真係咁重要咩！？ 我覺得後搵嘢嚟講！其實佢係咪自卑（唔知乜嘢原因），唯有用踐踏你令你失自信來鞏固自己係你心目中嘅地位，令你唔會離開佢？
2個讚
我媽媽同爸爸都分隔異地生活廿幾年，最近我爸爸年齡大，身體唔好，我媽媽迫於無奈接返爸爸一齊住。
從佢言語中感受到佢身心都受到折磨，但當佢年紀咁大先黎話離婚，莫說旁人，仔女肯定都唔會理解。
可能我講得大多，但你嘅情況真係同我父母嘅情況好相似。多啲為自己打算，你本人先係世界上首先最值得去愛嘅人。
1個讚
記住：女人唔嫁人係唔會死，但嫁錯人慘過死
21個讚
好同意
雖然唔係話一定要男方出晒錢，但如果連女友老婆就要用個excel計住，其實已經唔洗睇其他野
再講，時不時講分手，會自殺。。。講一生一世既。。。我自問無咁既大愛
3個讚
好認同
2個讚
嫁錯人好恐怖，唔單止精神受創，屈得太勁會有Cancer。
身邊有例子，個老公日日黑口黑面，乜都批評乜都唔滿意，一日兩公婆講唔夠5句嘢，逆境同順境個面口無分別，成個家庭氣氛都令人好唔舒服。個老婆有Cancer，個女亦啱啱發現有好難醫嘅病。
睇下你有幾愛佢，係咪愛到用埋自己條命去愛，仲要唔好奢望有任何回報。如果你準備好疊埋心水、單純咁愛佢一生一世嘅話就同佢結婚啦。
6個讚
真係諗清楚
人愈老愈固執，問題只會有增無減
缺點並無改善，反而變本加厲
6個讚
樓主 我同你一樣都30歲
雖然大家情況唔太一樣 但作為一個有埋囡囡的媽媽
好想同你分享下
我幾年前遇到同你差唔多/更厲害的情況
條友又廢又自卑又憤世疾俗etc(太多 可以出書 一開始的優點隨住時間的流逝都無哂甘濟）
居然講得出叫我養埋佢 好慶幸佢偷食 因為係我底線
我一開始仲被機會 佢好快又整多鑊
甘我就果斷26歲生日前分手 唔想再浪費自己時間
我同佢分手後 大家都過得比一齊時好 令我唸通左
因為佢係我初戀 我有好多野唔甘心介懷 但大家都好左
正正就係因為唔適合 當然呢個就後話啦
唔分手都唔會知既
———————————————————————-
分手後半年識到我老公 佢對我好好
錢銀上佢出雞 我出豉油 又幫手一齊湊女…優點多多 但都有缺點既 但呢幾年都令我明白唔少野
拍拖已經有的問題 結婚只會令佢更加放大 唔會消失
就算結婚後都好好 生左小朋友又會有好多問題
係過五關斬六將甘 當拍拖已經甘多問題
係咪仲要堅持行去下一步呢？
30歲先係開始 仲有好多時間
我係媽媽谷都見好多35-40先有第一個小朋友
真係唔洗逼得自己太緊
我一直都無唸要30歲前結婚生仔
係因為遇到適合的人 先甘去做 唔好為追時間表而追
嫁錯郎好大鑊 我身邊有例子 本身娘家單身好幸福
奉子𠄘婚 最後男方偷食 破埋產 偷佢錢 完全嫁錯郎
娘家已經無容納佢的地方 佢仲要逼住原諒男方
因為自己無能力 仲要有個仔
宜家大家都配合佢扮若無其事 固中辛酸得佢自己知
9個讚
辛苦啊
唔應該咁辛苦
同一個咁計較既男人生活，好痛苦
又一個flag! 我果件佢學歷高過我（我有碩士架啦），佢都覺得我太低層次，佢只會浸醉入自己比你叻，往後大把野佢會睇你唔起。
3個讚
生cancer, 我都好驚，我兩個仲細
1個讚
我之前過緊呢種生活，我地移左民，最近頂唔到請佢離開返香港，大家分開生活，我輕鬆左開心左。當然仲未決定點行落去，始終廿年感情而且有兩個仔女。
不過，有段日子真係好辛苦，返工壓力都無返屋企壓力咁大，個人放鬆唔到，直到分開生活，我先放鬆，仔女亦一樣開朗左。
只能講從一開始我愛佢比佢愛我多，所以我可以忍, 而佢盡情將負面情緒發係我身上。人大左開始諗係咪咁生活下去，當一個人更快樂係未唔應該再迫住一齊？
只不過，係分開期間佢話後悔同會改，而且一個人係香港好孤獨，我有啲唔忍心。但咁多年，我好清楚性格係無得改，而家只係拖。
所以要嫁真係要嫁一個懂得欣賞同寵自己既人，因為即使你無限付出，佢唔欣賞，係唔work.
10個讚
好同意，返工冇咁攰有時，做咗嘢會被欣賞先得
我要用粗口黎形容
好X認同
1個讚
阿妹，男嘅乜都計，連瓜嘅厚薄都有野講…衰d講句，會唔會行埋時，要定時定候先可以高潮？
見到你打d野我都覺好辛苦，我都有個令我辛苦嘅老公，但你果個太誇啦！到時會唔會bb想食多d奶，換多條片都唔比架？
真係要好好考慮清楚！
2個讚
長痛不如短痛
1個讚
AA已經要分啦，第時生埋仔都mark excel咩
4個讚
咁嘅性格你都可以忍咁耐，勁！
分啦，結婚只會變本加厲
1個讚
睇晒成篇… 真係諗唔到咩理由唔分手, 依家仲有一點點甜蜜, 婚後就大減… 坦白講, 30歲好後生, 仲有大把機會… 結婚係一生一世唔好將就…
1個讚
切舊瓜都咁多事實
我發現好多女仔為咗「身邊有個人」乜都忍得，對自己屋企人又唔見咁有耐性。
見好多網友都建議分手，比我都會。
但見太多呢啲人，叫完分手都係繼續委屈自己。
希望你唔係啦
5個讚