估唔到我個女都面對咁嘅問題。
事緣阿女同班WhatsApp group 有個同學對佢講啲好難聽、人身攻擊嘅說話，而且唔止一次。我女初初都冷處理，後尾有次太過分，佢好唔開心，我先發覺到。
佢比我睇咗個group, 有佢同對方嘅對話，中間夾雜咗其他人嘅留言，有少部分係叫雙方冷靜。本來我已經諗咗方法處理。但響未處理前，個group突然好多留言。原來有其他同學睇唔過眼，叫果位同學be nice, 話佢 too rude, 大家態度用字都好溫和，但訊息好明確，而且仲有人私訊阿女安慰佢。
我女雖然覺得好安慰，但唔想留響「是非之地」
所以quit 咗group.
隔咗冇耐，佢班同學加返佢入group, 然後話果個唔友善嘅同學已quit 咗。
最令我意想不到係，班長send咗個message出嚟，話無論學校定WhatsApp 都唔應該有欺淩，大家要be nice and polite to others.
我睇到真係有啲感動。從中又有啲啟發：
1，對付欺淩最緊要都係有自己朋友
2，其實小朋友都知道乜係欺淩，而且只要善良嘅人夠多，件事係可以響小朋友自己層面解決。
第二日發生咗另一件令我意想不到嘅事。有同學話想加返欺淩者入group, 大家有唔同意見，因為我女係「被欺淩」，所以有同學問佢。估唔到阿女話無所謂，而因為對方都係班嘅一份子，所以加返佢入group係reasonable.
最後果個同學入返group, 而班長仲set咗new rule, 話響WhatsApp 都要有禮貌
果位同學仲同大家（唔止我個女）道咗歉。
我真係好慶幸入咗間好學校，有班咁識諗咁善良嘅同學
唔好問邊間，唔開名
41個讚
同輩點樣去應對件事真係好重要
如遇到欺淩事件，但無人支持自己或者唔敢出聲，對被欺淩者的傷害好大，真係會想唔開，因為日日都要面對。
好彩女女同學都好支持佢，希望欺淩者反醒下自己行為。依家成日出現十幾歲想唔開的新聞，作為家長會好擔心。
3個讚
係，講到尾佢哋先係見得最多嘅「群體」。讀咗四年都冇遇過咁嘅問題，呢位同學係舊年嘅插班生，希望佢都可以被呢間學校呢班同學嘅氣氛感染，反省自己行為。
佢哋處理得好成熟，既會支援比人蝦果個，亦願意重新接納犯錯嘅人，比機會佢改過自身，好多大人都做唔到，我真係好感恩阿女有一班咁好嘅同學。
3個讚
真，大事化小，大家都上了一課
轉校生可能唔適應有d attention seeking?
2個讚
媽咪我都上咗一課，理性上我知道要比空間佢嘗試自己處理，但一發生響自己女身上，我就忍唔住想出手。
而我個女支持加返欺淩者入group, 除咗因為佢覺得大家同班應該比機會佢改過，我覺得仲因為其他同學嘅處理手法比到佢安全感，所以佢唔介意同對方繼續接觸。
阿女話轉校生平時都有啲mean, 亦唔止對佢一個惡言相向，我諗轉校生可能屋企係小霸王，未拿捏到點同人相處。
1個讚
時代唔同，好彩係佢有你個呢個媽媽會睇住佢，等佢有個避風塘。當年我老母問我你想點
1個讚
樓主，你女兒的學校應該band 1 ，才有這樣優質的學生。恭喜你，朋輩好，你女兒也一定會好乖。
2個讚
高小就已經有WhatsApp group?
是因為要做project嗎？
1個讚
有部分同學三年級已有手機，所以好早已有WhatsApp group. 除咗project, 佢哋長假仲會約一齊玩。暑假已試過有同學自組海灘團，自己約時間、搵交通路線、諗活動，我哋家長只係陪襯，負責帶佢哋出去
果個團我都有參加，佢哋加埋家長們入WhatsApp group, 我即刻感覺零代溝
2個讚
我係好羨慕Happiese.
我生左個仔，WhatsApp group只會約打機同埋傾武器，好彩我仔唔鐘意睇 
三四年班好多都仲好幼稚，但只要班入面有幾個特別有領導才能，或比較活躍，就會帶動到個氣氛。搞活動嘅來來去去都係果兩三個，我女只係積極參與果批，相信都有同學係得個睇字。
但都有唔好處，因為多咗手機，所以我要monitor住嘅嘢又多一樣，又要防佢用得太多，又要留意佢有冇收到不良訊息
1個讚
好好的同學們
好奇本來樓主打算點出手幫囡囡？
(我唔會識得處理
