對外人笑晒口 但人地一走佢就講人是非架啦 總之一有人接觸佢 果個人就係八婆
因為佢情緒勒索到你
so 唔好搬返去，等同住既人對住佢就算
無眼屎乾淨盲
你有做夠本份(例如俾家用)就咩都唔好參予/插咀/俾意見
6個讚
TobyL
15
佢唔會面對 同佢講過 佢會大聲鬧你 話你小心呀 斬死你呀
因為得你仲會理佢嘛
所以唔好返啦、幾十歲人要改一早改、少見啲你仲可以容忍下佢
7個讚
TobyL
17
我都係咁諗 但佢正常果陣就扮慘 又話自己冇錢 我比租益人都唔益佢
有能力自立唔好搬返去
我當年情願做多份PT都死都要搬走
3個讚
咁佢都好辛苦，
唔好介意我咁講。
呢一種可能係一種病態。
3年前番工試過比人蝦，比人笑。
本身做野能力唔叻，人又唔醒目。
之後變得好怕人。
覺得個個人都唔好。
之後去睇精神科。
下，你搬返去除左俾家用仲想你俾多份租，唔係呀嘛。
令尊翁出軌又有問題令壽堂都無斬纜，已經有問題啦。唔好諗要幫佢手喇，俾得起就俾下家用，過時過節出黎食飯，佢地一家四口既事唔好俾意見。
如果同你呻你仲要提返佢果個係佢老公，係佢個女
3個讚