我侄仔2歲幾3歲個陣比健康院評佢有自閉傾向，暫時仲未確診，但基本上所有徵狀都中晒咁濟，而家係卷校讀緊幼稚園k2，一星期會有一次到校服務，幫佢做職業治療，物理治療同埋言語治療等等，而家已經就黎5歲覺得佢冇乜進步，仍然係叫極都冇反應，問佢野問好多次先會答粒單字，經常發呆，一唔順意就發脾氣打人踢人撞頭，成日亂掉野亂叫講外星話。
最大問題係佢父母好唔積極，完全冇諗方法點去幫個仔，我地成家其實都係好內向個種，冇社交，好小溝通，唔識表達，我一直覺得我地全家其實都係有自閉，不過以前個年代冇乜人關注呢樣野，我唔想個侄仔好似我地咁，而家都唔知點算好，睇見佢就覺得好心痛，好擔心佢將來
打人踢人一定要出去做訓練，揾人教識佢唔好咁做先（或者做少啲）、否則小朋友過多幾年生得高大，冇人拉得住佢。（試下同小朋友父母講下、大個咗都係咁可以惹好多麻煩）
帶小朋友打鞦韆，氹氹轉，有經濟能力比佢學下溜冰、Roller, 冇咁多錢就買對鞋同佢落街扶住玩、盡量腦仔個前庭有機會發展，少少都好。
我小朋友有個朋友仔，又係自閉、會打人踢人、試過喺公園推咗個啱啱識行嘅BB落樓梯，搞到家長報警，家長有教有做訓練有食藥，其實一直好咗，但同平常人比都係有唔同。
呢傢六年級，都over150cm高，有次迫巴士，有個呀叔唔小心掂到佢，佢一野「鍋」落個呀叔度，個呀叔癲咗爆粗鬧咗佢全程車，媽媽係咁道歉、小朋友嚇到癲咗係咁忍住、落咗車先敢爆喊……
唉 真係好難搞 今日先比佢中左一拳落心口。而家開始想正視個問題 同佢父母講過好多次，由一開始鬧返我轉頭，話我亂講野，到而家終於肯比我同佢搵啲社交班情緒班，但已經浪費左好多時間，想排協康，但真係好貴同埋唔知要排幾耐，心很累
想問下除左roller，游水有冇用…
但家長唔聽係冇辦法
講咗你要講嘅嘢
佢地唔做都冇計
我試過同另一個親友講，又係兩三歲見到啲症狀，好似我上面講嘅朋友咁，親友冇理，我果陣又唔識婉轉咁勸，淨係識叫佢去check、呢位親友係冇理我。
最後過幾年、真係學校都話有事，呢位親友同我講，比你咒中咗啦、你開心啦。
其實諗返轉頭、當事人係其實只係想有人聽佢呻。
我諗運動點都有用
有個ADHD協會、好多活動同講座
可以參考下
Google「前庭運動」，睇吓有咩安排到比小朋友
自閉症係小朋友天生腦仔缺失
好多壞行為唔係因為佢哋唔夠乖
身邊嘅長輩要學習點樣體諒
生左又唔理又唔教 小朋友好無辜好慘 我都有個朋友個仔係有嚴重自閉症 但佢好有心機去教 而家都讀到主流中學 有朋友 正正常常 只係成績差啲 人地咁嚴重都教得好 真係覺得自己好冇用…
人嘅大腦係發展到25歲，五歲開始都有好多野可以做
唔好諗住完全唔打人，打少咗已經好大進步
係架，你講啱晒
以前果個年代冇評估，就算有自閉症都唔會知，果個年代連老師都冇咁多呢方面嘅知識
同埋自閉症唔多唔少都同遺傳有關，屋企越多人有自閉症，下一代有遺傳嘅機會越大
你姪仔嘅情況，其實佢2、3歲發現有自閉症傾向就要幫佢排S位，讀特殊幼兒中心會比佢讀普通幼稚園好，但佢而家5歲就有啲遲了
因為正苦提供嘅相關服務都只係去到6歲，連佢而家有嘅到校服務都係到6歲，到6歲就會返去CAC做評估，睇吓小朋友有冇需要讀特殊學校/可以讀普通小學，正苦免費嘅服務就係咁多
但其實出面好多ngo都有自費訓練，預計$600/堂起，如果屋企負擔到，就建議佢父母比小朋友出去上多啲堂，一定有幫助
完全皇帝唔急太監急, 辛苦小朋友同樓主你
如果佢實則傷害到你，你搵幫助去解決佢係啱嘅。治療呢啲有好過冇，遲到好過冇到，通常開始接受專業治療呢一步，其實父母戒心都降低，同埋理論上每個session 都有導師feedback，人哋講好過屋企人講。
但呢度你唔啱聽我都要講，其實呢個係父母責任嘅範圍，你可以俾提議，但唔可以逼佢地接受你提議。你過咗界，worst case 你同佢關係破裂，佢完全否定要去治療，其實都係對個小朋友冇好處。
不必個個都中意聽，
又有自閉症，又發展遲緩。
3歲半講嘢重係講單字。
畫直線都畫唔到。
唔好講話寫字。
我睇到我個仔主流既課程跟唔上，
可以將來入特殊學校，有自閉輔導。
屋企人就話我咒自己個仔，
無盡過做阿媽責任，呢啲只係不負責任嘅說話。
我唔想個仔好之類既說話。
只係話唔係個個人都接受得到自己仔女有問題。 
上一代邊有分咩叫SEN
佢地只會覺得叻既乖既人讀到書, 所以賺到錢, 唔叻唔乖既, 讀唔到書, 就做d 辛苦工
好彩你作為父母夠開通, 行前一步 
佢哋無知識先會講呢啲說話，你要原諒佢哋嘅無知
堅持自己諗法，比小朋友向適合嘅環境學習
成家都自閉咁誇張
但家長都唔理 你旁人急都冇計
父母唔急就由佢啦，可能父母唔會面對，曾經識左一個嚟英國嘅家庭，個小朋友小學，成日陰濕地攪人打人，學校唔比佢返全日，父母口講就話擔心，現實係從來唔見佢教仔，個仔攪人當睇唔到，同佢講點可以教個仔適應新學校，全部否定你，話個仔係咁架，根本唔會做。
口講好介意學校cut佢鐘，實質自己都唔配合，根本身邊嘅人無嘢好講，亦都唔駛再講。
其實到校服務一星期先一次，效果唔明顯！
父母態度好重要
如果父母態度都唔想去理，外人同佢講，佢就種種原因推卻，咁好難幫。
有黃金治療期，愈早醫愈好。
我去學校講座時，有自閉小朋友得到適當治療，係可以融入主流學校。
我都有接觸過啲唔肯醫的家長，只嘆佢的態度拖垮小朋友人生。