真係唔識買餸煮飯，有時想食魚，落街市見到D魚淨係知係魚，名又唔識又唔知點整，又驚買到唔新鮮比人呃(呃過唔少)同埋多數一個人食，搞搞下淨係識買雪藏魚，最叻一係切好晒一舊舊果D鯇魚(唔識睇，經常比人呃買番蒸完臭既)
有無人指點下新手買餸點買魚？通常性價比入門買咩魚食？(唔係石班果D)會好食？穩陣？
我係直接問魚檔呀姐呀叔、有啲見你後生又唔識、會介紹貴嘅比你、唔駛怕冇面，直接講話咁貴有冇平啲
一係超市果啲、會一pack連薑蔥包晒、不過貴同𡊰冇咁靚
買之前上YouTube 睇下人哋點蒸
3個讚
買得最多係黃立倉，唔洗打麟又無細骨，清乾淨d內臟同條血管就咁用豆豉+辣椒+蒜頭蒸
1個讚
魚黎講，我覺得超市真係唔太新鮮（有游水魚檔嘅超市除外），急凍真空果啲黃花、鎗魚反而ok, 不過要自己劏。
如果你想買細份量嘅話，可以考慮一份份鐵碟仔果啲？問下哥仔點煮好食。平平地唔呃得你幾多錢，同埋都多人買不停換新魚上黎。
鯇魚要好食要盡量捕住佢新鮮劏，我會買腩位但一般要你要埋個頭，秤落就唔抵，但新鮮嘅腩真心好食！唔新鮮就會有陣泥味。
以前我最鍾意買馬頭魚（喺冰面），用鹽醃一晚洗乾淨、抹乾，再蒸或者煎，好好味。同樣做法整馬友仲正，好有油香，但馬友價錢有平有貴要小心揀。
記得魚要盡量煮之前先好洗，如果買完唔係即煮，連膠袋雪住就得。
魚肚位洗完要用廚房紙捽甩啲污糟野可以減少腥/怪味，通常我會灑少少鹽同胡椒粉入去。
2個讚
咁買游水魚就一定穩陣 石蚌都算係幾好選擇(性價比)
鯇魚同烏頭果D淡水魚有時陣(草/泥)味會重D 唔係人人啱食
咁你應該選海魚就對了(最多有電油味 
)
3個讚
以前唔多識，小朋友又細，我通常買魚時會問魚販邊D魚冇咁多骨，如果游水就石蚌、紅鮪、黃立倉之類，如果瞓咗冰面嗰D，白倉、黃花、紅衫都係算係平D，揀眼睛亮晶晶嘅會新鮮D，如果眼睛睇嚟奶白渾濁可能放耐咗，就唔好買。
同埋有時響街市見到魚身卷起咗嘅黃花，我見到多數會買，因為海魚離開水之後咪會響平地上彈吓彈吓嘅，如果哩個時候即刻急凍，有機會係彈緊嗰吓就死咗，於是個身會卷埋，咁即係由捉咗上水至雪死只係極短時間，通常都好新鮮，D肉食落好結實。我都係以前聽人咁講又跟住試吓買，唔係話攤直就唔新鮮，但我未試過食卷起身嘅黃花口感霉，同埋唔係經常見到有，你見到可以買嚟試吓。
4個讚
石蚌好味呀, 不過有時貴d
紅衫魚都OK呀, 頂多加多d 胡椒粉落多幾片薑煎左佢, 煲蕃茄魚湯, 有魚食又有湯飲下
就算條魚唔靚, 落多d 薑起碼遮左魚腥味, d 湯仲飲得呀
2個讚
係hktvmall買本香港街市海魚圖鑑，fb入香港街市魚類研究所。再係街市實戰下。
我自己鐘意食馬友，又平又好食。
2個讚
我又係好鍾意食魚，但係唔識買魚，入咗呢個Facebook group之後，即刻識識地買魚！強烈推薦！
2個讚
好多魚都太似樣，你講D名我網上搵睇完再去買都未必認得個樣係咩 
最慘係街市都唔會標記係乜魚，新手真係好大鑊！
我記得好似入過去睇？但記得好多魚販出PO引人去買(通常都天價)
呢d我自動skip，我買平時食既魚咋，邊會買天價魚
我都好鍾意紅衫魚呀，係擔心多骨又尖又硬
我食魚好渣，要心無旁騖（無小朋友喺身邊搞住我）先敢食紅衫
1個讚
先認一認你想食嘅魚，然後一步步嚟
我同老公都鍾意食煎鮫魚，所以先去試買鮫魚
仲有就係家人會整嘅，e.g. 斑類、大魚同鯇魚點分
類之，就係一樣樣嚟
仲有，我會去超市"學"咗先，認樣！
街市魚檔有啲游水魚嘅缸有分價錢，例如$25 $30 ，你同可以同檔主講$25嗰啲魚有冇盲曹、石玤，有佢就會撈俾你睇，你見條魚紥紥跳就一定新鮮。如果貴D $80左右 青斑都好食，沙巴龍躉就麻麻，肉好實
如果係冰上面嗰啲通常睇隻眼紅唔紅
買魚我多數睇下
對眼白唔白 - 太白就即係死左好耐, 要清, 清澈既眼睛
如圖:
呢D唔OK 
可以睇埋個鰓, 紅色 = 新鮮D, 暗紅色 / 黑色 = 無咁新鮮 (唔好揀)
游緊水既, 你睇中邊條 (大細, 個身有無損傷, 游得快唔快), 就指比佢睇, 佢拎起手, 見佢狂fing, 周身郁, 就知佢生猛, 咁就OK佢啦
鯇魚 都好少話會臭, 你真唔好彩呀, 下次唔好再去呢檔
鯇魚腩我自己買返黎之後, 刮走D黑色衣, 洗走D血,
煲一鍋熱水, 水滾落薑(切片2-3mm 2,3片)蔥(切條2大條)
再教中細火, 落鯇魚, (水用過魚身) come 蓋煮6,7分鐘, 睇腩位置幾大再adjust時間
(魚不入雪櫃)
條魚熟左再煎熟油, 油熟了, 先倒D落條魚到, 淨低少少油再爆薑(去皮切絲), 蔥(切幼絲)
再加返落條魚度, 再淋豉油係邊, 好好食
烏頭(好實肉, 少骨),
去鱗 - 留魚扣- 豆豉蒜蓉(全切細粒) / 檸檬蒸
唔去鱗 - 香茅鹽焗
元朗烏頭好好食, 有黃油又會再香D, 係元朗烏頭既話, 尾會有個鎖匙扣咁扣住
無扣就唔係元朗烏頭, 可能真係會有DD泥味
九肚魚 (滑肉, 多幼骨), 我會飛晒佢D魚鰭, 頭尾都去埋, 放便我一野放入口, 薑蔥蒸
脆肉鯇骨 
(超超超實肉, 超多骨) 豆豉蒜蓉(全切細粒) + 蔥, 又係好食到痴線
(但就咁脆肉鯇腩就不了, 留返打邊爐)
細泥孟 - (實肉, 小骨)果皮
全都要
開肚洗黑色衣, 放血(應該係話洗清D血)
最尾加熟油
如果好似烏頭咁, 佢個身條骨旁聽有明顯血管, 你要界開佢, 洗左D血, 唔係蒸完好腥
仲有D咩魚好食又抵食…
晚深, 今晚食飽左, 無諗起食
4個讚
建議買游水鲳魚，劏好後返到屋企，連膠袋唔洗即入冰箱。食用前一晚放保鮮格慢慢解凍、或想即食就用水喉水沖到解凍，香煎或清蒸亦可。
或整一夜乾醃一晚，到食前先煮
2個讚
自己買開石蚌，金古同深海泥猛
其實學識蒸魚就成件事好簡單，上YouTube 睇下蒸魚點樣”讚油”
我老公鍾意食黃立䱽，所以淨係會買呢隻魚食，但宗教問題唔會買游水魚，只會買攤向度果啲
我樓下街市有一檔係分好晒大細標好價錢，明碼實價想要邊條就篤邊條，一般40-60蚊1條左右，夠2個人食
唔識分魚嘅品種，就行埋檔口問吓，我見好多阿姐都係行埋去就問有冇咩魚，都冇自己睇嘅，我第一次入街市買魚都係扮睇唔到問人有冇魚立倉，之後個檔口姐姐話有呀指比我睇
有親戚賣魚就教我睇魚眼分新唔新鮮，話瓜咗好耐嘅魚眼珠會變白變混濁，所以揀啲魚眼清晰啲嘅會比較新鮮
沙律英鯧魚
我記得我有買過百佳雪藏貨
半煎炸佢都好好食， 但佢無去內臟， 雪藏魚有啲 呢hea
如果係街市買嘅， 都係留返黎蒸（冬菜， 薑）， 煎炸就浪費咗 （我煎嘢麻麻， 無咁好耐性，用雪藏魚岩晒）
諗起都好想食 